မိုင်တဲလ်တာဝါတိုင်

May 21, 2022

နတ်မောက်မြို့က အုပ်ချုပ်ရေးမှူးအိမ်နှင့် မြို့သစ်မြို့နယ်က မိုင်တဲလ်တာဝါတိုင် မိုင်းခွဲခံရ

မကွေးတိုင်း၊ နတ်မောက်မြို့၊ မြို့မကွက်သစ်ရပ်ကွက်ရှိ အုပ်ချုပ်ရေးမှူးနေအိမ်နဲ့၊ မြို့သစ်မြို့နယ် လူးလဲရွာက မိုင်တဲလ်တာဝါတိုင်တွေကို မေလ ၂၀ ရက် မနေ့ည ၁၁ နာရီခွဲလောက်က ဗိဿနိုးနယ်မြေ ပြည်သူ့ကာကွယ်ရေးတပ်က မိုင်း ၄ လုံးနဲ့ ဖောက်ခွဲတိုက်ခိုက်ခဲ့တယ်လို့ ဗိဿနိုး-PDF ရဲ့ ပြန်ကြားရေးတာဝန်ခံဗိုလ်ထန်ထွဋ်က ပြောပါတယ်။

ဖောက်ခွဲမှုကြောာင့် နတ်မောက်မြို့က စစ်ကောင်စီခန့် အုပ်ချုပ်ရေးမှူး ဦးဝင်းအောင်ရဲ့ နေအိမ် ထိခိုက်မှုရှိနိုင်သလို စစ်တပ်ပိုင် မိုင်တဲတာဝါတိုင်ကတော့ အောင်ပိုင်းစက်တွေအကုန် ပျက်စီးသွားတယ်လို့ ဆိုပါတယ်။

“စစ်ကောင်စီခန့်အုပ်ကြီးကိုတော့ စစ်ကောင်စီနဲ့ ပေါင်းပြီး ပြည်သူကို နည်းမျိုးစုံနဲ့ ဒုက္ခပေးနေလို့ သတိပေးတဲ့အနေနဲ့ ဖောက်ခွဲခဲ့တာဖြစ်တယ်။ စစ်ကောင်စီရဲ့ အဓိကစီးပွားရေး ဒေါက်တိုင်တစ်ခုဖြစ်တဲ့ မိုင်တဲတာဝါတိုင်ကိုတော့ စစ်ကောင်စီရဲ့ ဝင်ငွေတွေကို ဖြတ်တောက်တဲ့ အနေနဲ့ ဖောက်ခွဲ ဖျက်ဆီးခဲ့တာ”လို့ ဗိဿနိုး-PDF ရဲ့ ပြန်ကြားရေးတာဝန်ခံဗိုလ်ထန်ထွဋ်က  ပြောပါတယ်။

လက်ရှိအချိန်ဟာ မိုးတွင်းဖြစ်တဲ့အတွက် တော်လှန်ရေးအဖွဲ့တွေ  မြေပြင်မှာနေရ ထိုင်ရတာ အခက်အခဲတွေအများကြီးရှိနေတယ်လို့လည်းဆိုပါတယ်။

“ကျနော်တို့ အဖွဲ့ထဲမှာ ခေါင်းဆောင်ပိုင်း တချို့ဖမ်းခံရပြီး တချို့ကအဝေးမှာ ရှောင်တိမ်နေရတယ်။ ထုတ်လုပ်ရေးစခန်းခွဲတွေသိမ်းခံရတာတွေရှိတယ်။ လက်နက်တွေအသိမ်းခံရတာတွေရှိ​တော့ ပြန်လည်စုစည်းလက်နက်ပြန်ရှာရပေါ့။ အလှုရှင်ကလည်း ဗိဿနိုးက ဘာမှ မလုပ်တော့ဘူးဆိုပြီး မလှူတော့တာတွေရှိတော့ ကျနော်တို့မယ် အခက်အခဲတွေအများကြီးဖြစ်ရတယ်။ အခုတော့ ရတာလေးနဲ့ ရှိတာနဲ့ဆက်လက်လုပ်ဆောင်နေပါတယ်”လို့  ဗိုလ်ထန်ထွဋ်ကပြောပါတယ်။

ဗိဿနိုးPDF အနေနဲ့ ပြည်သူ့ကာကွယ်ရေး ညီနောင်မဟာမိတ်တပ်တွေနဲ့ ပူးပေါင်းကာ စစ်အာဏာရှင်စနစ် အမြစ်ပြုတ်တဲ့ အထိတိုက်ခိုက်သွားမှာဖြစ်လို့ ပြည်သူလူထုအနေနဲ့ ပူးပေါင်းပါဝင်ပေးကြဖို့ တိုက်တွန်းထားပါတယ်။

8 months Ago

April 28, 2022

လောင်းလုံးမြို့တွင် မိုင်တဲလ်တာဝါတိုင်များ ဆီလိုက်ဖြည့်သည့်ကား မီးရှို့ဖျက်ဆီးခံရ

တနင်္သာရီတိုင်း၊ ထားဝယ်ခရိုင်၊ လောင်းလုံးမြို့နယ်၊ ကြက်ယက်တွင်းကျေးရွာအနီး ထားဝယ်-ရှင်မော် ကားလမ်းမပေါ်မှာ ဧပြီ ၂၈ ရက် မနက် ၁၀ နာရီခွဲလောက်က စစ်တပ်ပိုင် မိုင်တဲလ်တာဝါတိုင်တွေမှာ ဆီလိုက်ဖြည့်တဲ့ ကားတစီး မီးရှို့ဖျက်ဆီးခံလိုက်ရတယ်လို့ ဒေသခံတွေက ပြောပါတယ်။

ဒီကိစ္စကို လောင်းလုံးမြို့နယ် ပြည်သူ့ကာကွယ်ရေးတပ်ဖွဲ့ (LLPDF) က လုပ်ဆောင်ခဲ့တာဖြစ်ပြီး ယာဉ်မောင်းနှစ်ဦးကိုတော့ စစ်ဆေးမှုပြုလုပ်ကာ ပြန်လွှတ်ပေးလိုက်တယ်လို့ LLPDF က ထုတ်ပြန်ထားပါတယ်။

ဒေသခံတဦးကတော့ "ကြက်ယက်တွင်းရွာထဲက မိုင်တဲလ်တာဝါတိုင်မှာ ဆီလာဖြည့်ပြီး ပြန်အထွက်မှာပဲ တားပြီး မီးရှို့ခံရတာ၊ ယာဉ်မောင်းနှစ်ဦးကို လွှတ်လိုက်ပြီးမှ ရှို့တာ၊ ကားတော့ ပြာကျသွားတယ်" လို့ ပြောပါတယ်။

လောင်းလုံးမြို့နယ်ထဲက မိုင်တဲလ်တာဝါတိုင်တွေမှာ စစ်တပ်က ခြေနင်းမိုင်းတွေ ထောင်ထားပြီး လွန်ခဲ့တဲ့ နှစ်လလောက်ကလည်း အောက်ရေဖြူကျေးရွာအတွင်းရှိ မိုင်တဲလ်တာဝါတိုင်တခုမှာ နွားတက်နင်းမိလို့ မိုင်းပေါက်ကွဲခဲ့ပါသေးတယ်။

ဧပြီ ၂၁ ရက်ကလည်း ထားဝယ်မြို့ပေါ်က မိုင်တဲလ်အရောင်းပြခန်း ဝင်ရောက်စီးနင်း ဖောက်ခွဲဖျက်ဆီးခံခဲ့ရပါတယ်။

9 months Ago
More News
Up