မိုးကြိုးပစ်ခံရမှု

January 19, 2021

ဧရာဝတီတိုင်းတွင် ၂၀၂၀ ခုနှစ်အတွင်း မိုးကြိုးပစ်ခံရမှုကြောင့် ၃၇ ဦးသေဆုံး

ဧရာတိုင်းမှာ ၂၀၂၀ ပြည့်နှစ်အတွင်း မိုးကြိုးပစ်ခတ်မှု ၃၇ ကြိမ်အထိရှိခဲ့ပြီး လူအယောက် ၃၇ ဦး သေဆုံးကာ ၁၁ ဦး ဒဏ်ရာရှိခဲ့တယ်လို့ တိုင်းဒေသကြီး ဘေးအန္တရာယ်စီမံခန့်ခွဲမှုဦးစီးဌာနက သိရပါတယ်။ မိုးကြိုးပစ်ခံရလို့ သေဆုံးဒဏ်ရာရရှိသွားသူတွေဟာ ပုသိမ်ခရိုင်မှာ ၈ ဦး၊ ဖျာပုံခရိုင်မှာ ၉ ဦး၊ လပွတ္တာခရိုင်မှာ ၆ ဦး၊ မအူပင်ခရိုင်မှာ ၄ ဦး ဟင်္သာတခရိုင်နဲ့ မြောင်းမြခရိုင်မှာ ၅ ဦးစီ သေဆုံးခဲ့တာပါ။ တိုင်းဒေသကြီးဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန ညွှန်ကြားရေးမှူး ဦးစဝီလီဖရန့်က “ကွင်းပြင်တွေဖြစ်တဲ့အခါကျတော့ မိုးကြိုးပစ်ဖို့များတာပေါ့။ အီလက်ထရောနစ် ပစ္စည်းတွေ ကြောင့် မိုးကြိုးပစ်တဲ့သဘောလည်းရှိတယ် မိုးကြိုးဘေးကို ဂရုစိုက်သင့်ပါတယ်"လို့ ပြောပါတယ်။ မိုးကြိုးအပစ်ခံရမှုကြောင့် သေဆုံးခဲ့သူတွေအတွက် ၁ ဦးကို ၃ သိန်းနှုန်းနဲ့ ဒဏ်ရာရသူတွေအတွက် ၁ ဦးကို ၅ သောင်းနှုန်း ထောက်ပံ့ပေးအပ်ခဲ့တယ်လို့ ဆိုပါတယ်။ မိုးကြိုးအပစ်ခံရလို့ သေဆုံးသူတွေထဲမှာ တဝက်လောက်က လယ်ယာအလုပ်လုပ်ကိုင်သူတွေ ဖြစ်ပြီး ကျန်တဲ့လူတွေကတော့ ကွင်းပြင်ထဲသွားလာစဉ်မှာ အပစ်ခံရတာ များတယ်လို့ သိရပါတယ်။ ဧရာဝတီတိုင်းမှာ ၂၀၁၉ ခုနှစ်အတွင်း မိုးကြိုးပစ်ခံရမှုကြောင့် သေဆုံးသူဦးရေ ၁၃ ဦး နဲ့ ဒဏ်ရာရရှိသူ ၂ ဦးရှိခဲ့တယ်လို့ တိုင်းဒေသကြီး ဘေးအန္တရာယ်စီမံခန့်ခွဲမှုဦးစီးဌာနရဲ့ မှတ်တမ်းတွေအရ သိရပါတယ်။ သတင်း - မင်းထက်မုန်း (ပုသိမ်)
5 months Ago

June 7, 2020

ဇီးကုန်းမြို့တွင် မိုးကြိုးပစ်ခံရမှုကြောင့် ၁၀ တန်းကျောင်းသား ၁ ဦး သေဆုံး

ပဲခူးတိုင်း ဇီးကုန်းမြို့မှာ ဇွန် ၆ ရက်နေ့ ညနေ ၃ နာရီခွဲကျော်လောက်က မိုးကြိုးပစ်ခံရလို့ ၁၀ တန်းစာမေးပွဲဖြေဆိုထားတဲ့ လူငယ်တယောက် သေဆုံးခဲ့ပါတယ်။ ဇိးကုန်းမြို့နယ် ကံကလေးကျေးရွာနေမှာနေထိုင်တဲ့ ၁၀ တန်းကျောင်းသား ကိုနိုင်လင်းထက်ဟာ လယ်ကွင်းထဲအသွားမှာ မိုးကြိုးထိမှန်ပြီး သေဆုံးသွားတာပါ။ ဇီးကုန်းမြို့မရဲစခန်းမှူး ဒုရဲမှူးကျော်ကျော်က “သူတို့က ညီအစ်ကို ၂ ယောက်။ အဖေနဲ့အတူ လယ်ထဲကို မြတ်သတ်ဆေးဖျန်းဖို့ စက်ဘီးတွေနဲ့ ရေပုံးတွေသွားထားကြတာ။ အပြန်မှာ အဖေကရှေ့က စက်ဘီးနဲ့ သွားနှင့်ပြီ။ နောက်မှာ ညီအစ်ကို ၂ ယောက်က မလှမ်းမကမ်းက ပြန်လာကြတာ မိုးကလည်းရွာနေတာ အစ်ကိုက နောက်က ပေ ၃၀ ကျော်လောက်မှာ၊ အဲဒီမှာ ညီဖြစ်သူကို မိုးကြိုးက ထိသွားတာထင်တယ်။ အခုတော့ အလောင်းကို သယ်ယူလာခဲ့ပါပြီ။ သေမှုသေခင်းဖွင့်ရမှာ” လို့ DVB ကို ပြောပါတယ်၊ ဇွန် ၆ ရက်နေ့ ညနေ ၃ နာရီခွဲလောက်က ဇီးကုန်းမြို့မှာ  အချိန် ၁ နာရီကြာ မိုးသည်းထန်စွာ ရွာသွန်းခဲ့ပြီး မိုးကြိုးပစ်ခဲ့တာတွေ ရှိခဲ့ပါတယ်။ မြန်မာနိုင်ငံမှာ ၂၀၂၀ ပြည့်နှစ် ဇန်နဝါရီလကနေ မေလကုန်အထိ မိုးကြိုးဘေး ၃၄ ကြိမ် ဖြစ်ပွားပြီး ၃၆ ဦးသေဆုံး၊ ၈ ဦး ဒဏ်ရာရရှိခဲ့တယ်လို့ သိရပါတယ်။
1 year Ago
Up