မီးပြတ်တောက်မှု ရန်ကုန်လျှပ်စစ်ဌာန အနူးအညွတ်တောင်းပန်

May 13, 2016

မီးပြတ်တောက်မှု ရန်ကုန်လျှပ်စစ်ဌာန အနူးအညွတ်တောင်းပန်

ခုသီတင်းပတ်အကုန် မေ ၁၄ ရက်နဲ့ ၁၅ ရက်နေ့တွေမှာ ရန်ကုန်တိုင်းအတွင်းရှိ မြို့နယ် အားလုံးနီးပါးမှာ အလှည့်ကျ ဓာတ်အားပြတ်တောက်ဖို့ ရှိနေတယ်လို့ ရန်ကုန်လျှပ်စစ် ဓာတ်အားပေး ကော်ပိုရေးရှင်းက အသိပေးထုတ်ပြန်လိုက်ပြီး မီးပြတ်တောက်မှုတွေအတွက် ပြည်သူလူထုကို အနူးအညွတ် တောင်းပန်လိုက်ပါတယ်။ ရန်ကုန်တိုင်းအတွင်းရှိ ဓာတ်အားခွဲရုံတွေ၊ ဓာတ်အားလိုင်းတွေကြုံ့ခိုင်မှုရှိစေရေးနဲ့ အန္တရာယ် ကင်းရေးအတွက် ထိန်းသိမ်းပြုပြင် အသစ်လဲလှယ်တည်ဆောက်လုပ်ငန်းတွေကို ရန်ကုန် လျှပ်စစ်ဌာနက စနေ၊ တနင်္ဂနွေနေ့တိုင်းဆောင်ရွက်နေတယ်လို့ ဆိုပါတယ်။ ဒါ့ကြောင့် မေလ ၁၄ ရက်နဲ့ ၁၅ ရက်တွေမှာ ဒဂုံအရှေ့၊ ဒဂုံမြောက်၊ မင်္ဂလာတောင်ညွန့်၊ သာကေတ၊ တာမွေ၊ ရန်ကင်း၊ သင်္ကန်းကျွန်း၊ တောင်ဥက္ကလာ၊ မြောက်ဥက္ကလာ၊ ရွှေပေါက်ကံ၊ ကျောက်တံတား၊ ပန်းပဲတန်း၊ လမ်းမတော်၊ ဒဂုံ၊ အလုံ၊ ကြည့်မြင်တိုင်၊ စမ်းချောင်း၊ လှိုင်၊ ကမာရွတ်၊ ဗဟန်း၊ မရမ်းကုန်း၊ စတဲ့ ရန်ကုန်တိုင်းအတွင်းရှိ မြို့နယ်တွေအားလုံးလိုလိုမှာ ၉ နာရီကနေ ၁၂ နာရီအတွင်း အချိန်ပိုင်းဓာတ်အား ပြတ်တောက်မှုတွေရှိနိုင်တယ်လို့ သတိပေးထုတ်ပြန်ချက်မှာ ဖော်ပြပါတယ်။
6 years Ago
Up