မိုဒါနာကုမ္ပဏီ

January 26, 2021

ဗြိတိန်နှင့် တောင်အာဖရိက မျိုးကွဲကိုရိုနာဗိုင်းရပ်စ်များကို ကာကွယ်နိုင်ဟု မိုဒါနာကုမ္ပဏီ ပြော

အမေရိကန်နိုင်ငံအခြေစိုက် မိုဒါနာ ကာကွယ်ဆေး ထုတ်လုပ်ရေးကုမ္ပဏီက သူ့ရဲ့ ကိုဗစ်-၁၉ ကပ်ရောဂါ ကာကွယ်ဆေးဟာ ဗြိတိန်နဲ့ တောင်အာဖရိကနိုင်ငံတွေမှာ တွေ့ထားတဲ့ ကိုရိုနာဗိုင်းရပ်စ် ဗီဇမျိုးကွဲတွေကနေပါ ကာကွယ်ပေးနိုင်တယ်လို့ ယုံကြည်တယ်လို့ ဇန်နဝါရီ ၂၅ ရက်မှာ ပြောလိုက်ပါတယ်။

မိုဒါနာက “ဗြိတိန်မှာ တွေ့ရတဲ့ ဗီဇမျိုးကွဲကို စမ်းသပ်ရာမှာတော့ ရောဂါပိုးကို တုံ့ပြန်တဲ့ ပဋိပစ္စည်းရဲ့ တုံ့ပြန်မှုတွေ လျော့ကျမသွားတာ တွေ့ရတယ်။ တောင်အာဖရိကမှာ တွေ့ရတဲ့ ဗီဇမျိုးကွဲသစ်ကို စမ်းသပ်ရာမှာ ပဋိပစ္စည်းတုံ့ပြန်မှု လျော့ကျလာတာကို တွေ့ခဲ့ပေမယ့် ထိုးဆေး ၂ ကြိမ် ထိုးပြီးရင်တော့ ကာကွယ်နိုင်မယ်လို့ ယုံကြည်နေဆဲပဲ။ တောင်အာဖရိက ဗီဇမျိုးကွဲကို ပစ်မှတ်ထားပြီး ကာကွယ်ဆေးအသစ်ကို စမ်းသပ်မယ်” လို့  သတင်းထုတ်ပြန်ပါတယ်။

ဗြိတိန်၊ တောင်အာဖရိကနဲ့ ဘရာဇီးတို့မှာ ကိုဗစ်-၁၉ ကပ်ရောဂါကို ဖြစ်စေတဲ့ ဗိုင်းရပ်စ်ရဲ့ ဗီဇမျိုးကွဲအသစ်တွေ ပေါ်လာလို့ ဒီမျိုးကွဲသစ်တွေဟာ ကာကွယ်ဆေးရဲ့ ထိရောက်မှုကို လျော့နည်းစေမှာကို စိုးရိမ်နေကြတာပါ။

ဘေးလာကောလိပ် အပူပိုင်းဒေသ ဆေးပညာအမျိုးသားဌာနရဲ့ ဌာနမှူး ဒေါက်တာ ပီတာဟိုတက်ဇ်က “ဗိုင်းရပ်စ်ကို သတ်တဲ့နေရာမှာ ကာကွယ်ဆေးရဲ့ စွမ်းအင် ခြောက်ပုံတပုံ လျော့ကျသွားတယ်လို့ ကျနော် ကြားထားတယ်။ ဒါပေမဲ့ ပဋိပစ္စည်းရဲ့ စွမ်းအင်အဆင့်က မြင့်နေဆဲမို့ ဒီလို လျော့ကျပေမယ့် ကာကွယ်ရေးနည်းနည်းကျဆင်းနိုင်ပေမယ့် အနှောင့်အယှက် မဖြစ်နိုင်ဘူး။ ကာကွယ်ဆေးက ထိထိရောက်ရောက် ကာကွယ်နိုင်တုန်းပဲ” လို့  ပြောပါတယ်။

ကာကွယ်နိုင်စွမ်းလျော့ကျတဲ့ သက်သေတွေ ပေါ်ထွက်လာခဲ့ရင် အနာဂတ်မှာ ကာကွယ်ဆေး ထိုးဆေးအသစ်ကို ထုတ်နိုင်တယ်လို့လည်း မိုဒါနာက ပြောပါတယ်။

ဖိုက်ဇာ နိုင်ငံတကာကော်ပိုရေးရှင်းနဲ့ ဘိုင်အိုအန်တက်ခ် ကုမ္ပဏီတို့ကလည်း သူတို့ရဲ့ ကာကွယ်ဆေးဟာ ဗြိတိန်မှာ တွေ့ရတဲ့ ဗီဇမျိုးကွဲကို ထိထိရောက်ရောက် ကာကွယ်နိုင်ကြောင်း စမ်းသပ်ချက်တွေက ပြထားပါတယ်။ ဒါပေမဲ့ တောင်အာဖရိကမှာ တွေ့ရတဲ့ ဗီဇမျိုးကွဲနဲ့ ပတ်သက်တဲ့ ရလဒ်တွေတော့ မသုံးသပ်ရသေးဘူးလို့ ပြောပါတယ်။

မိုဒါနာဟာ ကိုဗစ်-၁၉ ကပ်ရောဂါ ဖြစ်စေတဲ့ ဗိုင်းရပ်စ်ရဲ့ ဗီဇမျိုးကွဲတွေအပေါ် သူတို့ စမ်းသပ်ချက်က ရတဲ့ သတင်းအချက်အလက်တွေကို သူတို့ရဲ့ အင်တာနက်စာမျက်နှာ ဘိုင်အိုအာခိုက်ဗ်ပေါ်မှာ ဖြန့်ချိထားဖို့ စီစဉ်နေတယ်လို့လည်း ပြောပါတယ်။

4 months Ago

December 18, 2020

မိုဒါနာကုမ္ပဏီထုတ် ကိုဗစ်-၁၉ ကာကွယ်ဆေး အမေရိကန် FDA  အတည်ပြု

မိုဒါနာကုမ္ပဏီထုတ် ကိုဗစ်-၁၉ ကာကွယ်ဆေး နောက်တမျိုးကို  အမေရိကန် ဆေးဝါးနဲ့ အစားအစာအုပ်ချုပ်ရေးအဖွဲ့ FDA က ဒီဇင်ဘာ ၁၇ ရက်မှာ   ထောက်ခံအတည်ပြုခဲ့ပါတယ်။  ဖိုင်ဇာကုမ္ပဏီထုတ်ကိုဗစ်ကာကွယ်ဆေးကို  FDA  အတည်ပြုပြီး တစ်ပတ်အကြာမှာ နောက်ထပ် ကိုဗစ်ကာကွယ်ဆေးကို အတည်ပြုခဲ့တာပါ။   မိုဒါနာကုမ္ပဏီထုတ် ကိုဗစ်ကာကွယ်ဆေးရဲ့ အကျိုးကျေးဇူးတွေဟာ အသက် ၁၈ နှစ်နဲ့ အထက်လူတွေမှာ ဖြစ်နိုင်တဲ့ အန္တရာယ်တွေထက် သာလွန်တယ်ဆိုတာကို  FDA ရဲ့ ပြင်ပအကြံပေးအဖွဲ့က ထောက်ခံမဲ ၂၀ ၊ ကန့်ကွက်မဲ မရှိ  ၊ ပျက်ကွက်မဲ တစ်ခုနဲ့ အတည်ပြုခဲ့တာပါ။   ဒါကြောင့်  FDA အနေနဲ့  မိုဒါနာ ကိုဗစ်ကာကွယ်ဆေး အရေးပေါ် သုံးခွင့်ကို ဒီဇင်ဘာ ၁၇ ရက် နှောင်းပိုင်း ၊ ဒါမှမဟုတ် ဒီဇင်ဘာ ၁၈ ရက်မှာ ခွင့်ပြုပေးမယ် မျှော်လင့်ရပါတယ်။  FDA  ခွင့်ပြုချက်ရတာနဲ့ မိုဒါနာကာကွယ်ဆေးတွေကို စတင်ဖြန့်ဝေပေးတော့မှာပါ။   မိုဒါနာ ကာကွယ်ဆေးလုံးရေ ၅ ဒသမ ၉ သန်းကို  ပြည်နယ်နဲ့ မြို့ကြီးတွေကို ဖြန့်ဝေပေးဖို့ ခွဲဝေလျာထားပြီး တစ်နိုင်ငံလုံးကို ပို့ဆောင်သွားဖို့ အဆင်သင့်ပဲလို့ ကျန်းမာရေးနဲ့ လူမှုရေးရာ ဝန်ကြီး အဲလက်စ်အက်ဇာက CNBC သတင်းဌာနကို ပြောပါတယ်။  ဖိုင်ဇာနဲ့ မတူတာက မိုဒါနာကိုဗစ်ကာကွယ်ဆေးဟာ အထူးပြုလုပ်ထားတဲ့ အအေးခန်း ဒါမှမဟုတ်  ရေခဲခြောက် အများအပြား မလိုအပ်ဘဲ ကျေးလက်နဲ့ ဝေးလံခေါင်ဖျား အရပ်တွေဆီ သယ်ပို့ရ လွယ်ကူတယ်လို့ ရိုက်တာသတင်းအရ သိရပါတယ်။ 
5 months Ago
More News
Up