မုဒုံမြို့နယ်

December 28, 2020

မုဒုံမြို့နယ်တွင် မူးယစ်ဆေးပြား ၁ သိန်းကျော်နှင့် လက်နက်ခဲယမ်းများ ဖမ်းဆီးရမိ

မွန်ပြည်နယ်၊ မုဒုံမြို့နယ်၊ မှိန်ကနိမ်းကျေးရွာရှိ အပါချမ်းဆီဆိုင်အနီးမှာ ဒီဇင်ဘာ ၂၇ ရက် ည ၉ နာရီလောက်က စိတ်ကြွမူးယစ်ဆေးပြား ၁ သိန်းကျော်နဲ့ လက်နက်ခဲယမ်းတွေ ဖမ်းဆီး ရမိခဲ့တယ်လို့ မွန်ပြည်နယ်မှုခင်းအကူဌာန တာဝန်ရှိသူက ဒီဗွီဘီကို ပြောပါတယ်။ သံဖြူဇရပ်ကနေ မော်လမြိုင်ဘက်ကို မောင်းနှင်လာတဲ့ Probox နဲ့ Cheverolet Colorado မော်တော်ယာဉ် ၂ စီးကို သက်ဆိုင်ရာ တာဝန်ရှိသူတွေက ရပ်တန့် စစ်ဆေးရာမှာ WY/R စာတမ်းပါ မူးယစ်ဆေးပြား ၉၅၀၀ ပါ ပါကင်အထုပ်ကြီး ၁၀ ထုပ်၊ WY/R စာတမ်းပါ မူးယစ်ဆေးပြား ၇၆၀၀ ၊ စုစုပေါင်း ဆေးပြား ၁ သိန်းကျော် ဖမ်းဆီးရမိခဲ့ပါတယ်။ အဆိုပါ မော်တော်ယာဉ် နှစ်စီးမှာ အမျိုးသား ၃ ဦးနဲ့ အမျိုးသမီး ၄ ဦး တွေ့ရှိခဲ့ပြီး အမျိုးသား ၁ ဦးဖြစ်တဲ့ ချမ်းမွန်ဆီကနေ ထိုင်ဝမ်နိုင်ငံထုတ် ပစ္စတို သေနတ် ၁ လက်၊ ကျော်ဘိုဘိုဆီကနေ ဂျာမနီနိုင်ငံထုတ် ပစ္စတို သေနတ် ၁ လက် နဲ့ ကားအတွင်းမှာတော့ အမှတ် ၁၀၂၃ တပ်ရင်း BGF တံဆိပ်ပါ အစိမ်းရောင်  ယူနီဖောင်း ၁ စုံ နဲ့ တူရကီနိုင်ငံထုတ် MK 12  အမျိုးအစား သေနတ် ၁ လက်နဲ့ စုစုပေါင်း ကျဉ်တောင့် ၁၈ တောင့် ဖမ်းဆီးရမိခဲ့ပါတယ်။ ဒါကြောင့် ချမ်းမွန် အပါအဝင် အမျိုးသား ၃ ဦးနဲ့ အမျိုးသမီး ၄ ဦးကို မုဒုံမြို့မ ရဲစခန်းမှာ မူးယစ်ဆေးဝါး ဥပဒေ ပုဒ်မ ၁၉(က) ၊ ၂၀ (က) အပြင် လက်နက်အက်ဥပဒေ ပုဒ်မ ၂၁ ၊ ၂၂ (ခ) တို့နဲ့ အမှုဖွင့်အရေးယူထားပါတယ်။ သတင်း - ဇော်လွင်ထွဋ် 
1 year Ago

June 16, 2020

မုဒုံမြို့နယ် အန်အယ်လ်ဒီ ကိုယ်စားလှယ်လောင်း ရွေးချယ်ပေးနေသည့် မြို့မိမြို့ဖ ၃ ဦး နုတ်ထွက်

မွန်ပြည်နယ်၊ မုဒုံမြို့နယ်မှာ အမျိုးသားဒီမိုကရေစီအဖွဲ့ချုပ်ပါတီ ကိုယ်စားလှယ်လောင်း ရွေးချယ်ပေးရာမှာ ပါဝင်တဲ့  မြို့မိမြို့ဖ ၃ ဦး နုတ်ထွက်သွားပါတယ်။ မုဒုံမြို့နယ်မှာ ၂၀၂၀ ရွေးကောက်ပွဲအတွက် ပါတီ ကိုယ်စားလှယ်လောင်း ရွေးချယ်မှုကို ဇွန် ၁၄ ရက်နေ့ လုပ်ဆောင်ခဲ့တာ ဖြစ်ပါတယ်။  အခုလို နုတ်ထွက်ရတာဟာ သဘောထား မတိုက်ဆိုင်လို့ နုတ်ထွက်ရတာဖြစ်ပြီး သီးခြား မှတ်ချက်ပေးလိုဘူးလို့ မြို့မိမြို့ဖ ဒေါက်တာသန်းဝင်းက  ဒီဗွီဘီကို ပြောပါတယ်။ ကိုယ်စားလှယ်လောင်း ရွေးချယ်ရာမှာတော့ ပါတီဗဟိုက မြို့နယ် အလုပ်မှုဆောင်အဖွဲ့ဝင် ၁၃ ဦး အပါအဝင် မြို့မိမြို့ဖ ၅ ဦး၊ စုစုပေါင်း ၁၈ ဦးနဲ့ ရွေးချယ်ပေးဖို့ ညွှန်ကြားထားတာပါ။ အဲလို ညွှန်ကြားရာမှာ ရွေးချယ်ရေးအဖွဲ့က သဘောထားမတူရင်  လျှို့ဝှက်ဆန္ဒမဲ ပေးရမယ်လို့ ညွှန်ကြားထားတာဖြစ်ပြီး မြို့မိမြို့ဖ ၃ ဦးက ဒီစနစ်ကို လက်မခံဘဲ နုတ်ထွက်သွားတာလို့ မုဒုံမြို့နယ် အန်အယ်လ်ဒီပါတီ အတွင်းရေးမှူး ဦးဇော်ဝင်းက ဒီဗွီဘီကို ပြောပါတယ်။ မြို့မိမြို့ဖ ၃ ဦး နုတ်ထွက်သွားပေမယ့် ကျန်တဲ့ ရွေးချယ်ရေးအဖွဲ့ဝင်တွေက ကိုယ်စားလှယ်လောင်းတွေကို မဲပေးရွေးချယ်ခဲ့ပါတယ်။
2 years Ago
Up