မိုးညှင်း

October 29, 2022

မိုးညှင်းတွင် မီတာမဆောင်သည့်အိမ်များ မီးဖြတ်ခံရ

ကချင်ပြည်နယ် မိုးညှင်းမြို့မှာ အောက်တိုဘာ ၂၉ ရက်က စပြီး မီတာခ မဆောင်တဲ့ နေအိမ်တွေကို စစ်ကောင်စီ လက်အောက်ခံအဖွဲ့တွေက မီးကြိုးတွေ ဖြတ်နေတယ်လို့ မိုးညှင်းမြို့နေသူတွေက ပြောပါတယ်။

မီတာခ ကျသင့် စာရွက်တွေ လိုက်လံဝေငှခဲ့ပြီး မီတာခ မဆောင်တဲ့ နေအိမ်တွေကို စစ်တပ်၊ ရဲ ထွေ/အုပ်ဝန်ထမ်းနဲ့ လျှပ်စစ်ဝန်ထမ်းတွေက မီးလိုက်လံဖြတ်နေတယ်လို့ ဆိုပါတယ်။ 

ဒေသခံ အမျိုးသားတဦးက "မီတာစာရွက် ပေးထားပြီး မဆောင်တဲ့အိမ်တွေကို ကြိုးလိုက်ဖြတ်တာ။ ရပ်ကွက်ထဲမှာ မီးကြိုး လိုက်ဖြတ်တာ သေနတ်နဲ့ စစ်သားတွေ၊ ရဲတွေ ပါတယ်။ ထွေ/အုပ်ကလည်း ပါတယ်။ လျှပ်စစ်ဝန်ထမ်းတွေက ကြိုးဖြတ်တာ "လို့ ပြောပါတယ်။

မီတာမဆောင်တဲ့ နေအိမ်တွေကိုလည်း စစ်ကောင်စီ လက်အောက်ခံအဖွဲ့တွေက တရားဥပဒေအရ တရားစွဲဆိုပြီး ခြိမ်းခြောက်ခဲ့တယ်လို့ ဆိုပါတယ်။

လျှပ်စစ်ရုံးဝန်ထမ်းတွေက မီတာခ မဆောင်ရင် မီတာ ဖြတ်မယ်လို့ ပြောဆိုခဲ့တဲ့ မိုးညှင်းမြို့နယ် လျှပ်စစ်အင်ဂျင်နီယာရုံးမှာ မေ ၁၃ ရက်က ဗုံးပေါက်ကွဲခဲ့ပါတယ်။

1 month Ago

September 18, 2022

မိုးညှင်းတွင် စစ်ကောင်စီ ရဲတပ်ဖွဲ့ ပစ်ခတ်မှုကြောင့် အမျိုးသား ၁ ဦး ဒဏ်ရာရ

ကချင်ပြည်နယ် မိုးညှင်းမြို့မှာ စက်တင်ဘာ ၁၇ ညပိုင်းက စစ်ကောင်စီ ရဲတပ်ဖွဲ့တွေ ကင်းလှည့်စဉ် ပစ်ခတ်ခဲ့တာကြောင့် အမျိုးသားတဦး ဒဏ်ရာရခဲ့တယ်လို့ ဒေသခံတွေက ပြောပါတယ်။

စစ်ကောင်စီ လက်အောက်ခံ ရဲတပ်ဖွဲ့ ကင်းလှည့်စဉ် မိုးညှင်းဘူတာအနီးမှာ သေနတ်နဲ့ အချက် ၂၀ လောက် ပစ်ခတ်ခဲ့တဲ့အတွက် အမျိုးသားတဦး သေနတ်ကျည် ထိမှန် ဒဏ်ရာရခဲ့တာလို့ ဒေသခံတဦးက ပြောပါတယ်။

"ည ၈ နာရီလောက်က ဘူတာဘက်မှာ ကင်းလှည့်နေတုန်း လူငယ်လေးတွေ တွေ့လို့ပစ်တာ အချက် ၂၀ လောက် ရှိတယ်။ ကောင်လေးတွေလည်းပြေးသွားတယ်။ တယောက်ကတော့ ပေါင်ကို မှန်သွားတာ။" 

ရဲတပ်ဖွဲ့က ပစ်ခတ်တာကြောင့် ကိုအောင်မင်းခန့် ပေါင်မှာ သေနတ်မှန် ဒဏ်ရာရရခဲ့ပြီး မြစ်ကြီးနား ပြည်သူ့ဆေးရုံမှာ ဆေးကုသမှု ခံယူနေရပါတယ်။

မိုးညှင်းမြို့မှာ သြဂုတ် ၃၁ ရက်နေ့ကလည်း စောလင်းအောင်ဆိုသူ သေနတ်နဲ့ ပစ်သတ်ခံရပြီးနောက်ပိုင်း စစ်ကောင်စီတပ်ဖွဲ့က မြို့အတွင်းစစ်ဆေးမှုတွေ တင်းကျပ်ထားကာ သေနတ်နဲ့ ပစ်ခတ်မှုတွေ ပြုလုပ်နေပါတယ်။

ပြီးခဲ့တဲ့ စက်တင်ဘာ ၁၅ ရက်နေ့ မနက်ပိုင်းကလည်း စစ်ကောင်စီ ရဲတပ်ဖွဲ့ ကင်းလှည့်စဉ် ဆိုင်ကယ်တစီးကို တားဆီးရာမှ ရပ်မပေးတဲ့အတွက် သေနတ်နဲ့ပစ်ခတ်ရာ နွားကျောင်းနေသူ လူငယ်တဦး လက်မောင်းကျည်ထိမှန်ခဲ့ပါသေးတယ်။

photo  cj

3 months Ago
More News
Up