မိုင်းကိုင်

A d v e r t i s e m e n t With Us

October 28, 2016

မိုင်းကိုင်တွင် ရွာသားများဖမ်းဆီးခံရမှု ကွင်းဆင်းစစ်ဆေးမည်

  ရှမ်းပြည်နယ်တောင်ပိုင်း လွိုင်လင်ခရိုင်၊ မိုင်းကိုင်မြို့နယ်ရှိ ပန်ပွဲကျေးရွာအုပ်စုထဲမှာ ဒီလ ဆန်းပိုင်းက ရွာသားတွေဖမ်းဆီးခံရတဲ့ကိစ္စနဲ့ မြန်မာ့တပ်မတော်နဲ့ ရှမ်းပြည်တပ်မတော် တောင်ပိုင်းအဖွဲ့အကြား  တိုက်ပွဲတွေနဲ့ပတ်သက်လို့ အပစ်ခတ်ရပ်စဲမှုပူး တွဲစောင့်ကြည့် ကော်မတီက ကွင်းဆင်း စစ်ဆေးဖို့ရှိနေပါတယ်။ တနိုင်ငံလုံး အပစ်ခတ်ရပ်စဲရေးဆိုင်ရာ သဘောတူစာချုပ်ထဲမှာ ပါတဲ့အချက်ကို လိုက်နာတဲ့အနေနဲ့ ဆောင်ရွက်တာဖြစ်ပြီး ကွင်းဆင်းစစ်ဆေးမယ့်အဖွဲ့ထဲမှာ အစိုးရ၊ လက်နက်ကိုင်အဖွဲ့နဲ့ လူထုကိုယ်စားလှယ်တွေ စုစုပေါင်း ၆ ဦး ပါတယ်လို့ ရှမ်းပြည် တပ်မတော် RCSS/SSAရဲ့ ငြိမ်းချမ်းရေးဖော်ဆောင်ရေးကော်မတီ အတွင်းရေးမှူး ဒုဗိုလ်မှူးကြီး စိုင်းငင်းက ဒီဗွီဘီကို ပြောပါတယ်။ “အောက်တိုဘာ ၂၆ နဲ့ ၂၇ က ရန်ကုန်မြို့ အန်အာရ်ပီစီ (အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန)မှာ ပြည်နယ်အဆင့် ပစ်ခတ်တိုက်ခိုက်မှုရပ်စဲရေးဆိုင်ရာကော်မတီက အစည်းအဝေးလုပ်ပြီး မိုင်းကိုင်မှာ ဖြစ်သွားတဲ့ကိစ္စ စုံစမ်းစစ်ဆေးရေးပြန်လုပ်ဖို့ ၆ ဦးပါ ကော်မတီကို ဖွဲ့လိုက်တာပါခင်ဗျ။ သူတို့အဖွဲ့က  ကွင်းဆင်းစစ်ဆေးပြီး တွေ့ရှိချက်တွေကို တပတ် အတွင်း ပြည်ထောင်စုအဆင့်ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMCU) ကို အစီရင်ခံစာ ပြန်တင်ရမှာ ဖြစ်ပါတယ်။  JMCU က အစီရင်ခံစာပေါ် ပြန်လည်သုံးသပ်ပြီး လွန်တဲ့ဘက်ကို ညွှန်ကြားစာ ပြန်ပို့မယ်လို့ သိရတယ်။” အဆိုပါ စုံစမ်းစစ်ဆေးရေးကို  အစိုးရဘက်က ဦးမောင်မောင်ငြိမ်းက ခေါင်းဆောင်ပြီး အဖွဲ့ဝင်တွေအဖြစ် ဗိုလ်မှူးကြီး ဝဏ္ဏ္ဏအောင်နဲ့ ဗိုလ်မှူးလင်းထင်ကျော်၊ တိုင်းရင်းသား လက်နက်ကိုင်အစုအဖွဲ့မှ ဗိုလ်မှူးကြီးစိုင်းဦး၊ ဆလိုင်းယောအောင်နဲ့ စိုင်းမျိုးတင့်တို့ ၅ဦး ပါဝင်ကြပါတယ်။ ပြီးခဲ့တဲ့ စက်တင်ဘာလ ၁၇ ရက်နေ့က သီပေါမြို့နယ် နမ့်လန်ကျေးရွာအုပ်စုထဲမှာ ရှမ်းပြည်တပ်မတော် RCSS/SSA ဘက်က မူးယစ်ဆေးဝါးရောင်းဝယ်သုံးစွဲသူပေါင်း ၅၀ ကျော်ကို ဝင်ရောက်ဖမ်းဆီးခဲ့ပါတယ်။ ဒီနောက် မူးယစ်ဆေးမှုနဲ့ ဖမ်းထားသူတွေကို စိစစ်ဒဏ်တပ်ပြီး တဦးချင်း သော်လည်းကောင်း၊ အသုတ်လိုက်သော်လည်းကောင်း ပြန်လွှတ်ပေးလိုက်ပြီလို့ အာရ်စီအက်စ်အက်စ်က ဒီဗွီဘီကို ပြောပါတယ်။ ဒီကိစ္စနဲ့ ပတ်သက်လို့ စစ်တပ်ပိုင် မြဝတီသတင်းမှာတော့ အာရ်စီအက်စ်အက်စ်က ဖမ်းဆီးထားတဲ့ ဒေသခံပြည်သူ  ၂၅ ယောက်ကို တပ်မတော်က ကယ်တင်ပြီး အောက်တိုဘာလ ၇ ရက်နေ့က သီပေါမြို့နယ် နမ့်လန်ကျေးရွာ အုပ်ချုပ်ရေးမှူးရုံးမှာ  ပြန်လည်အပ်နှင်းခဲ့တယ်လို့ သတင်း ထုတ်ပါတယ်။ ရှမ်းပြည်တပ်မတော်တောင်ပိုင်းအဖွဲ့ဟာ အစိုးရနဲ့ ပြည်နယ်အဆင့် အပစ်ရပ် သဘောတူထားတဲ့ အဖွဲ့ဖြစ်သလို တနိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ် (အန်စီအေ)ကို လက်မှတ်ရေးထိုးထားတဲ့ အဖွဲ့တဖွဲ့လည်း ဖြစ်ပါတယ်။ ဒါပေမယ့် အောက်တိုဘာလဆန်းက ရှမ်းပြည်နယ် တောင်ပိုင်း မိုင်းကိုင်မြို့နယ် ပန်ပွဲကျေးရွာမှာ မြန်မာ့တပ်မတော်နဲ့ အာစီအက်စ်အက်စ်တပ်တွေ  တိုက်ပွဲဖြစ်ပွားခဲ့လို့ ဒေသခံ ရွာသား ၁ထောင်ကျော်လောက်  စစ်ဘေးတိမ်းရှောင်ထွက်ပြေးခဲ့ကြရပါတယ်။
4 years Ago

October 13, 2016

မိုင်းကိုင်ကနေ အစိုးရတပ်များဆုတ်ခွာပေးရန် ရွာသားများတောင်း

  တိုက်ပွဲတွေမဖြစ်အောင် ရှောင်ရှားနိုင်ဖို့အတွက် ရှမ်းပြည်တောင်ပိုင်း လွိုင်လင်ခရိုင် မိုင်းကိုင်မြို့နယ် တုံလောဝ်းဒေသမှာ ရောက်ရှိနေတဲ့ အစိုးရတပ်မတော် စစ်ကြောင်းတွေ ဆုတ်ခွာပေးဖို့  ရွာသားတွေနဲ့ သံဃာတွေက တောင်းဆိုလိုက်ပါတယ်။ ရှမ်းပြည်နယ်ဝန်ကြီးချုပ်နဲ့ ပြည်နယ်အစိုးရအဖွဲ့ဝင်တွေ အောက်တိုဘာ ၁၂ ရက်က တုံလောဝ်း ကျေးရွာကို ရောက်ရှိလာစဉ်ရွာသားတွေက ၀ိုင်းဝန်းတောင်းဆိုခဲ့ကြတာလို့ မိုင်းကိုင်မြို့နယ် ရှမ်းတိုင်းရင်းသားများဒီမိုကရေစီအဖွဲ့ချုပ် ပြည်နယ်လွှတ်တော်အမတ် ဦးစိုင်းလုံကပြောပါတယ်။ “အစိုးရတပ် ရောက်လာတော့ ဒီဘက်မှာ လှုပ်ရှားနေတဲ့ ရှမ်းပြည်တပ်မတော်နဲ့ တိုက်ပွဲဖြစ်တယ်၊ တိုက်ပွဲကြောင့်မို့ သူတို့က ခုထိ အိမ်မပြန်ရသေးဘူး၊   ၁၁ ရက်နေ့မှာ တချို့က သူတို့မူရင်း ပန်ပွဲရွာကို ပြန်လာနေပြီ၊ တချို့က ရွာထဲရောက်နေပြီ၊ အဲဒါ တိုက်ပွဲတွေ ထပ်ဖြစ်တော့ ၃ မိုင်ေ လာက်ဝေးတဲ့ တုံလောဝ်းဘုန်းကြီးကျောင်းကို တခါပြန်ပြေးလာရရော၊ အဲဒါ မနေ့က ပြည်နယ် အစိုးရအဖွဲ့နဲ့ တာဝန်ရှိသူတွေ ကူညီကယ်ဆယ်ရေးပစ္စည်းတွေ လာပို့တာနဲ့ လူ ၅၀ ကျော်ေ လာက်ကဆန္ဒထုတ်ဖော်ပြီး တောင်းဆိုခဲ့ကြတယ်။ ဒီမှာ ရောက်နေတဲ့ အစိုးရတပ်တွေ ပြန်သွားဖို့နဲ့ အစိုးရတပ်က ဖမ်းသွားပြီး နမ့်လန်မှာ ပြန်လွှတ်ပေးခဲ့တဲ့ထဲ ပါမလာတဲ့ လူ ၂ ယောက်ကို ပြန်ရှာပေးဖို့ တောင်းဆိုကြတယ်။” ပြီးခဲ့တဲ့ အောက်တိုဘာ ၁ ရက်နေ့က ပန်ပွဲရွာရှိ အာရ်စီအက်စ်အက်စ် မူးယစ်ဆေးဖြတ် စခန်းကနေ ခေါ်ဆောင်သွားတဲ့ လူတွေထဲက လူ ၂၅ ဦးကို တပ်မတော်ကပြန်လွှဲပေးရာမှာ ထမင်းချက်တာဝန်ကျတဲ့ လူငယ် ၂ ဦး ပါမလာဘဲ ပျောက်ဆုံးနေတာ ဖြစ်ပါတယ်။ တပ်မတော်စစ်ကြောင်းက သီပေါမြို့နယ် နမ့်လန်ရွာဘက်ခေါ်ဆောင်သွားစဉ်တုန်းက လူငယ် ၂ ဦးပါရှိပြီ ဟိုရောက်တော့ လူစုခွဲပြီးချုပ်ထားရာမှာ ပြန်အပ်တဲ့ခါ မတွေ့ရတော့ဘူးလို့ ပြန်ရောက်လာသူတွေကပြောတယ်လို့ ဆိုပါတယ်။ ရွာသားတွေရဲ့ တောင်းဆိုမှုနဲ့ ပတ်သက်ပြီး ရှမ်းပြည်နယ်အစိုးရအဖွဲ့ကို ဆက်သွယ် မေးမြန်းရာမှာ ရမခစစ်တပ်တွေနဲ့  ဆက်သွယ်မေးမြန်းနေတယ်လို့ ကြားမိပေမယ့် အသေးစိပ်မသိဘူးလို့  ရှမ်းပြည်နယ်အစိုးရ အဖွဲ့ရုံးညွှန်ကြားရေးမှူး ဦးစိုင်းသော်ဝင်းက ဒီဗွီဘီကို ပြောပါတယ်။  
4 years Ago
Up