မိုးကြိုးပစ်

September 4, 2022

မြစ်ကြီးနားမြို့နယ်တွင် နေအိမ် ၄ လုံး မိုးကြိုးပစ်ခံရ

ကချင်ပြည်နယ်၊ မြစ်ကြီးနားမြို့နယ်၊ ကဘူဒမ်းကျေးရွာမှာ စက်တင်ဘာ ၃ ရက် နေ့လည်ပိုင်းက မိုးသည်းထန်စွာရွာသွန်းခဲ့ပြီး နေအိမ်လေးလုံး မိုးကြိုးပစ်ခံခဲ့ရတယ်လို့ ဒေသခံတွေထံက သိရပါတယ်။

ဒေသခံတစ်ဦးက "နေ့လည် ၁၂ နာရီလောက်က မိုးတွေအရမ်းရွာပြီး မိုးကြိုးပစ်ချသွားတာ။ မိုးကြိုးပစ်ခံရတဲ့အိမ်လေးလုံးက အိမ်တိုင်တွေကြေမွသွားတယ်။ မီတာပုံး အပစ်ခံရတော့ မီးကြိုးတွေပါပျက်စီးသွားတယ် "လို့ ပြောပါတယ်။

မိုးကြိုးအပစ်ခံရတဲ့အတွက် လူနဲ့တိရစ္ဆာန်ထိခိုက်မှုမရှိဘဲ လူနေအိမ်လေးလုံးရဲ့ အိမ်တိုင်ခေါင်မိုး၊ မီတာပုံးနဲ့ ဆိုလာပြားတွေလည်း ပျက်စီးဆုံးရှုံးခဲ့တာပါ။

ကချင်ပြည်နယ်မှာ မိုးကြိုးပစ်တာ မကြာခဏဖြစ်ပွားကာ သြဂုတ် ၂၆ ရက်က မိုးကောင်းမြို့မှာ ဆိုင်ကယ်အရောင်းပြခန်း မိုးကြိုးပစ်ချခံရပြီး ဆိုင်တစ်ဆိုင်လုံးမီးလောင်ဆုံးရှုံးကာ အမျိုးသမီးနှစ်ယောက် မီးလောင်ပြီးသေဆုံးခဲ့ပါသေးတယ်။

3 months Ago

August 4, 2022

ကျောက်ဖြူတွင် မိုးကြိုးပစ်ခံရပြီး ကျောင်းသား ၁ ဦးသေဆုံး၊ ၂ ဦးဒဏ်ရာရ

ရခိုင်ပြည်နယ်၊ ကျောက်ဖြူမြို့နယ်၊ ပန်းတောပြင်ကျေးရွာအုပ်စု၊ ကူးတို့ဆိပ်ကျေးရွာမှာ ဩဂုတ် ၂ ရက် နေ့လယ်ပိုင်းက မိုးကြိုးပစ်ခံရပြီး အသက် ၁၂ နှစ်အရွယ် ငါးတန်းကျောင်းသားတယောက် သေဆုံးကာ နှစ်ယောက်ဒဏ်ရာရရှိခဲ့တယ်လို့ ကျေးရွာသားတွေက ပြောပါတယ်။

သေဆုံးသွားသူမှာ ကူးတို့ဆိပ်ကျေးရွာက အသက် ၁၂ နှစ်အရွယ် မောင်သားစေ့ကေဖြစ်ပြီး ဒဏ်ရာရရှိသူတွေမှာ အသက် ၁၂ နှစ်အရွယ် မောင်ဝေရန်စိုးနဲ့ မောင်သက်ဝေရန်တို့ ဖြစ်ကြပါတယ်။

ကျေးရွာသားတဦးက “သူတို့က ဘုတ်ဆိပ်မှာ ရေသွားချိုးကြတယ်လို့ သိရတယ်။ အဲဒီမှာ သုံးယောက်လုံး မိုးကြိုးပစ်ခံရပြီး သုံးယောက်လုံး မေ့လဲနေကြပြီး တယောက်ကတော့ အဲဒီမှာပဲ ဆုံးသွားတယ်။ ကျန်နှစ်ယောက်ကိုတော့ ပန်းတောပြင် ကျေးလက်ဆေးခန်းမှာ ကုသနေကြတယ်။ စိုးရိမ်ရတဲ့ အခြေအနေတော့ မရှိဘူး” လို့ ပြောပါတယ်။

ဒဏ်ရာရရှိတဲ့ ကလေးနှစ်ယောက်ဟာ မိုးကြိုးပစ်ခံရတာကြောင့် အညိုအမည်းဒဏ်ရာ ရရှိခဲ့ပါတယ်။

သေဆုံးသွားတဲ့  မောင်သားစေ့ကေကိုတော့ ဩဂုတ် ၃ ရက် နေ့လယ်က ကူးတို့ဆိပ်သုသာန်မှာ သင်္ဂြိုဟ်ခဲ့ပါတယ်။

အခုမိုးကြိုးပစ်ခံလိုက်ရတဲ့ ကျောင်းသားသုံးယောက်ဟာ ကူးတို့ဆိပ်ကျေးရွာက အ.လ.က ကျောင်းမှာ ပဉ္ဇမတန်း ပညာသင်ယူနေကြတဲ့ ကျောင်းသားတွေ ဖြစ်ကြပါတယ်။

ပြီးခဲ့တဲ့ ဇူလိုင် ၁၉ ရက်က မောင်တောမြို့နယ် ဥဒေါင်းကျေးရွာက အမျိုးသမီးတယောက်  မိုးကြိုးပစ်ခံရပြီး သေဆုံးခဲ့ပါတယ်။

4 months Ago
More News
Up