မီးသင်္ဂြိုဟ်

March 28, 2021

ကျောက်ပန်းတောင်းတွင် ကျဆုံးသူ ၂ ဦးအား မီးသင်္ဂြိုဟ်ပြီးမှ သရဏဂုံတင်ခွင့်ရ

မတ် ၂၇ ရက်နေ့ ကျောက်ပန်းတောင်းမြို့မှာ အကြမ်းဖက်စစ်တပ်က ပစ်ခတ်လို့ ကျဆုံးခဲ့သူ ၂ ယောက်ကို မီးသင်္ဂြိုဟ်ပြီးမှ သရဏဂုံတင်ခွင့်ရခဲ့တယ်လို့ ဒေသခံတွေက ပြောပါတယ်။

ဘူတာရပ်ကွက်မှာ မနက်ပိုင်းက ဆန္ဒပြဖို့ လူစုနေတုန်း စစ်ကား ၂ စီးရောက်လာပြီး ဖြိုခွင်းခဲ့လို့ နီးစပ်ရာ အိမ်တွေထဲ ရှောင်ခဲ့ပေမဲ့ ထွက်လမ်းမရှိဘဲ ကမ်းပါးတွေပဲ ရှိတာကြောင့် လူ ၅၀ လောက် အဖမ်းခံခဲ့ရတယ်လို့ ဒေသခံတွေက ပြောပါတယ်။

ဖြိုခွင်းတုန်းမှာ မောင်ဝင်းမျိုးဦးရဲ့ ဦးခေါင်းကို သေနတ်ထိမှန်လို့ လဲကျသွားတုန်း သွားဆွဲယူဖို့ ကြိုးစားတဲ့ ရဲဝန်ထမ်းဟောင်း ကိုဝင်းဇော်ရဲ့ ဘယ်ဘက်ပါးကိုလည်း ကျည်ထိမှန်ခဲ့တာပါ။

“အလောင်းတွေကို စစ်တပ်က ကားနဲ့ ဆေးရုံကိုယူသွားတယ်။ မိသားစုက သွားယူတော့ မီးသင်္ဂြိုဟ်စက်က စောင့်ဆိုပြီး ယောကျ်ားသားတွေ မပါဘဲ အမျိုးသမီး ၄ ယောက်ပဲ လာခိုင်းတယ်။ မီးသင်္ဂြိုဟ်စက်မှာလည်း ကိုဝင်းဇော်ရဲ့ အမျိုးသမီးက ဓာတ်ပုံရိုက်တော့လည်း စစ်သားတွေက သေနတ်နဲ့ ချိန်ပြီး ပြန်ဖျက်ခိုင်းတယ်။ အဲဒီမှာ အလောင်း ၂ လောင်းရှိတယ်။ အင်္ကျီတွေတော့ မရှိဘူး။ မီးသင်္ဂြိုဟ်ပြီးမှ ဘုန်းကြီးကျောင်းကိုသွားပြီး သရဏရုံတင်ရတယ်” လို့ ဒေသခံတယောက်က ပြောပါတယ်။

သပိတ်အတွက် လူစုနေသူတွေကို စစ်တပ်က ဖြိုခွင်းလို့ ဒဏ်ရာရသူ ၁၀ ယောက်ကျော်ရှိတယ်လို့လည်း ဒေသခံတွေက ပြောပါတယ်။

1 month Ago

March 26, 2020

အီတလီတွင် ဗိုင်းရပ်စ်ကြောင့် သေဆုံးသူများကို မီးသင်္ဂြိုဟ်ရန် စစ်ကားများဖြင့် သယ်ဆောင်

အီတလီနိုင်ငံမှာ ကိုရိုနာဗိုင်းရပ်စ်ကြောင့် သေဆုံးသူတွေ စုပုံနေတာမို့ မတ် ၂၅ ရက်က နိုင်ငံမြောက်ပိုင်း ဘုရားကျောင်းတခုက ခေါင်းတလားတွေကို မီးသင်္ဂြိုဟ်ဖို့ စစ်ကားတွေနဲ့ သယ်ဆောင်ခဲ့ပါတယ်။ ဘာဂါမိုမြို့တောင်ပိုင်း ကီလိုမီတာ ၃၀ အကွာမှာရှိတဲ့ ဆီရီယာတေအရပ်က ဘုရားကျောင်းတခုမှာ  ခေါင်းတလားတွေ စုပုံနေပါတယ်။ ဘာဂါမိုမြို့ဟာ ကိုရိုနာဗိုင်းရပ်စ် အဆိုးရွားဆုံးခံစားရတဲ့ နေရာတွေထဲက တခု ဖြစ်ပါတယ်။  အခုဆိုရင် လွမ်ဘာဒီဒေသ ဘုရားကျောင်းတွေက ခေါင်းတလားတွေကို စစ်ကားတွေ အသုံးပြုပြီး မီးသင်္ဂြိုဟ်မယ့် နေရာဒေသအသီးသီးကို ပို့ဆောင်နေတာ ရက်ချီနေပါပြီ။ မတ် ၂၆ ရက် မနက် ၉ နာရိအထိ အီတလီမှာ ကိုရိုနာဗိုင်းရပ်စ် ကူးစက်ခံရသူ ၇၄၃၈၆ ဦး သေဆုံးသူ ၇၅၀၃ ဦးနဲ့ ပြန်ကောင်းလာသူ ၉၃၆၂ ဦးရှိတယ်လို့  Worldometer ဝက်ဘ်ဆိုက်မှာ ဖော်ပြထားပါတယ်။
1 year Ago
Up