မီးသတ်သမား

November 1, 2021

ဘရာဇီးတွင် ဂူတစ်ခု ပြိုကျသဖြင့် မီးသတ်သမား ၉ ဦး သေဆုံး

ဘရာဇီးနိုင်ငံ ဆောင်ပါလိုပြည်နယ်က ဂူတခု အောက်တိုဘာ ၃၁ ရက်က ပြိုကျခဲ့လို့ မီးသတ်သမား ၉ ဦးထက် မနည်းသေဆုံးပြီး ၁ ဦး ဒဏ်ရာရခဲ့ပါတယ်။

တနင်္ဂနွေအစောပိုင်းက ဆောင်ပါလိုမြို့ကနေ ၂၂၃ မိုင်အကွာမှာ ရှိတဲ့ အယ်လ်တီနိုပိုလစ်မြို့က ဒို့စ်ဘိုးကတ်စ်လိုဏ်ဂူထဲမှာ မီးသတ်သမားတအုပ်စု သင်တန်းဆင်းနေတုန်း လိုဏ်ဂူပြိုကျခဲ့ပြီး ဆယ်ယောက် ပိတ်မိနေခဲ့ပါတယ်။

အသက်ရှင်လျင် ကယ်ထုတ်နိုင်တဲ့လူဟာ အရိုးအတော်များများ ကျိုးနေပြီး  ကိုယ်ပူချိန် အလွန်အမင်း ကျဆင်းနေလို့ ဆေးရုံတင် ကုသပေးထားရပါတယ်။

တခြား လူ ၆ ဦးကတော့ ဂူပြိုကျချိန်မှာ ပိတ်မိမနေခဲ့ဘဲ အသေးစား ဒဏ်ရာရခဲ့တယ်လို့ ရဲတွေက ပြောပါတယ်။

မီးသတ်သမားတွေနဲ့ ကယ်ဆယ်ရေးသမားတွေ စုစုပေါင်း ၇၅ ယောက်လောက် ကယ်ဆယ်ရေး လုပ်ငန်းတွေ ဆောင်ရွက်ခဲ့တယ်လို့ ရိုက်တာသတင်းဌာနက ဖော်ပြပါတယ်။

1 month Ago

August 2, 2021

ဂရိနိုင်ငံတောမီး မီးသတ်သမား အယောက် ၃၀၀ ခန့်ဖြင့် ညလုံးပေါက်ငြှိမ်းသတ်နေ

ဂရိနိုင်ငံအနောက်ပိုင်းက တောင်ကုန်းတွေပေါ်မှာ လောင်နေတဲ့ တောမီးကို မီးသတ်သမားတွေက ကြိုးစားငြှိမ်းသတ်နေပေမယ့် သြဂုတ် ၁ ရက် ညပိုင်းအထိ မီးဆက်လောင်ကျွမ်းနေပါတယ်။ 

မီးက ဇူလိုင် ၃၁ ရက်မှာ စတင်လောင်ကျွမ်းတာဖြစ်ပြီး ပင်လယ်ဘက်ဆီကို ကူးစက်လာနေပါတယ်။ မီးကိုထိန်းချုပ်နိုင်ဖို့ မီးသတ်သမား အယောက် ၃၀၀ နီးပါး ညလုံးပေါက် ကြိုးစားငြှိမ်းသတ် နေကြပါတယ်။

တောမီးဟာ ထင်းရှူးပင်တွေနဲ့ သံလွင်ပင်တွေကိုကို လောင်ကျွမ်းခဲ့ပြီး အိမ်တချို့နဲ့ ကမ်းခြေက ရပ်ကွက်တွေလည်း ပျက်စီးခဲ့တယ်လို့ မီးသတ်ဌာနက ပြောပါတယ်။

မီးက အေသင်မြို့တော်နဲ့ ဂရိနိုင်ငံရဲ့ တတိယအကြီးဆုံးမြို့ ဖြစ်တဲ့ ပါထရက်စ်မြို့ကို ဆက်သွယ်တဲ့ အဝေးပြေးလမ်းကို ဖြတ်ပြီး လောင်ကျွမ်းခဲ့လို့ ရွာအတော်များများနဲ့ ကမ်းခြေတွေက ဒေသခံ တွေကို ဇူလိုင် ၃၁ ရက်မှာ ဘေးကင်းရာ ရွှေ့ပြောင်းပေးခဲ့ရတယ်လို့ ရိုက်တာ သတင်းဌာနက ဖော်ပြပါတယ်။

4 months Ago
Up