မိသားစု

August 18, 2021

တောင်တွင်းကြီးမြို့တွင် NLD ပါတီကို အားပေးထောက်ခံသည့် မိသားစု ဖမ်းဆီးခံရ

မကွေးတိုင်း၊  တောင်တွင်းကြီးမြို့၊ တောင်ပြင် ၁ ရပ်ကွက်၊ အောင်သပြေလမ်းမှာနေထိုင်တဲ့ NLD ပါတီကို အားပေးထောက်ခံတဲ့ မိသားစုကို စစ်ကောင်စီတပ်က ဖမ်းဆီးသွားတယ်လို့ ဒေသခံတွေက ပြောပါတယ်။

ကိုအောင်မျိုးသန့် (ခေါ်) ကိုညှပ်စိ၊ ဇနီး မစပယ်ဌေး နဲ့ သား၊ သမီးတွေကို သြဂုတ် ၁၇ ရက်နေ့ ညနေ ၄ ခွဲဝန်းကျင်လောက်မှာ စစ်ကောင်စီတပ်တွေက နေအိမ်မှာ လာရောက်ဖမ်းဆီးသွားတယ်လို့ ဒေသခံတစ်ဦးက ပြောပါတယ်။

“အိမ်စီးကားအဖြူလေးနဲ့ အရပ်ဝတ်တွေနဲ့လာပြီး ရိုက်ပုတ်ပြီးဖမ်းခေါ်သွားတာ။ တမိသားစုလုံးပါသွားတယ်။ ဘယ်ကိုခေါ်သွားလည်း မသိသေးဘူး။” 

ကိုအောင်မျိုးသန့်တို့ လင်မယားအပြင် ၁၃ နှစ်ဝန်းကျင် သမီး ၁ ယောက်နဲ့ ၁၁ နှစ်ဝန်းကျင် သား ၁ ယောက်တို့ကိုလည်း ခေါ်သွားတယ်လို့ နီးစပ်သူတွေဆီက သိရပါတယ်။

မိသားစုနဲ့နီးစပ်သူတဦးက “ကျန်ခဲ့တဲ့ရက်အနည်းငယ်က စစ်ဗိုလ်တစ်ယောက်ရဲ့မိန်းမနဲ့ ဖေ့ဘွတ်ခ်ပေါ်ကနေ အကြီးအကျယ်စကားများကြတယ်။ အဲ့တာကြောင့် တမင်ချောက်တွန်းခံရပြီး အဖမ်းခံရတာဖြစ်နိုင်တယ်။ ဖမ်းခေါ်သွားပြီးသိပ်မကြာဘူး၊ သူတို့ရဲ့ဖုန်းတွေကို နောက်တခေါက် ပြန်လာယူသွားတယ်'' လို့ ပြောပါတယ်။

ဖမ်းဆီးခံရသူ ကိုအောင်မျိုးသန့်တို့မိသားစုဟာ  NLD ပါတီကို အားပေးထောက်ခံသူတွေဖြစ်ပြီး စစ်အာဏာရှင်ဆန့်ကျင်ရေး ဆန္ဒပြပွဲတွေမှာ ပါဝင်ခဲ့ကြတယ်လို့ ဒေသခံတွေဆီကသိရပါတယ်။

3 months Ago

July 7, 2021

အတိုင်ပင်ခံနှင့်အတူနေ မိသားစုအားလုံး ကိုဗစ်ကာကွယ်ဆေးထိုးပြီးဟု ရှေ့နေပြော

နိုင်ငံတော်အတိုင်ပင်ခံပုဂ္ဂိုလ်နဲ့ ဒေါ်အောင်ဆန်းစုကြည်နဲ့ အတူနေ မိသားစုဝင်အားလုံး ကိုဗစ်ကာကွယ်ဆေးနှစ်ကြိမ်ထိုးပြီးသွားပြီလို့ သူ့ရဲ့ရှေ့နေ ဒေါ်မင်းမင်းစိုးက ဇူလိုင် ၆ ရက်နေ့ရုံးချိန်းအပြီးမှာ ပြောပါတယ်။ 

ဇူလိုင် ၆ ရက်နေ့ရုံးချိန်းမှာ နိုင်ငံတော်အတိုင်ပင်ခံ၊ သမ္မတနဲ့ ဒေါက်တာမျိုးအောင်တို့ သုံးယောက်တွဲ အစွဲခံထားရတဲ့ ပုဒ်မ ၅၀၅ (ခ) နဲ့  အတိုင်ပင်ခံကိုစွဲဆိုထားတဲ့ ဘေးအန္တရာယ်ဆိုင်ရာပုဒ်မတို့အတွက် တရားလိုတွေကိုဆက်လက် စစ်ဆေးခဲ့တယ်လို့ နိုင်ငံ့ခေါင်းဆောင်တွေရဲ့ရှေ့နေ ဒေါ်မင်းမင်းစိုးက ပြောပါတယ်။

ဇူလိုင် ၆ ရက်နေ့ ရုံးချိန်းမတိုင်ခင် ခေါင်းဆောင်တွေနဲ့ ရှေ့နေတွေဟာ မိနစ်သုံးဆယ်ကျော်တွေ့ဆုံခွင့်ရခဲ့ပြီး ကိုဗစ်အခြေအနေနဲ့ပတ်သက်လို့ ခေါင်းဆောင်တွေက စိုးရိမ်နေတယ်လို့ဆိုပါတယ်။ 

ပြည်သူတွေအချင်းချင်း ကျန်းမာရေးအသိတွေမျှဝေပြီး သတိထားနေထိုင်ကြဖို့လည်း ပြောပါတယ်။ ကာကွယ်ဆေးထိုးဖို့အခွင့်အရေးရရင် ဆေးထိုးကြဖို့လည်း အတိုင်ပင်ခံက တိုက်တွန်းခဲတယ်လို့ ဒေါ်မင်းမင်းစိုးက ပြောပါတယ်။

"ပြည်သူတွေအချင်းချင်း ကိုဗစ်အတွက် အသိပေးပြီး သတိထားနေထိုင်ကြဖို့လည်း ပြောပါတယ်။ ကျန်းမာရေးဂရုစိုက်ကြဖို့လည်းပြောပါတယ်။"

အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို ဖေဖော်ဝါရီ ၁ ရက်နေ့ကစတင်ပြီး စစ်ကောင်စီက ပုဒ်မ ၆ ခုနဲ့ တရားစွဲခဲ့တာပါ။ 

ဇွန်လ ၉ ရက်နေ့မှာ အဂတိလိုက်စားမှုတိုက်ဖျက်ရေး ဥပဒေပုဒ်မ ၅၅ နဲ့ အမှုထပ်ဖွင့်ခဲ့တဲ့အတွက် စုစုပေါင်းအမှု ၇ မှုဖြစ်ပါတယ်။ 

ဇူလိုင် ၅ ရက်နေ့တုန်းက ဒေါ်အောင်ဆန်းစုကြည်နဲ့ ဦးဝင်းမြင့်ကို စွဲထားတဲ့ အမှုလေးခုအတွက် တရားလိုပြသက်သေတွေကို ဆက်လက်စစ်ဆေးခဲ့ပါတယ်။ နောက်ထပ်ရုံးချိန်းတွေကတော့ မှုခင်းစီမံခန့်ခွဲရေး အစည်းအဝေးသဘောတူညီချက်အတိုင်း အပတ်စဉ် တနင်္လာ၊ အင်္ဂါနေ့တွေမှာ ဆက်စစ်ဖို့  တရားရုံးက ဆုံးဖြတ်ထားပါတယ်။

5 months Ago
More News
Up