မိုရီဆာကီဝင်း

A d v e r t i s e m e n t With Us

December 2, 2020

မိုရီဆာကီဝင်း၏ Acoustic Live ဂီတဖျော်ဖြေပွဲ ကျပ် ၅၀၀၀ ဖြင့် အွန်လိုင်းမှ ကြည့်ရှုနိုင်(ရုပ်သံ)

နှုတ်ခမ်းနီမလေးတို့ အသည်းစွဲအဆိုတော် မိုရီဆာကီဝင်း ဖျော်ဖြေမယ့် Acoustic Live ဂီတဖျော်ဖြေပွဲကို အွန်လိုင်းကနေ Live Streaming အနေနဲ့ လာမယ့် ဒီဇင်ဘာ ၂၂ ရက်မှာ ထုတ်လွှင့်သွားဖို့ ရှိနေပါတယ်။ “ကျနော်ချစ်ရသော ပရိသတ်များအတွက် အထူး Online Live Stream ပွဲလေးကို စီစဉ်ထားပါတယ်။ ဒီပွဲလေးကတော့ မြန်မာပြည်က ပရိသတ်များအတွက် ပထမဆုံးအ ကြိမ် Online Live Stream ပွဲလေး ဖြစ်မှာပါ။ ဒီပွဲလေးမှာ ချစ်ပရိသတ်တွေ ပျော်ရွှင်၊ စိတ်လှုပ်ရှားဖွယ်ကောင်းတဲ့ အစီအစဉ်တွေနဲ့အတူ၊ အထူးလက်ဆောင်လေးတွေလည်း ပေးသွားမှာနော်” အဝင်း လို့ ချစ်စနိုးနာမည်နဲ့ မြန်မာပရိသတ်တွေကြား ထင်ရှားတဲ့ မိုရီဆာကီဝင်းကတော့ အသက် ၃၀ အရွယ်ရှိနေပြီဖြစ်ကာ ဂျေပေါ့ပ်တေးဂီတအဖွဲ့ PrizmaX အဖွဲ့ဝင် တယောက်လည်း ဖြစ်ပါတယ်။ အသက် ၁၀ နှစ်အရွယ်လောက်ကတည်းက ဂျပန်နိုင်ငံကို မိဘတွေနဲ့ ပြောင်းရွှေ့နေထိုင်ခဲ့သူ အဝင်းဟာ ၁၄ နှစ်သားအရွယ် အလယ်တန်းကျောင်းသားဘဝမှာကတည်းက စတင်ကာ Stardust Entertainment က ရွေးချယ်ခံခဲ့ရပြီး ဖျော်ဖြေရေးအနုပညာ လှုပ်ရှားမှုတွေထဲ ပါဝင်လာခဲ့သူပါ။ အဲဒီနောက် သီချင်းတွေဆိုသလို သရုပ်ဆောင်တာတွေလည်း လုပ်နေတဲ့ မိုရီဆာ ကီဝင်းဟာ ဝါရင့်ဒါရိုက်တာ Steven Spielberg ရိုက်ကူးထားတဲ့ ဟောလိဝုဒ်နာမည်ကြီး ရုပ်ရှင်ကားတကားဖြစ်တဲ့ ‘Ready Player One’ ရုပ်ရှင်ထဲမှာလည်း ပါဝင်ခဲ့ပြီး ဒါရိုက်တာ ကြည်ဖြူသျှင် ရိုက်ကူးတဲ့ ဂျပန်-မြန်မာချစ်ကြည်ရေး ‘ဇာတိမြေ’ရုပ်ရှင်မှာလည်း ပါဝင်သရုပ်ဆောင်ခဲ့ကာ ပရိသတ်တွေ ချစ်ခင်အားပေးမှုတွေ ရရှိထားသူတယောက် ဖြစ်ပါတယ်။ ခုလတ်တလောမှာတော့ မြန်မာပြည်က ပရိသတ်တွေအတွက် သူ ပါဝင်ဖျော်ဖြေမယ့် ဂီတဖျော်ဖြေပွဲကို ဒီဇင်ဘာ ၂၂ ရက်၊ မြန်မာစံတော်ချိန် ည ၇ နာရီမှာ Streaming Live Show အနေနဲ့ ပြုလုပ်သွားမှာ ဖြစ်တယ်လို့ သိရပါတယ်။ ကြည့်ရှုလိုတဲ့ ပရိသတ်တွေအနေနဲ့ အွန်လိုင်းလက်မှတ်တွေကိုတော့ မြန်မာငွေ ကျပ် ၅,၀၀၀ နဲ့ ဖော်ပြပါလင့်ခ်-https://www.messenger.com/t/chelmo.tips ကတဆင့် ဒီဇင်ဘာ ၁ ရက်က စတင်ကာ ၁၈ ရက်နေ့အထိ ဝယ်ယူနိုင်ကြောင်း ကြေညာထားခဲ့ ပါတယ်။
2 months Ago

June 11, 2020

မိုရီဆာကီဝင်း၏ PARADE သီချင်းခွေ ဇူလိုင် ၁ ရက်နေ့ စတင်ဖြန့်ချိမည်

မြန်မာပြည်သူတွေရဲ့ အသည်းကျော် ဂျပန်အခြေစိုက် အနုပညာရှင် မိုရီဆာကီဝင်းဟာ Columbia international ကုမ္ပဏီမှ ပထမဦးဆုံးပွဲဦးထွက် Sigle အယ်လ်ဘမ်အဖြစ် PARADE သီချင်းခွေကို ဇူလိုင် ၁ ရက်နေ့မှာ စတင်ဖြန့်ချိမယ်လို့ အဆိုပါကုမ္ပဏီက ဇွန်လ ၁၀ ရက်နေ့မှာ ကြေညာပါတယ်။ ဒီသီချင်းခွေကို ဂျပန်၊ အင်္ဂလိပ်နှစ်ဘာသာနဲ့ နိုင်ငံပေါင်း ၁၅၀ ကျော် ကို ဖြန့်ချိမယ်လို့လည်း သိရပါတယ်။ မြန်မာ-ဂျပန်နှစ်နိုင်ငံလုံးရဲ့ တီဗွီနဲ့ ရုပ်ရှင်လောကမှာ ထင်ရှားအောင်မြင်မှုရနေတဲ့ အသက် ၂၉ နှစ်အရွယ် မိုရီဆာကီဝင်းဟာ ၂၀၁၈ ခုနှစ်ကလည်း နာမည်ကြီးဒါရိုက်တာ Steven Spielberg ရဲ့ရုပ်ရှင်မှာ ပါဝင်သရုပ်ဆောင်ခဲ့တဲ့ ဟောလိဝုဒ်သရုပ်ဆောင်တစ်ဦးလည်းဖြစ်ပါတယ်။
8 months Ago
More News
Up