မီးတောင်

July 20, 2019

ပီရူးတွင် မီးတောင် ၂ ကြိမ်ပေါက်ကွဲ၊ ဒေသခံရာချီ ဘေးလွတ်ရာ ရွှေ့ပြောင်း

ပီရူးနိုင်ငံ တောင်ပိုင်းက အူဘန်နက်စ် မီးတောင် ပေါက်ကွဲမှု နှစ်ကြိမ်ဖြစ်ပြီးနောက်မှာ ဇူလိုင် ၁၉ ရက်က အာဏာပိုင်တွေက မီးတောင်ဝန်းကျင်က ရာနဲ့ချီတဲ့ဒေသခံတွေကို ဘေးလွတ်ရာ ပြောင်းပေးခဲ့ပါတယ်။ မီးတောင် အရေးပေါ် သတိပေးချက် ထုတ်ပြန်ပြီးနောက်မှာ ပီးရူးသမ္မတ မာတင်ဗစ်ဇ်ကာရာက လေယာဉ်နဲ့ အနီးဝန်းကျင် မိုကယ်ဂွါ ဒေသကို သွားရောက်ခဲ့ပါတယ်။ သမ္မတ ဗစ်ဇ်ကာရာက “မီးတောင်ပေါက်ကွဲတဲ့ လက္ခဏာဟာ အရင်ပေါက်ကွဲတဲ့ လက္ခဏာတွေနဲ့ မတူဘူး” လို့ ပြောပါတယ်။ မိုကယ်ဂွါ ဒေသမှာရှိတဲ့  အူဘန်နက်စ် မီးတောင်ဟာ နိုင်ငံအတွင်း သက်ဝင်လှုပ်ရှားမှု အရှိဆုံး မီးတောင်ဖြစ်ပြီး မီးတောင်ပြာမှုန်တွေကို ၂၅ ကီလိုမီတာ ပတ်လည်ကို မှုတ်ထုတ်ခဲ့ပြီး လူနေဧရိယာ ၈ ခုထက်မနည်း မီးတောင်ပြာမှုန်ဒဏ်သင့်ခဲ့ပါတယ်။ အရေးပါတဲ့ သတ္တုတွင်းလုပ်ကွက် အများအပြားရှိတဲ့ ပီရူးတောင်ပိုင်းမှာ  သက်ဝင်လှုပ်ရှားတဲ့ မီးတောင် ဒါဇင်နဲ့ ချီပြီး ရှိပါတယ်။ ဒါ့အပြင် ပီရူးနိုင်ငံဟာ “ပစိဖိတ်မီးကွင်း” လို့ခေါ်တဲ့ မြေငလျင်နဲ့ မီးတောင်လှုပ်ရှားမှု အဖြစ်များဆုံးဒေသမှာ တည်ရှိပါတယ်။
3 years Ago

July 5, 2019

အီတလီတွင် မီးတောင်ပေါက်ကွဲပြီးနောက် ဒေသတွင်း နေအိမ်များအပေါ် ပြာများဖုံးအုပ် (ရုပ်သံ)

အီတလီနိုင်ငံ စတွန်ဘော်လီကျွန်းမှာ မီးတောင်ပေါက်ကွဲပြီးနောက် ဂျီနိုစထရာကျေးရွာက နေအိမ်အဆောက်အအုံတွေအပေါ် ပြာတွေဖုံးအုပ်နေတဲ့ ဒရုန်းရုပ်သံဖိုင်ကို ရိုက်တာသတင်းဌာနက ဖော်ပြခဲ့ပါတယ်။ ဇူလိုင် ၃ ရက်နေ့က မီးတောင်ပေါက်ကွဲပြီး ချော်ရည်တွေလည်း စီးကျခဲ့ပါတယ်။ အဲဒီ မီးတောင်ပေါက်ကွဲမှုအတွင်း ကမ္ဘာလှည့်ခရီးသွားလို့ ယူဆရတဲ့ လူတယောက် သေဆုံးခဲ့ပါတယ်။ သူဟာ လမ်းလျှောက်ထွက်လာချိန်မှာ တောင်ပေါ်က ပြုတ်ကျလာတဲ့ ကျောက်တုံးတွေ ထိမှန်ပြီး သေဆုံးခဲ့တာလို့ ကယ်ဆယ်ရေး ဝန်ထမ်းတယောက်က ပြောပါတယ်။ မီးတောင်ပေါက်ကွဲပြီး နောက်တနေ့မှာ ကမ္ဘာလှည့်ခရီးသွားတွေ အလာများတဲ့ မြေထဲပင်လယ်ပြင်ထဲက စတွန်ဘော်လီကျွန်း ရေပြင်တခုလုံး ပြာတွေ ဖုံးသွားခဲ့တာပါ။ ဒါ့အပြင် ကျွန်းအနောက်ဘက်မှာလည်း မီးလောင်မှုတွေ ဖြစ်ခဲ့တယ်လို့ ရိုက်တာသတင်းဌာနက ဖော်ပြပါတယ်။
3 years Ago
More News
Up