မီတာခမြင့်တက်မှု

April 21, 2018

မီတာခမြင့်တက်မှု အာဂျင်တီးပြည်သူထောင်ချီ ဖယောင်တိုင်မီးထွန်း ဆန္ဒပြ

အာဂျင်တီးနားနိုင်ငံမှာ အစိုးရက ချမှတ်လိုက်တဲ့ ဓာတ်ငွေ့နဲ့ လျှပ်စစ်အသုံးပြုခ သိသိသာသာ မြင့်တက်မှုကို ဆန့်ကျင်တဲ့အနေနဲ့ ထောင်ချီတဲ့နိုင်ငံသားတွေက ဧပြီ ၁၉ ရက်နေ့မှာ လမ်းတွေပေါ်တက် ဆန္ဒပြခဲ့ကြပါတယ်။ ဆန္ဒပြသူတွေဟာ မြို့တော် ဗျူးနော့စ်-အေးရီးစ်က လွှတ်တော်အရှေ့မှာ လျှပ်စစ်အသုံးပြုခ တိုးမြှင့်တာကို ရုပ်သိမ်းဖို့ တောင်းဆိုခဲ့ကြတာပါ။ ဈေးနှုန်းမြင့်တက်သွားတာကြောင့် အိမ်မှာ မီးမထွန်းနိုင်တဲ့ လူတွေနဲ့ တသားတည်း ရှိကြောင်းပြသဖို့  ဖယောင်းတိုင်မီးထွန်း ဆန္ဒပြခဲ့ကြပါတယ်။ အတိုက်အခံလွှတ်တော် အမတ်တွေနဲ့ သူတို့ မဟာမိတ်တွေကတော့ အသေးစား စီးပွားရေး လုပ်ငန်းတွေနဲ့ လူနေအိမ်တွေဟာ တိုးလိုက်တဲ့ လျှပ်စစ်မီတာခကို ပေးနိုင်မှာ မဟုတ်ဘူးလို့ အခုတစ်ပတ်တည်းမှာပဲ လွှတ်တော်မှာ ချေပပြောဆို ထားပါတယ်။ လက်ရှိ တာဝန်ထမ်းဆောင်ဆဲ အာဂျင်တီးနားသမ္မတ မောင်ရီစီယိုမာကရီဟာ နိုင်ငံ့အသုံးစရိတ်လိုငွေပြနေတာကို လျှော့ချဖို့ အရင်သမ္မတ လက်ထက်လုပ်ခဲ့တဲ့ အစိုးရ အမတော်ကြေးငွေ လျှော့ချမှုတွေကို ဆက်လုပ်နေတာပါ။ ဒါပေမယ့် ငွေကြေးဖောင်းပွမှု ဆက်ဖြစ်နေလို့ ကုန်ဈေးနှုန်းတွေလည်း ပိုမြင့်တက်နေ ပါတယ်။
3 years Ago
Up