မိုင်းဆတ်ခရိုင်

A d v e r t i s e m e n t With Us

April 15, 2020

မိုင်းဆတ်ခရိုင်အတွင်းရှိ ဈေးများအားလုံး ယာယီပိတ်ထားမည်

ရှမ်းပြည်နယ်အရှေ့ပိုင်း မိုင်းဆတ်ခရိုင် COVID-19 ကြီးကြပ်မှုကော်မတီက ဧပြီ ၁၆ ရက်မှ ၁၉ ရက်အထိ  ခရိုင်အတွင်းရှိစျေး ၈ ဈေးကို ၄ ရက်ကြာ ပိတ်ပင်သွားမှာဖြစ်ပါတယ်။ မိုင်းဆတ်ခရိုင် ခရိုင်အထွေထွေ အုပ်ချုပ်ရေးဦးစီးဌာန ဒုညွှန်ကြားရေးမှူး ဦးနေမျိုးအောင်က "ခရိုင်အတွင်း COVID-19 ကူးစက်ပြန့်ပွားမှုကိုတားဆီးဖို့ လူစုလူဝေး ဖြစ်စေနိုင်တဲ့ စျေးအားလုံးကို မနက်ဖြန်ကစပြီး လေးရက်ကြာ ပိတ်ပင်တာဖြစ်ပါတယ်။ မြို့ရွာအလိုက် ယာဉ် အသွားအလာတွေကိုလည်း ပိတ်ပင်သွားမှာပါ”လို့  ပြောပါတယ်။ မိုင်းဆတ်ခရိုင်အတွင်းရှိ မြို့နယ် ၂ ခုနဲ့ မြို့နယ်ခွဲတခုမှ အထင်ကရစျေးရှစ်ခုဖြစ်တဲ့ မိုင်းဆတ်မြို့မစျေး၊ ကုန်းကုလားစျေး၊ မိုင်းတွမ်းစျေး၊ ယောင်ခစျေး၊ မိုင်းခုတ်မြို့မစျေး၊ မိုင်းတုံမြို့မစျေး၊ ပုံပါကျင်မြို့မစျေး၊ နားကောင်းမူးစျေးတွေကို တစ်ပြိုင်တည်း ပိတ်ပင်သွားမှာ ဖြစ်ပါတယ်။ အလားတူ မြို့အဝင်အထွက်ဂိတ်အားလုံးကို ည ၇ နာရီကနေ နောက်တနေ့မနက် ၇ နာရီ အထိ အသွားအလာပိတ်ပင်မှာဖြစ်ပြီး လိုက်နာမှုမရှိပါက ဥပဒေအရအရေးယူ ဆောင်ရွက်သွားမှာ ဖြစ်ကြောင်းသိရပါတယ်။ သတင်း- အောင်ဇေယျ
11 months Ago
Up