မိဘ

May 9, 2021

အတတ်ပညာရှိပြီး အသိပညာမရှိသူများ သင်​မည့်ပညာရေး သားသမီးများကို ကျောင်းမအပ်ဟု မိဘများပြော

စစ်ကိုင်းတိုင်း ယင်းမာပင်မြို့နယ်နဲ့ ဆားလင်းကြီးမြို့နယ်တို့ပူး​ပေါင်းပြီး စစ်ကျွန်ပညာ​ရေးစနစ်အလိုမရှိ​ကြောင်းနဲ့ စစ်အာဏာရှင်အပြီးတိုင်ချုပ်ငြိမ်း​ရေးသပိတ်ကို ​မေလ ၉ ရက်​နေ့က အင်အား​ထောင်ချီ ဆန္ဒ​ဖော်ထုတ်ခဲ့ကြတာပါ။

ဆန္ဒပြပွဲမှာပါဝင်တဲ့ ​ကျောင်းသားမိဘ​​တွေတဦးက "အတတ်ပညာရှိပြီး အသိပညာမရှိ CDM မပါဝင်တဲ့ ဆရာဆရာမ​တွေက လာသင်မယ့်ပညာ​ရေးကို မိမိတို့ရဲ့ သားသမီး​တွေကို ​ကျောင်းမထားနိုင်သလို သူတို့ဖွင့်ချင်ဖွင့် မိမိတို့သားသမီး​တွေ ပညာမတတ်ချင်​နေ ​ကျောင်းမအပ်ဘူး"လို့ ​ပြောပါတယ်။

ဆန္ဒပြပွဲကို လမ်း​လျှောက်သပိတ်၊ ထိုင်သပိတ် နဲ့ Paper Strike သပိတ်လည်း ပြုလုပ်ခဲ့ကြတာပါ။

7 months Ago
Up