မီဟေလိုဗစ်

June 17, 2015

အေစီမီလန် နည်းပြသစ်အဖြစ် မီဟေလိုဗစ်ကို ခန့်အပ်

အေစီမီလန်အသင်းက နည်းပြသစ်အဖြစ် စင်နစ်ဆာ မီဟေလုိုဗစ်ကုို ခန့်အပ်လုိုက်ကြောင်း ဇွန် ၁၆ ရက်နေ့မှာ ကြေညာလုိုက်ပါတယ်။ မီလန်က ထုတ်ပယ်လုိုက်တဲ့ နည်းပြဟောင်း အင်ဇာဂီရဲ့ နေရာမှာ ဆာဘီးယားနိုင်ငံသား မီဟေလုိုဗစ်ကုို ၂ နှစ်စာချုပ်နဲ့ ခန့်အပ်လုိုက်တာ ဖြစ်ပါတယ်။ သူဟာ ဒီလအစောပုိုင်းမှာ စီးရီးအေကလပ် ဆမ်ဒုိုးရီးယားအသင်းနဲ့ လမ်းခွဲထားပါတယ်။ နည်းပြသစ် မီဟေလုိုဗစ်ဟာ ၂ နှစ်အတွင်း အေစီမီလန်က ၄ ယောက်မြောက် ခန့်အပ်ခံရတဲ့နည်းပြ ဖြစ်လာပါတယ်။ ရလဒ်တွေ ကျဆင်းနေတဲ့ မီလန်ဟာ ပြီးခဲ့တဲ့ ဘောလုံးရာသီမှာ အဆင့် ၁၀ နဲ့ ချန်ပီယံ ဂျုဗင်တပ်ရဲ့ နောက် ၃၅ မှတ် အကွာမှာပဲ ရပ်တည်နုိုင်ခဲ့ပါတယ်။ မီလန်နည်းပြသစ် ဖြစ်လာတဲ့ အသက် ၄၆ နှစ်အရွယ် မီဟေလုိုဗစ်ဟာ ကစားသမားဘ၀တုန်းက ရိုးမား၊ ဆမ်ဒုိုးရီးယား၊ လာဇီယုိုနဲ့ အင်တာမီလန်တို့မှာ ကစားခဲ့ဖူးပါတယ်။ မီဟေလုိုဗစ်ဟာ နောက်တန်းကစားသမား တယောက်ဖြစ်ပြီး ၁၉၉၁ ကနေ ၂၀၀၃ ကာလအတွင်း ယူဂိုစလားဗီးယား လက်ရွေးစင် အသင်းအတွက် ၆၃ ပွဲ ကစားပေးထားပြီး ၁၀ ဂိုး သွင်းပေးထားပါတယ်။
6 years Ago
Up