မုဒုံ

August 16, 2022

ချောင်းဆုံနှင့် မုဒုံတွင် လေပြင်းတိုက်ခတ်မှုကြောင့် နေအိမ်၊ ဆိုင်ခန်းများ ပျက်စီး

မွန်ပြည်နယ်၊ ချောင်းဆုံနဲ့ မုဒုံမြို့နယ်တွေမှာ လေပြင်းတိုက်ခတ်ပြီး သစ်ပင်တွေ ပြိုလဲတာကြောင့် နေအိမ်နဲ့ ဆိုင်ခန်း ၁၀ လုံးနီးပါး ထိခိုက်ပျက်စီးခဲ့တယ်လို့ လူမှုကယ်ဆယ်ရေးအဖွဲ့တွေက ဒီဗွီဘီကို ပြောပါတယ်။

သြဂုတ် ၁၆ ရက် မနက် ၈ နာရီလောက်က မိုးအဆက်မပြတ် ရွာသွန်းပြီး လေပြင်းတိုက်ခတ်ခဲ့တာကြောင့် ချောင်းဆုံမြို့နယ်ရှိ ကလော့နဲ့ အပြိုင်းကျေးရွာက နေအိမ် ၆ လုံး ထိခိုက်ပျက်စီးခဲ့ပြီး အဲဒီထဲမှာ နေအိမ်တလုံးကတော့ ပြိုကျပျက်စီးခဲ့တာပါ။

ဒါ့အပြင် မုဒုံမြို့ပေါ်မှာလည်း သြဂုတ် ၁၅ ရက် ည ၁၀ နာရီလောက်က လေပြင်းတိုက်ခတ်ပြီး သစ်ပင်တွေ ပြိုလဲတာကြောင့် ဆံပင်ညှပ်ဆိုင်ခန်းတခု ပြိုကျပျက်စီးခဲ့ပြီး လူနေအိမ် ၃ လုံး ထိခိုက်ပျက်စီးခဲ့တာပါ။

လေပြင်းတိုက်ခတ်တာနဲ့ သစ်ပင်တွေ ပြိုလဲမှုမှာ လူထိခိုက်ဒဏ်ရာရတာ မရှိပေမဲ့ နေအိမ်တွေ ပျက်စီးသွားတဲ့ ဒေသခံတွေကတော့ နီးစပ်ရာ ဆွေမျိုးနေအိမ်တွေကို ပြောင်းရွှေ့ပေးနေတယ်လို့ လူမှုကယ်ဆယ်ရေးအဖွဲ့ တာဝန်ရှိသူတယောက်က ပြောပါတယ်။

မွန်ပြည်နယ်မှာ သြဂုတ် ၁၅ ရက် ညဦးပိုင်းကစပြီး မိုးအဆက်မပြတ် ရွာသွန်းနေတာကြောင့် မော်လမြိုင်၊ မုဒုံ၊ ပေါင်နဲ့ ကျိုက်မရောမြို့နယ်တို့မှာ ရေကြီးရေလျှံတာတွေ ဖြစ်ပေါ်နေပြီး နေအိမ်တွေ အရေးပေါ် ပြောင်းရွှေ့နေရပါတယ်။

3 months Ago

July 28, 2022

မော်လမြိုင်နှင့် မုဒုံတွင် နှစ်ပေါင်း ၇၀ အတွင်း အပူချိန် စံချိန်တင်မြင့်တက်

မွန်ပြည်နယ်၊ မော်လမြိုင်မြို့နဲ့ မုဒုံမြို့တို့မှာ နှစ်ပေါင်း ၇၀ အတွင်း ဇူလိုင်လရဲ့ အမြင့်ဆုံးအပူချိန် စံချိန်တင်သွားခဲ့တယ်လို့ မြန်မာနိုင်ငံ မိုးဇလက ဇူလိုင် ၂၇ ရက်မှာ ထုတ်ပြန်လိုက်ပါတယ်။

နှစ်ပေါင်း ၇၀ အတွင်း မော်လမြိုင်မြို့ ဇူလိုင်လရဲ့ အမြင့်ဆုံးအပူချိန် ၃၄ ဒသမ ၉ ဒီဂရီ ဆဲလ်စီးယပ်နဲ့ စံချိန်တင်ခဲ့ပြီး မုဒုံမြို့မှာလည်း နှစ်ပေါင်း ၄၁ နှစ်အတွင်း ဇူလိုင်လရဲ့ အမြင့်ဆုံးအပူချိန် ၃၄ ဒသမ ၅ ဒီဂရီ ဆဲလ်စီးယပ်အဖြစ် စံချိန်တင်ခဲ့ပါတယ်။

ရာသီဥတုတွေ တနေ့တခြား ပူပြင်းလာတာနဲ့အမျှ စိုက်ပျိုးရေးလုပ်ငန်းကို အဓိက လုပ်ကိုင်နေတဲ့ မွန်ပြည်နယ်မှာ နှစ်ရှည်ပင် ရာဘာ၊ ကွမ်းသီး၊ သံပုရာ၊ ကျွဲကော၊ ကြက်မောက်၊ ဒူးရင်း၊ မင်းဂွတ် စတဲ့ ရာသီပေါ် အသီးအနှံတွေကအစ ရာသီဥတုဒဏ်ကြောင့် အထွက်နှုန်းတွေ ကျဆင်းလာခဲ့သလို ထိခိုက်ပျက်စီးဆုံးရှုံးမှုနဲ့ တဖြည်းဖြည်း ကြုံတွေ့လာနေရတယ်လို့ စိုက်ပျိုးရေးလုပ်ငန်း လုပ်ကိုင်သူတွေက ဆိုပါတယ်။

4 months Ago
More News
Up