မိုးညှင်းခရိုင်

October 9, 2021

မိုးညှင်းခရိုင် အင်းတော်ကြီးဒေသထဲကို စစ်ကောင်စီလေတပ်က ဗုံးကြဲတိုက်ခိုက်

ကချင်ပြည်နယ်၊ မိုးညှင်းခရိုင် အင်းတော်ကြီးဒေသထဲကို အောက်တိုဘာ ၉ ရက် ဒီနေ့ နေ့လယ်ပိုင်းက စစ်ကောင်စီလေတပ်က တိုက်လေယာဉ်နဲ့ ဗုံးလာကြဲသွားတယ်လို့ ဒေသခံတွေက ပြောပါတယ်။

“နေ့လယ် ၁၂ နာရီ ၁၀ မိနစ်လောက်က ဂျက်ဖိုက်တာ ၂ စီးပေါ့၊ အဲဒါနဲ့ လာပစ်သွားတာ။ စစ်တပ်ဘက်ကပေါ့။ မိုင်းနောင်ရွာရဲ့ အနောက်တောင်ဘက်ကို ပစ်သွားတာ။ ထိခိုက်မှုတော့ မရှိပါဘူး။ တောထဲ ကေအိုင်အေစခန်းရှိမယ်ထင်တဲ့ဘက်ကို မှန်းပြီး ပစ်တာ” လို့ ဒေသခံတယောက်က ပြောပါတယ်။

မိုးညှင်းဒေသမှာ ဒီရက်ပိုင်းမှာ ပြည်သူ့ကာကွယ်ရေးတပ်ဖွဲ့ဝင်လို့ စွပ်စွဲပြီး စစ်ကောင်စီတပ်တွေက လူငယ်တွေကို အချိန်မတော် ဝင်ရောက်ဖမ်းဆီးနေတယ်လို့လည်း ဒေသခံတွေက ပြောပါတယ်။

ပြီးတော့ လမ်းသွားလမ်းလာနဲ့ ခရီးသွားလူငယ်တွေရဲ့ ဖုန်းတွေကို စစ်ဆေးပြီး နွေဦးတော်လှန်ရေးနဲ့ ပတ်သက်တဲ့ ပုံတွေ တွေ့ရင် ဖမ်းဆီးတာမျိုးရှိတယ်လို့လည်း ဆိုပါတယ်။

စစ်တပ်အာဏာသိမ်းတာကို ဆန့်ကျင်ဆန္ဒပြခဲ့တာကြောင့် မိုးညှင်းမြို့နယ်မှာ လူပေါင်း ၁၀၀ လောက် ဖမ်းဆီးခံခဲ့ရပြီး အခုထိ အကျဉ်းထောင်နဲ့ စစ်ကြောရေးစခန်းတွေမှာ ထိန်းသိမ်းခံထားရပါတယ်။

3 months Ago

October 25, 2020

မိုးညှင်းခရိုင်တွင် ၂၀၁၅ ထက် မဲဆန္ဒရှင် ၁ သိန်းကျော် တိုးလာ

ကချင်ပြည်နယ် မိုးညှင်းခရိုင်အတွင်း ၂၀၂၀ ရွေးကောက်ပွဲမှာ မဲပေးနိုင်သူအရေအတွက်ဟာ  ၂၀၁၅ ထက် လူဦးရေ ၁ သိန်းကျော် တိုးလာတယ်လို့ ခရိုင်ရွေးကောက်ပွဲကော်မရှင်အဖွဲ့ခွဲ အရာရှိ ဦးမျိုးမင်းဦးက DVB ကို ပြောပါတယ်။ ၂၀၁၅ ရွေးကောက်ပွဲမှာတော့ မဲဆန္ဒရှင်အရေအတွက် ၃ သိန်းသာရှိပြီး ၂၀၂၀ ရွေးကောက်ပွဲမှာတော့ ၄ သိန်းကျော်လာတယ်လို့ ဆိုပါတယ်။  မိုးညှင်းမြို့နဲ့ ဖားကန့်မြို့တွေမှာ ရွှေ့ပြောင်းအခြေချလုပ်သားတွေ ပိုများလာတာကြောင့် မဲဆန္ဒရှင်အရေအတွက် များလာတာလို့ ပြောပါတယ်။ ဒါ့အပြင် မိုးညှင်းခရိုင်မှာ first time voter ၅ သောင်းကျော် ရှိပါတယ်။ ကွာရန်တင်း စင်တာတွေမှာ ကွာရန်တင်း ဝင်နေရသူတွေကတော့ နိုဝင်ဘာ ၁ ရက်နေ့မှာ ကြိုတင်မဲစပေးနိုင်ပြီလို့ သိရပါတယ်။  ကချင်ပြည်နယ်မှာ first time voter ၁ သိန်းကျော်ရှိပြီး မိုးညှင်းခရိုင်မှာ ၅ သောင်း ဗန်းမော်ခရိုင်မှာ ၂ သောင်း၊ မြစ်ကြီးနားခရိုင်မှာ ၃ သောင်း၊ ပူတာအိုခရိုင်မှာ ၅,၀၀၀ ကျော်ရှိတယ်လို့ ဆိုပါတယ်။  မိုးညှင်းခရိုင်မှာ မဲရုံပေါင်း ၂၈၀ ရှိပြီး မဲရုံတာဝန်ကျ ဆရာ/ဆရာမ ၅,၀၀၀ ကျော်ကို သင်တန်းပေးနေတယ်လို့ ဆိုပါတယ်။  သတင်း - ကိုထက်
1 year Ago
Up