မိကျောင်း

July 9, 2019

သွေးပျက်ထိတ်လန့်ဖွယ် မိကျောင်းရုပ်ရှင်ပရိသတ် အကြိုက် - Crawl ရုပ်ရှင်ကား (နမူနာ)

သွေးပျက်ထိတ်လန့်စရာကောင်းတဲ့ Disaster Horror အမျိုးအစား ဟောလိဝုဒ် ရုပ်ရှင်ကား တကားဖြစ်တဲ့ Crawl ကို လာမယ့် ဇူလိုင် ၁၂ ရက်နေ့ ရုံတင်ပြသတော့မှာ ဖြစ်ပါတယ်။ ဒီရုပ်ရှင်ကားကိုတော့ နာမည်ကြီး ရုပ်ရှင်ထုတ်လုပ်ရေး ကုမ္ပဏီတခုဖြစ်တဲ့ Paramount Pictures က တင်ဆက်လိုက်တာဖြစ်ပြီး ပြင်သစ်ရုပ်ရှင်ဒါရိုက်တာ Alexandre Aja က ရိုက်ကူး ပုံဖော်ပေးထားတာပါ။ အမေရိကန်နိုင်ငံ ဖလော်ရီဒါပြည်နယ်ထဲက မြို့ငယ်လေးတမြို့မှာ ပြင်းအားအဆင့် ၅ ရှိတဲ့ ဟာရီကိန်းမုန်တိုင်း ဝင်ရောက်တိုက်ခတ်ချိန်မှာ အိမ်တွေထဲကနေ ဘေးလွတ်တဲ့ နေရာတွေကို ထွက်ခွာကြဖို့ သက်ဆိုင်ရာက သတိပေးချက်တွေ ထုတ်ပြန်နေပါတယ်။ အဲဒီအချိန်မှာ Haley Keller ဆိုတဲ့ ကောင်မလေးက အိမ်ထဲမှာ ပိတ်မိနေတဲ့ ဖခင်ဖြစ်သူ Dave ကို ကယ်တင်ဖို့ ထွက်မသွားနိုင်ဘဲ ရှိနေခဲ့ပါတယ်။ အဲဒီအချိန်မှာပဲ မိကျောင်းကြီးတွေဟာ အိမ်ထဲကို ရောက်ရှိနေခဲ့ပြီး အသက်အန္တရာယ် ထိခိုက်အောင် တိုက်ခိုက်မှုတွေ ဖြစ်လာခဲ့ချိန်မှာ ဘယ်လိုတွေ ဆက်ဖြစ်လာမလဲ။ ကယ်ဆယ်မယ့်သူမရှိတဲ့ အခြေအနေမှာ သူတို့သားအဖကရော လွတ်မြောက်နိုင်ပါ့မလား ဆိုတာတွေကို ပရိသတ်တွေ ရင်တထိတ်ထိတ်နဲ့ ရှုစားကြရမှာ ဖြစ်ပါတယ်။ ဒီကားထဲမှာတော့ ဗြိတိန် သရုပ်ဆောင်မင်းသမီး Kaya Scodelario နဲ့ ကနေဒါ သရုပ်ဆောင်မင်းသား Barry Pepper တို့က အတွဲညီညီနဲ့ ခေါင်းဆောင် ပါဝင်ထားကြပါတယ်။ ဒီရုပ်ရှင်ကားထဲမှာ ပါဝင်တဲ့ သွေးပျက်ထိတ်လန့်စရာ ဇာတ်ဝင်ခန်းတွေ၊ ပြကွင်းပြကွက်တွေ၊ ပြောစကားတွေက အသက် ၁၇ နှစ်အောက် ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ်ထိန်းသူ ခွင့်ပြုချက် Guideline နဲ့မှ ကြည့်ရှုသင့်တဲ့ Restricted R အဆင့် သတ်မှတ်ထားပါတယ်။ ကြာမြင့်ချိန် ၈၇ မိနစ်ရှိတဲ့ ဒီရုပ်ရှင်ကားကိုတော့ ဘတ်ဂျက် အမေရိကန်ဒေါ်လာ ၁၇ သန်း အကုန်အကျခံ ရိုက်ကူးထားပါတယ်။ ရုံမတင်ခင်ကတည်းက နာမည်ကြီးနေခဲ့တဲ့ ဒီရုပ်ရှင်ကား နမူနာဟာ ယူကျုပေါ်မှာတော့ လက်ရှိအချိန်ထိ ဝင်ရောက်ကြည့်ရှုကြတဲ့ အကြိမ်ရေ ၂၂ သန်းကျော် ရှိနေပါတယ်။
2 years Ago

January 10, 2019

မဖြစ်နိုင်သည့် စိန်ခေါ်မှုများ (သို့) မိကျောင်းများကို လက်ချည်းဗလာဖမ်းဆီးပြီး ပြုစုကုသသူ (ရုပ်သံ)

မိကျောင်းတွေကို ရည်ရွယ်ချက်တွေ အမျိုးမျိုးနဲ့ မွေးမြူကြတဲ့အခါ သူတို့ကို ပြုစုစောင့်ရှောက်ဖို့ဟာလည်း အရေးပါလာခဲ့ပါတယ်။ ဒါပေမယ့် လက်ချည်းဗလာသက်သက်နဲ့ မိကျောင်းတွေကို ဖမ်းဆီးပြီး ပြုစုကုသမှု ပေးနိုင်ဖို့ ဆိုတာကတော့ တကယ့်ကို မလွယ်ကူလှတဲ့ အလုပ်တခုပါပဲ။ ဒါပေမယ့် ဂျေး ယန်းကတော့ ဒါကို စိန်ခေါ်မှုတခုအနေနဲ့ ရွေးချယ်ခဲ့သူပါ။ သူဟာ အမေရိကန်နိုင်ငံ၊ ကော်လိုရာဒို မိကျောင်းဥယျာဉ်မှ မန်နေဂျာတယောက်ဖြစ်ပြီး သူ့ဘဝတလျှောက်လုံးနီးပါးကို မိကျောင်းတွေနဲ့ လက်ပွန်းတတီး နေထိုင်လာခဲ့သူတဦး ဖြစ်ပါတယ်။ နာမည်ကြီး ရုပ်သံအစီအစဉ်တခုဖြစ်တဲ့ မဖြစ်နိုင်တဲ့ စိန်ခေါ်မှုများ (Impossible Challenge) ရုပ်သံအစီအစဉ်မှာတော့ မိကျောင်းတွေကို လက်ချည်းဗလာသက်သက် ဖမ်းဆီးပြီး ပြုစုကုသပေးတဲ့ အစီအစဉ်ကို ရိုက်ကူးခဲ့ပါတယ်။ သူဟာ ဒါကို အောင်အောင်မြင်မြင်နဲ့ လုပ်နိုင်ပါ့မလား ဆိုတာကလည်း စိတ်ဝင်စားစရာ ဖြစ်နေခဲ့တာပါ။ “ကျနော့်ဘဝတလျှောက်လုံး သူတို့ (မိကျောင်းတွေ) နဲ့ လက်ပွန်းတတီး နေလာခဲ့တာဗျ။ ကျနော် သူတို့ကို မြတ်နိုးတယ်၊ လေးစားတယ်၊ ဒီနေ့ကတော့ ကန်ထဲက ဒီမိကျောင်းရဲ့ အလှည့်ပေါ့။” မိကျောင်းတွေကို မွေးမြူထိန်းသိမ်းတဲ့အခါ သူတို့ဟာ တကောင်နဲ့တကောင် အချင်းချင်း ကိုက်ကြတယ်၊ တိုက်ခိုက်ကြတယ်၊ အဲဒီအခါမှာတော့ မိကျောင်းတွေကို ဖမ်းပြီးရင် လိုအပ်တဲ့ ဆေးဝါးကုသပြုစုမှုတွေ လုပ်ပေးကြရတာ ဖြစ်ပါတယ်။ အရှည် ၁ ဒသမ ၇ မီတာရှိတဲ့ မိကျောင်းကြီးကို ဂျေးယန်းက လက်ချည်းသက်သက် ဖမ်းဆီးပြနိုင်ခဲ့ပြီး ရေပေါ်ကို ဆွဲတင်နိုင်ခဲ့တာ ဖြစ်ပါတယ်။ မိကျောင်းတွေကို သူဖမ်းမိခဲ့တဲ့ အကြိမ်တွေရော၊ အခက်အခဲကြုံပြီး ခက်ခဲခဲ့ရတဲ့ အကြိမ်တွေကိုပါ ဒီရုပ်သံဗွီဒီယိုဖိုင်ထဲမှာ ရှုစားကြရမှာ ဖြစ်ပါတယ်။
3 years Ago
More News
Up