မိုင်တဲလ် တာဝါတိုင်

December 2, 2021

ဂန့်ဂေါနှင့် ရေစကြိုတွင် မိုင်တဲလ် တာဝါတိုင် ၂ တိုင် ဖောက်ခွဲဖျက်ဆီးခံရ (ရုပ်သံ)

မကွေးတိုင်းဒေသကြီး ဂန့်ဂေါနဲ့ ရေစကြိုမြို့နယ်တွေမှာ ဒီဇင်ဘာ ၁ ရက်နေ့မနက်ပိုင်းက စစ်အုပ်စုပိုင် မိုင်တဲလ်တာဝါတိုင် ၂ တိုင်ကို ဖောက်ခွဲဖျက်ဆီးခံခဲ့ရတယ်လို့ သိရပါတယ်။

ဗိုလ်ချုပ်မှူးကြီး မင်းအောင်လှိုင်အတွက် ခရစ်စမတ်အကြိုလက်ဆောင်အဖြစ် ဂန်ဂေါမြို့နယ်ထဲမှာ ဒီကနေ့မနက်ပိုင်းက မိုင်တဲလ်တာဝါတိုင်တစ်တိုင်ကို ဖောက်ခွဲဖျက်ဆီးခဲ့တယ်လို့ ဂန့်ဂေါ PDF တပ်ရင်းရဲ့ ပြန်ကြားရေးတာဝန်ခံက ဒီဗွီဘီကို ပြောပါတယ်။

ဒါအပြင် ရေစကြိုမြို့နယ် ဆင်ကြို့ ရွာမှာလည်း ဒီကနေ့မနက် ၁ နာရီလောက်က ရေစကြို UURF တပ်ဖွဲ့နဲ့ 27 တော်လှန်ရေးတပ်ဖွဲ့တို့ ပူးပေါင်းပြီး စစ်အုပ်စုပိုင် မိုင်တဲတာဝါတိုင် တစ်တိုင်ကို ဖျက်ဆီးခဲ့ကြတယ်လို့ UURF တပ်ဖွဲ့ရဲ့ တာဝန်ရှိသူတစ်ယောက်က ပြောပါတယ်။

ပြည်သူတော်လှန်ရေး တပ်ဖွဲ့တွေအနေနဲ့ စစ်ကောင်စီနဲ့ သူတို့ရဲ့ အဓိကစီပွားရေးထောက်တိုင်တွေ၊ စစ်အုပ်စုနဲ့ ဆက်နွှယ်တဲ့သူတွေနဲ့ ပျူစောထီးဒလန်တွေကို သုတ်သင်ရှင်းလင်းနေတာကြောင့် မိဘ ပြည်သူတွေအနေနဲ့ စစ်အုပ်စုနဲ့ ဆက်စပ်တဲ့နေရာတွေကို ရှောင်ရှားကြဖို့ သတိပေးထားပါတယ်။

3 days Ago

September 10, 2021

ပေါက်မြို့ မိုင်တဲလ် တာဝါတိုင်နှင့် အုပ်ချုပ်ရေးမှူးနေအိမ်တို့ကို ပေါက် PDF က ဗုံးခွဲ

မကွေးတိုင်း၊ ပေါက်မြို့နယ်ထဲမှာ စက်တင်ဘာ ၉ ရက်နေ့ညပိုင်းက ဘိုကုန်းကျေးရွာအနီးရှိ မိုင်တဲလ်တာဝါတိုင်နဲ့ ကျောင်းကုန်းရွာက စစ်ကောင်စီခန့် ကျေးရွာအုပ်စုအုပ်ချုပ်ရေးမှူး ဦးဖိုးဝ နေအိမ်ကို ဗုံးခွဲသတိပေးခဲ့တယ်လို့ ပေါက်ပြည်သူ့ကာကွယ်ရေးတပ်ဖွဲ့ (PPDF) ဆီက သိရပါတယ်။

PPDF တာဝန်ခံတဦးက ''ဒါနဲ့ဆို ပေါက်မြို့နယ်ထဲမှာ မိုင်တဲလ် တိုင် ၂ တိုင်ကို ဖျက်ဆီးနိုင်ခဲ့ပြီ။ နောက်ထပ်လည်း ပြည်သူ့ကာကွယ်ရေး၊ စစ်ကာဏာရှင်ချုပ်ငြိမ်းရေးအတွက် အရှိန်မြင့်ဆောင်ရွက်နေတယ်'' လို့ ပြောပါတယ်။

စစ်ကောင်စီခန့် ကျောင်းကုန်းကျေးရွာအုပ်ချုပ်ရေးမှူးနေအိမ်ကိုလည်း ရာထူးကနေနုတ်ထွက်ဖို့ ဗုံးခွဲသတိပေးခဲ့ပြီး ထိခိုက်ပျက်ဆီးမှုမရှိဘူးလို့ သိရပါတယ်။

ပြီးခဲ့တဲ့ စက်တင်ဘာ ၈ ရက်နေ့ညကလည်း ပေါက်မြို့နယ်၊ ထန်းတောအိုးကျေးရွာအနီးက စစ်တပ်ပိုင် မိုင်တဲလ်တာဝါတိုင်ကို PPDF အဖွဲ့က ဖျက်ဆီးခဲ့ပါသေးတယ်။

3 months Ago
Up