မိသားစုဝင်

A d v e r t i s e m e n t With Us

January 9, 2021

ဖမ်းဆီးထိန်းသိမ်းခံထားရသူများနှင့် တွေ့ခွင့်ပေးရန်  မိသားစုဝင်များ တောင်းဆို

ရခိုင်ပြည်နယ်မှာ တပ်မတော်က အကြမ်းဖက်တိုက်ဖျက်ရေးဥပဒေတွေနဲ့ တရားစွဲဆိုပြီး အကျဉ်းထောင်တွေမှာ ဖမ်းဆီးထိန်းသိမ်းခံထားရသူတွေကို ကိုဗစ်ကာလ တရားရုံးမထုတ်တာ လနဲ့ချီ ကြာပြီဖြစ်တာကြောင့် တွေ့ဆုံခွင့်ပေးဖို့နဲ့ ပြန်လွှတ်ပေးဖို့ မိသားစုဝင်တွေက တောင်းဆိုခဲ့ကြပါတယ်။

ဖမ်းဆီးခံရတဲ့ ကပ်သပြေကျေးရွာနေ ကိုလှနုအောင်ရဲ့ဖခင် ဦးမောင်ဝေနုက “သူတို့ကိုဖမ်းသွားတာကတော့ ၆ လပိုင်း၊ ၂၆ ရက်နေ့က ဖမ်းသွားတာ၊ အခုဆိုရင် ၈ လလောက်ကြာပြီလေ။ ဖမ်းဆီးခံရတဲ့အထဲမှာ သား ၁ ယောက် ပါသွားတယ်။ လူ ၉ ယောက်ဖမ်းခံရတာမှာ ၇ ယောက်ကျန်ခဲ့တယ်။ အဲဒီ ၇ ယောက်က ဒုက္ခအခက်အခဲ ခံနေရတယ် ထောင်ထဲမှာ။ တွေ့လည်းမတွေ့ရဆိုပြီးတော့ ဖြစ်နေတယ်။ အဲဒါကို ကျနော်တို့က ဘယ်လိုနည်းနဲ့ ဘယ်လိုတွေ့ရမလဲ၊ လိုလားချက်ကတော့ ကျနော်တို့ မိဘလုပ်တဲ့သူတွေကတော့ ကိုယ့်သားသမီးတွေကိုတော့ လွတ်စေချင်တာပေါ့” လို့ ပြောပါတယ်။

ကပ်သပြေကျေးရွာမှာ တပ်မတော်က သံသယနဲ့ ဖမ်းဆီးသွားတဲ့အထဲ ကိုတင်အောင်ချေ ဆိုသူလည်း ပါဝင်ပြီး ကလေး ၄ ယောက်နဲ့ကျန်ရစ်တာကြောင့် မိသားစု စားဝတ်နေရေး အခက်အခဲ ကြုံတွေ့နေရတယ်လို့  ဇနီးဖြစ်သူ မဖြူသန်းရီက ပြောပါတယ်။

“အိမ်ရှင်ကို ဖမ်းသွားတုန်းက ကျမမှာ ကိုယ်ဝန်က ၅ လ၊ ကလေးက ၈ လ၊ ဆေးရုံက ဆင်းလာတာပဲရှိသေးတယ်၊ အခက်အခဲတွေကအများကြီးပါ။ ကျမမှာ အကြီးက ၈ နှစ်ရယ်၊ အငယ်က ၅ နှစ်မပြည့်သေးဘူး။ အိမ်ရှင်မရှိတဲ့ အချိန်မှာ ကျမတို့ကရေလုပ်ငန်းကို လုပ်ကိုင်စားသောက်နေတဲ့သူတွေဆိုတော့ ကိုယ့်မှာရှာဖွေပေးမဲ့ လူမရှိရင် အားကိုးမဲ့လူမရှိဘူး၊ ဒီနေ့လုပ်မှ ဒီနေ့စားရတာဆိုတော့၊ အခက်အခဲတွေကအများကြီးရှိတယ်” လို့ ပြောပါတယ်။

ကျောက်ဖြူအကျဉ်းထောင်မှာ တပ်မတော်က သံသယနဲ့ဖမ်းဆီးပြီး အကြမ်းဖက်တိုက်ဖျက်ရေးဥပဒေတွေနဲ့ တရားစွဲဆိုခံနေရသူ စုစုပေါင်း ၆၀ ကျော်ထိရှိကာ ဖမ်းဆီးခံရသူတွေဟာ ကျောက်ဖြူမြို့နယ်အပါအဝင် တစ်ခြားမြို့နယ်တွေကလည်း ပါဝင်တယ်လို့ သိရပါတယ်။

ဖမ်းဆီးခံရသူတွေမှာ ကိုဗစ်ကာလအတွင်း မိသားစုဝင် တွေနဲ့  တွေ့ခွင့်မရသလို ရုံးထုတ်စစ်ဆေးတာတွေ မရှိတဲ့အတွက် များစွာနစ်နာမှုတွေရှိနေတာကြောင့် ပြန်လည် လွှတ်ပေးဖို့ကိုလည်း မိသားစုဝင်တွေက တောင်းဆိုနေကြပါတယ်။

နောင်နောင်  

2 months Ago

November 30, 2020

မာရာဒိုနာ ပိုင်ဆိုင်သည့် အမွေကိစ္စ မိသားစုဝင်များအကြား ရှုပ်ထွေးနေ

ကမ္ဘာကျော် ဘောလုံးသမား မာရာဒိုနာဟာ နှလုံးအမောဖောက်လို့ နိုဝင်ဘာ ၂၅ ရက်က သေဆုံးအပြီး ကမ္ဘာတလွှား သူ့ရဲ့ ပရိသတ်က ဝမ်းနည်းပူဆွေးခဲ့ပါတယ်။ သူ့ရဲ့ အထင်ကရ ဘောလုံး ဂျာစီအင်္ကျီနဲ့ ဇိမ်ခံကားတွေကစလို့ ကမ်းတက် တင့်ကားတစီး အပါအဝင် သူပိုင်ဆိုင်မှုအရပ်ရပ်ကို သူ့မိသားစုတွေအကြား ဘယ်လို အမွေခွဲပေးမလဲ ဆိုတာကတော့ တော်တော်ရှုပ်ထွေးနေတယ်လို့ ရိုက်တာသတင်းမှာ ဖော်ပြပါတယ်။ မာရာဒိုနာရဲ့ ပိုင်ဆိုင်မှုတွေကို အမွေဆက်ခံဖို့ လက်တွဲဖော် ၆ ယောက်ကနေ မွေးထားတဲ့ သားသမီး ၈ ယောက် ရှိနေတာပါ။ မာရာဒိုနာမှာ အာဂျင်တီးနားနိုင်ငံမှာ သားသမီး ၄ ယောက်၊ အီတလီမှာ ၁ ယောက်နဲ့ ကျူးဘားမှာ ၃ ယောက် ရှိတယ်လို့ သူ့ရှေ့နေ မာတီးယတ်စ်မော်လာက ပြောပါတယ်။ အဲဒီထဲက ၅ ယောက်ကိုသာ မာရာဒိုနာက တရားဝင် အသိအမှတ်ပြုထားပြီး သူ့ရဲ့ မျိုးရိုးနာမည်ကို သုံးခွင့်ပေးထားတယ်လို့ ဗျူးနော့အေးရီးစ် အခြေစိုက် ဘောလုံးရှေ့နေ မာတင်အပိုလိုက ပြောပါတယ်။ အမွေခံတွေအတွက် တရားဝင်လုပ်ငန်းစဉ်ဟာ ရက် ၉၀ ထိ ကြာနိုင်ပြီး အမွေခံတွေဟာ သူတို့ကိုယ်သူတို့ ကိုယ်စားပြုရမယ်လို့လည်း ရှေ့နေ အပိုလိုက ပြောပါတယ်။ ကမ္ဘာ့ဖလား ချန်ပီယံ မာရာဒိုနာဟာ သေဆုံးချိန်က အာဂျင်တီးနားကလပ် အသင်းရဲ့ နည်းပြ ဖြစ်ပြီး အိမ်ခြံမြေ၊ စမတ်ကားတွေ ရင်းနှီးမြှုပ်နှံမှုတွေနဲ့ ရတနာပစ္စည်းတွေ အများအပြား ပိုင်ဆိုင်ခဲ့ပါတယ်။ မာရာဒိုနာဟာ အာဂျင်တီးနား၊ စပိန်၊ အီတလီ၊ အာရပ်စော်ဘွားများ ပြည်ထောင်စု ဘဲလာရုစ်နဲ့ မက်ဆီကိုအသင်းတွေမှာ ပါဝင်ကစားခဲ့သလို နည်းပြအဖြစ် လုပ်ကိုင်ခဲ့ပါတယ်။ ဒါ့အပြင် ဟူဘလော့တ်ပူးမားနဲ့ ကိုကာကိုလာတို့လို ကုန်တံဆိပ်တွေရဲ့ ထောက်ပံ့မှုနဲ့ ကန်ထရိုက်တွေလည်း ရှိထားပါတယ်။ မာရာဒိုနာရဲ့ မိသားစုဟာ လတ်တလောနှစ်တွေအတွင်း အငြင်းပွားမှု အတော်များများကို ကြုံတွေ့ခဲ့ရပြီး သူ့ချစ်သူဟောင်း ကလော့ဒီယာ ဗီလာဖှာနေနဲ့လည်း အခွန်ရှောင်မှုနဲ့ မာရာဒိုနာ ဘောလုံးသမားဘဝက ပစ္စည်း ၄၅၈ မျိုးကို လိမ်လည်အလွဲသုံးမှုတွေနဲ့ တရားရင်ဆိုင်ထားရပါတယ်။ မာရာဒိုနာဟာ ဦးနှောက်ထဲက သွေးခဲကိုဖယ်ဖို့ ခွဲစိတ်ကုသခံယူအပြီး သူ မသေဆုံးမီ သီတင်းပတ်အတွင်းမှာတော့ သူ့မိသားစုနဲ့ သားသမီးတွေ ညီညွတ်ကြဖို့ ဆော်သြခဲ့ပါတယ်။
3 months Ago
Up