မိတ္ထီလာတွင်

March 12, 2018

မိတ္ထီလာတွင် အမျိုးသမီးအိမ်ထောင်ဦးစီးနှင့်မသန်စွမ်းသူများကို ထောက်ပံ့ငွေပေးအပ်

မိတ္ထီလာမြို့နယ်၊ မုန်တိုင်ရွာ၊ မုန်တိုင် ဘုန်းတော်ကြီးကျောင်း မတ်လ ၁၁ ရက် မနက်က ခင်ပွန်းမရှိပဲ အိမ်ထောင်ဦးစီးဖြစ်တဲ့ အမျိုးသမီးတွေနဲ့ မသန်စွမ်းတွေကို လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ထောက်ပံ့ကြေး ပေးတယ်လို့ မိတ္ထီလာမြို့နယ်အုပ်ချုပ်ရေးရုံးက ပြောပါတယ်။ လူမှုဝန်ထမ်းဦးစီးဌာန ဒုညွှန်မှူး ဦးသက်လှိုင်ထွန်းက “အမျိုးသမီးဦးဆောင် အိမ်ထောင် ဦးစီးအမျိုးသမီးတဦးကို ထောက်ပံ့ကြေးငွေ ၅သောင်းပေးပါတယ်။ မသန်စွမ်းတဦးကို ၁ သိန်း ပေးပါတယ်။ မသန်စွမ်း ၄ မျိုးပေးပါတယ်။ နား၊ မျက်စိ၊ ညာဏ်ရည်ချို့နဲ့ ကိုယ်အင်္ဂါမသန်စွမ်း ၄ မျိုး ပါ။ မသန်စွမ်းကတော့ အမျိုးသား အမျိုးသမီး အသက်အရွယ်မရွေး ပေးတာပါ။ လူမှုကာကွယ်စောင့်ရှောက်ရေးအနေနဲ့ ပေးပါတယ်။ ပိုင်းလော့ပရောဂျက်အနေနဲ့ ဆင်းရဲနွမ်းပါးမှု အညွှန်းကိန်း မြင့်တဲ့နေရာတွေကို ပေးတာပါ။ မန္တလေးတိုင်းဒေသကြီးထဲမှာ ညောင်ဦးမြို့နယ်နဲ့ မိတ္ထီလာမြို့နယ်ထဲက ရွာအချို့ကိုပေးတာပါ” လို့ ပြောပါတယ်။ ဒေသခံအိမ်ထောင်ဦးစီး အမျိုးသမီးတဦးက “အခုလိုထောက်ပံ့ကြေးရတာ ဒါဟာ ပထမဆုံးပါပဲ။ အခုလို ဂရုစိုက်မှုကို ဝမ်းသာအားရ ဖြစ်မိပါတယ်” လို့ ပြောပါတယ်။ မိတ္ထီလာမြို့နယ်ထဲမှာ သီးကုန်းရွာ၊ ဖလံကျင်းရွာ၊ သရက်ပင်ရွာ၊ ရေဝေရွာ၊ ‎မကျီးတန်းရွာ၊ ဇရပ်ကုန်းရွာ စတဲ့ ရွာ ၆ ရွာက မသန်စွမ်းသူတွေနဲ့ အမျိုးသမီးအိမ်ထောင်ဦးစီး ၂၀၀ လောက်ကို ဒုဝန်ကြီး ဦးစိုးအောင်ကိုယ်တိုင် ထောက်ပံ့ငွေပေးခဲ့တာဖြစ်ပြီး လိုအပ်တဲ့နေရာ အသုံးပြုနိုင်တယ်လို့ သိရပါတယ်။ သတင်း-မောင်မောင်လင်း(ဝမ်းတွင်း)
3 years Ago

March 1, 2018

မိတ္ထီလာတွင် ယောက္ခမနှင့်သမက် စကားများရာမှ လူသတ်မှုဖြစ်

မိတ္ထီလာမြို့နယ်၊ မွေရွာမှာ ဖေဖော်ဝါရီ ၂၈ ရက်က ယောက္ခမနဲ့သမက် စကားများရာကနေ သမက်က တုတ်နဲ့ ရိုက်လိုက်ရာ ယောက္ခမဖြစ်သူ သေဆုံးသွားတယ်လို့ မိတ္ထီလာမြို့မရဲစခန်းက ပြောပါတယ်။ မိတ္ထီလာမြို့နယ် မွေရွာနေ အသက် ၆၀ နှစ်ရှိ ဒေါ်ညွန့်ရီဟာ ရွာရဲ့အရှေ့မြောက်ဘက် ၃ ဖာလုံအကွာက လယ်တောထဲမှာနေတဲ့ သမက်ဖြစ်သူ အသက် ၃၄ နှစ်ရှိ ရဲထွန်းသန့်နဲ့ သမီးဖြစ်သူ မမိုးဆွေ(ခ)မသန်းသန်းဆင့်တို့ဆီ သွားပြီး ‎စကားများကြရာက ရဲထွန်းသန့်က အရှည် ၂ ပေ ၈ လက်မ လုံးပတ် ၄ လက်မရှိတဲ့ ဝါးဆစ်ပိတ်တုတ်နဲ့ ဦးခေါင်းကို ရိုက်လိုက်လို့ မိတ္ထီလာဆေးရုံမှာ ဆေးကုသရင်း သေဆုံးသွားခဲ့ပါတယ်။ မိတ္ထီလာမြို့မရဲစခန်းစခန်မှူး ဒုရဲမှူးကျော်ထင်က “ရဲထွန်းသန့်နဲ့ ဒေါ်ညွန့်ရီတို့ ယာထွက်သီးနှံနဲ့ နေအိမ်တို့ရဲ့ ငွေကြေးအရှုပ်အရှင်း စကားများရာက ရဲထွန်းသန့်က ဒေါ်ညွန့်ရီကို ရိုက်လိုက်တာပါ။ မိတ္ထီလာဆေးရုံမှာ ဆေးကုနေတုန်း သေဆုံးသွားတယ်” လို့ ပြောပါတယ်။ မိတ္ထီလာမြို့မရဲစခန်းက ရဲထွန်းသန့်ကို  လူသတ်မှု ရာဇသတ်ကြီးပုဒ်မ-၃၀၂ နဲ့ အမှုဖွင့် အရေးယူထားတယ်လို့ သိရပါတယ်။ သတင်း-မောင်မောင်လင်း(ဝမ်းတွင်း)
3 years Ago
More News
Up