မိတ္ထီလာ

April 21, 2022

မိတ္ထီလာတွင် မိုးသက်လေပြင်းကြောင့် နေအိမ် ၃ လုံး အမိုးလန်ပျက်စီး၊ ၁ ဦးဒဏ်ရာရ

မန္တလေးတိုင်း၊ မိတ္ထီလာမြို့ ဧပြီ ၂၀ ရက် ညနေက မိုးသက်လေပြင်းတိုက်ခတ်တာကြောင့် နေအိမ် ၃ လုံး အမိုးလန်ပျက်စီးကာ နေအိမ်ပေါ်သစ်ပင်ကျိုးကျပြီး အသက် ၆၂ နှစ်အရွယ် အမျိုးသမီး ၁ ဦး ဒဏ်ရာရတယ်လို့ ဒေသခံတဦးက ပြောပါတယ်။

“မိုးရော လေရော အတော်ကြမ်းတယ်။ အိမ်တွေ အမိုးလန် ပျက်စီးတယ်၊ သစ်ပင်အိုကြီး အိမ်ပေါ်ကျိုးကျလာလို့ အမျိုးသမီးတစ်ဦး ဒဏ်ရာရသွားတယ်။ လမ်းမပေါ်သစ်ပင်တွေ ကျိုးကျတယ်၊ မီးသတ်တပ်ဖွဲ့နဲ့ လူမှုကယ်ဆယ်ရေးအဖွဲ့တွေ ပရဟိတတွေကပဲ ကူညီလုပ်ဆောင်ပေးကြတယ်” လို့ ပြောပါတယ်။

မိတ္ထီလာမြို့ အောင်ဇေယျာရပ်ကွက် နယ်မြေ-၁၃ က နေအိမ် ၂ လုံးနဲ့ နန်းတော်ကုန်းရပ်ကွက် ချမ်းအေးသာယာနယ်မြေမှာ သစ်ပင်ကျိုးကျတာကြောင့် နေအိမ်ပျက်စီးပြီး အသက် ၆၂ အရွယ် ဒေါ်စန်းစန်းမြင့် မစိုးရိမ်ရတဲ့ ဒဏ်ရာရသွားတယ်လို့ သိရပါတယ်။

7 months Ago

April 18, 2022

မိတ္ထီလာ နှင့် သာစည်ထောင်တို့မှ အကျဉ်းသား ၁၅ ဦး ပြန်လွတ်

မန္တလေးတိုင်း မိတ္ထီလာနဲ့သာစည် အကျဉ်းထောင်တွေကနေ ဧပြီ ၁၇ ရက်နေ့က အကျဉ်းသား ၁၅ ဦး လွတ်ငြိမ်းခွင့်နဲ့ ပြန်လွတ်လာတယ်လို့ သိရပါတယ်။

မိတ္ထီလာအကျဉ်းဦးစီးဌာနက အမျိုးသား ၁၂ ဦးနဲ့ သာစည်မြို့ ဘုရားငါးဆူအကျဉ်းဦးစီးဌာနက အမျိုးသား ၃ ဦး ပြန်လွှတ်ပေးလိုက်တာလို့ အကျဉ်းဦးစီးဌာနနဲ့ နီးစပ်သူတဦးက ပြောပါတယ်။

“ပုဒ်မ ၅၀၅ တွေ အကြမ်းဖက်ဥပဒေတွေ စတဲ့ ဥပဒေတွေနဲ့ အပြစ်ဒဏ်ကျနေသူ၊ အမှုရင်ဆိုင်နေသူတွေ လွတ်ငြိမ်းခွင့်ထဲ မပါပါဘူး။ ခိုဆိုးနှိုက်တွေလည်း မပါဘူး။ တပ်မတော်အက်ဥပဒေနဲ့ အပြစ်ဒဏ်ကျခံနေရသူ ၁၄ ဦး၊ သာစည်ဘုရားငါးဆူအကျဉ်းဦးစီးက မူးယစ်ဆေးဝါးနဲ့ အပြစ်ဒဏ်ကျနေရသူ ၁ ဦး တို့ လွတ်မြောက်တယ်” လို့ ပြောပါတယ်။

ခရိုင်စီမံအုပ်ချုပ်ရေး၊ မြို့နယ်စီမံအုပ်ချုပ်ရေးနဲ့ အကျဉ်းဦးစီးဌာနတာဝန်ရှိသူတွေက လွတ်ငြိမ်းခွင့်ရရှိသူတွေ သွားလာရမယ့် ခရီးအကွာအဝေးအလိုက် စရိတ်ထောက်ပံ့ပေးခဲ့တယ်လို့ ဆိုပါတယ်။

မြန်မာနှစ်ဆန်းတစ်ရက်နေ့ဖြစ်တဲ့ ဧပြီ ၁၇ ရက်မှာ စစ်ကောင်စီက နိုင်ငံတဝန်းက အကျဉ်းသား၊ အကျဉ်းသူ နိုင်ငံသား ၁၅၇၇ ယောက်နဲ့ နိုင်ငံခြားသား ၄၂ ယောက် စုစုပေါင်း ၁၆၁၉ ယောက်ကို လွတ်ငြိမ်းသက်သာခွင့်နဲ့ ပြန်လွှတ်ပေးလိုက်တာဖြစ်ပြီး နိုင်ငံရေးအကျဉ်းသားတွေ မပါဘူးလို့ သိရပါတယ်။

8 months Ago
More News
Up