မုန်တိုင်းငယ်

A d v e r t i s e m e n t With Us

July 21, 2019

ဘင်္ဂလားပင်လယ်အော်တွင် မုန်တိုင်းငယ်တခု ဖြစ်လာနိုင်ဟု ဒေါက်တာထွန်းလွင်ပြော

ဘင်္ဂလားပင်လယ်အော် အရှေ့တောင်ပိုင်းမှာ လေထုမငြိမ်မသက်မှုကြောင့် လေဖိအားနည်းရပ်ဝန်းတခုဖြစ်ပေါ်နေပြီး ပိုမိုအားကောင်းလာကာ မုန်တိုင်းငယ်တခု ဖြစ်လာနိုင်တယ်လို့ မိုးလေ၀သ ပညာရှင် ဒေါက်တာထွန်းလွင်က ဇူလိုင် ၂၁ ရက် မနက်အစောပိုင်းမှာ လူမှုကွန်ရက်စာမျက်နှာကတဆင့် ထုတ်ပြန်ပါတယ်။ ဇူလိုင် ၂၀ ရက်နေ့ မနက် ၉ နာရီအချိန် KALPANA_1 ဂြိုဟ်တုမှ တိုင်းတာပေးချက်အရ၊ ဘင်္ဂလားပင်လယ်အော် မြောက်ပိုင်းနဲ့ အလယ်ပိုင်းတို့ တိမ်အသင့်အတင့် ဖြစ်ထွန်းနေပြီး ကပ္ပလီပင်လယ်ပြင်နဲ့ ကျန်ဘင်္ဂလားပင်လယ်အော်တို့မှာ တိမ်အသင့်အတင့်မှ တိမ်ထူထပ် နေပါတယ်။ မြန်မာနိုင်ငံ တောင်ပိုင်းဒေသတွေမှာ တိမ်အသင့်အတင့်မှ တိမ်ထူထပ်နေပြီး ကျန်ဒေသတွေမှာ တိမ်အသင့်အတင့် ဖြစ်ထွန်းနေပါတယ်။ ကပ္ပလီပင်လယ်ပြင် နဲ့ ဘင်္ဂလားပင်လယ်အော်တောင်ပိုင်းတို့မှာ မုတ်သုံလေ အားကောင်းနေပြီး ကျန်ဘင်္ဂလားပင်လယ်အော်မှာ မုတ်သုံလေ အားအနည်းငယ်မှ အားအသင့်အတင့် ရှိနေပါတယ်။ မွန်-တနင်္သာရီ ကမ်းရိုးတန်း နဲ့ ကမ်းလွန်ပင်လယ်ပြင်တို့မှာ လှိုင်းအသင့်အတင့်မှ လှိုင်းကြီးနိုင်ပြီး  လှိုင်းအမြင့် ၆ ပေမှ ၁၀ ပေခန့်၊ ကျန်မြန်မာ့ကမ်းရိုးတန်းနဲ့ ကမ်းလွန်ပင်လယ်ပြင်တို့မှာ လှိုင်းအသင့်အတင့်ရှိမှာဖြစ်ပြီး လှိုင်းအမြင့် ၃ ပေမှ ၅ ပေခန့် ရှိနိုင်ပါတယ်။ နေ့အပူချိန်တွေကတော့ ကချင်၊ ချင်းပြည်နယ်၊ ရှမ်း၊ ကယား၊ ရခိုင်၊ မွန်၊ ကရင်ပြည်နယ် နဲ့ တနင်္သာရီတိုင်းတို့မှာ 27°C မှ 32°C ခန့်၊ ကျန်ဒေသတွေမှာ 33°C မှ 38°C အထိ ရှိနိုင်ပါတယ်။ မွန် နဲ့ ကရင်ပြည်နယ်၊ ပဲခူးတိုင်း (တောင်ပိုင်း)၊ ရန်ကုန်တိုင်း၊ဧရာဝတီတိုင်းနဲ့ တနင်္သာရီတိုင်းတို့မှာ ခရမ်းလွန်ရောင်ခြည် အညွှန်းကိန်း အလွန်မြင့်မားအဆင့်မှာရှိနိုင်ပြီး ကျန်ဒေသတွေမှာ လွန်ကဲအဆင့်မှာ ရှိနိုင်တယ်လို့ ဆိုပါတယ်။ ချင်း၊ ရခိုင်ပြည်နယ် နဲ့ မကွေးတိုင်းမြောက်ပိုင်းတို့မှာ တိမ်အနည်းငယ်ဖြစ်ထွန်းနိုင်ပြီး ကျန် တပြည်လုံးမှာ မိုးတိမ်တောင်အနည်းငယ်မှ အသင့်အတင့် ဖြစ်ထွန်းနိုင်ပါတယ်။ မန္တလေးတိုင်းနဲ့ မကွေးတိုင်းတို့မှာ နေရာကွက်ကျား၊ ကယားပြည်နယ်နဲ့ စစ်ကိုင်းတိုင်း(အောက်ပိုင်း) တို့မှာ နေရာကျဲကျဲ၊ ကျန်ဒသတွေမှာ နေရာစိပ်စိပ်မှ နေရာအနှံ့အပြား မိုးထစ်ချုန်းရွာမယ်လို့ ဆိုပါတယ်။ နောက်နှစ်ရက်အတွက် ခန့်မှန်းချက်အရ ကချင်ပြည်နယ် နဲ့ ရှမ်းပြည်နယ်(မြောက်ပိုင်း) တို့မှာ မိုးပိုလာနိုင်တယ်လို့ ဒေါက်တာထွန်းလွင်က ဆိုပါတယ်။
2 years Ago

April 27, 2019

မုန်တိုင်းငယ် အနောက်မြောက်ဘက် ရွေ့လျား၊ ပြည်နယ်နှင့်တိုင်းအချို့ မိုးထစ်ချုန်းရွာမည်

ဒီနေ့မနက် ၆ နာရီခွဲ တိုင်းထွာချက်အရ ဘင်္ဂလားပင်လယ်အော်အရှေ့တောင်ပိုင်းမှာ ဖြစ်ပေါ်နေတဲ့ မုန်တိုင်းငယ်ဟာ အနောက်မြောက်ဘက်ကို ရွေ့လျားခဲ့ပြီး သီရိလင်္ကာနိုင်ငံ၊ ထရင်ကိုမာလီမြို့ရဲ့ အရှေ့-အရှေ့တောင်ဘက် မိုင် ၅၂၀ လောက်၊ အိန္ဒိယနိုင်ငံ၊ ချင်းနိုင် မြို့ရဲ့ အရှေ့တောင်ဘက် မိုင် ၇၄၀ ခန့်အကွာ ပင်လယ်ပြင်ကို ဗဟိုပြုနေတယ်လို့  မိုးဇလက သတင်းထုတ်ပြန်ပါတယ်။ အဆိုပါ မုန်တိုင်းငယ်ဟာ အနောက်မြောက်ဘက်ကို ဆက်လက်ရွေ့လျားမယ်လို့ ခန့်မှန်းထားပါတယ်။ ဘင်္ဂလား ပင်လယ်အော်တောင်ပိုင်းမှာ တိမ်ထူထပ်နေပြီး၊ ကပ္ပလီပင်လယ်ပြင်နဲ့ ကျန်ဘင်္ဂလားပင်လယ်အော်တို့မှာ တိမ်အနည်းငယ်မှ တိမ်အသင့်အတင့် ဖြစ်ထွန်းနေပါတယ်။ ဒီနေ့ ညနေအထိ ခန့်မှန်းချက်အရ စစ်ကိုင်းတိုင်းဒေသကြီးအထက်ပိုင်း၊ မန္တလေးတိုင်းဒေသကြီး၊ တနင်္သာရီတိုင်း ဒေသကြီး၊ ကချင်ပြည် နယ်နှင့် ရှမ်းပြည်နယ်တို့မှာ နေရာကွက်ကျား မိုးထစ်ချုန်းရွာမှာဖြစ်ပြီး ရွာရန်ရာနှုန်း ၈၀ ဖြစ်ပါတယ်။ ကျန်တိုင်းဒေသကြီးနဲ့ ပြည်နယ်တို့မှာ တိမ်အသင့်အတင့် ဖြစ်ထွန်းမယ်လို့ ဆိုပါတယ်။ မြန်မာ့ပင်လယ်ပြင်မှာတော့ လှိုင်းအသင့်အတင့်ရှိမှာဖြစ်ပြီး လှိုင်းအမြင့်မှာ မြန်မာ့ကမ်းရိုးတန်းတလျှောက်နဲ့ ကမ်းလွန်ပင်လယ်ပြင်တို့မှာ ၄ ပေကနေ ၆ ပေလောက် ရှိနိုင်ပါတယ်။ နောက် ၂ ရက်အတွင်းမှာလည်း စစ်ကိုင်းတိုင်းဒေသကြီး အထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ နေရာကွက်ကျားမှ နေရာ ကျဲကျဲ မိုးထစ်ချုန်းရွာနိုင်တယ်လို့ ခန့်မှန်းထားပါတယ်။ ဘင်္ဂလားပင်လယ်အော်မှာ ဖြစ်ပေါ်နေတဲ့ မုန်တိုင်းငယ်ဟာ မြန်မာနိုင်ငံဘက် ဦးတည်ရွေ့လျားမယ့် အခြေအနေမရှိသေးတာကြောင့် အဝါရောင်အဆင့်  သတ်မှတ်ထားတယ်လို့ မိုးဇလက ဧပြီ ၂၆ ရက်ညနေပိုင်း သတင်းထုတ်ပြန်ပါတယ်။
2 years Ago
More News
Up