မိခင်စိတ်ခံစားမှု

A d v e r t i s e m e n t With Us

September 13, 2015

မိခင်စိတ် ခံစားမှု ထည့်သွင်းတည်ဆောက်ထားသည့် စက်ရုပ် (ရုပ်သံ)

ဒီစက်ရုပ်ကတော့ မိခင်စိတ်ဆိုတဲ့ ခံစားမှုကို ယူလာတဲ့ စက်ရုပ်သစ်ပါ။ ကန်းဘရစ်ခ်ျတက္ကသိုလ် အင်ဂျင်နီယာဌာနက တည်ဆောက်တဲ့ ဒီမိခင်စက်ရုပ်ကို ရွေ့လျားနိုင်တဲ့ သားသမီးစက်ရုပ်တွေ တည်ဆောက်ဖို့ စေခိုင်းခဲ့ပါတယ်။ အတွင်းပိုင်းမှာ မော်တာတွေ တပ်ဆင်ထားတဲ့ ပလတ်စတစ်ပိုက် ၅ ချောင်းနဲ့ တည်ဆောက်ထားတဲ့ စက်ရုပ်သားပေါက်တွေကို စွမ်းဆောင်ရည် စမ်းသပ်မယ့် မျက်နှာပြင်တခုပေါ် တင်လိုက်ပါတယ်။ ကောက်ယူထားတဲ့ အချက်အလက်တွေကို သရုပ်ခွဲပြီးတဲ့နောက် သူပုံဖော်လိုတဲ့ စက်ရုပ်သားသမီးရဲ့ ဗီဇစရိုက်တွေကို သွတ်သွင်းပေးပါတော့တယ်။ "ဒီလိုနဲ့ မိခင်စက်ရုပ်ဟာ စက်ရုပ်သားသမီး ရာနဲ့ချီပြီး တည်ဆောက်ပေးရင်း ဒီစက်ရုပ်လေးတွေရဲ့ စွမ်းဆောင်ရည်ကို စစ်ဆေးကာ အကယ်၍ ကောင်းခဲ့ရင် နောက်မျိုးဆက်အတွက် ဒီလက္ခဏာကို ဆက်လက် ထိန်းသိမ်းပေးပါတယ်။ အကယ်၍ မကောင်းခဲ့ရင် ဖျက်ပစ်လိုက်ပါတယ်။ ဒီလိုပြောင်းလဲတိုးတက်တဲ့ ဒီဇိုင်းတွေကို ထပ်ကာထပ်ခါ ဖန်းတီးရင်း မိခင်စက်ရုပ်ဟာ စက်ရုပ်ကိုယ်ပွားတွေရဲ့ စွမ်းဆောင်ရည်ကို တိုးမြှင့်ပေးပါတယ်။" မကြာခင် စမ်းသပ်ချက်များအရ မိခင်စက်ရုပ်ဟာ နောက်မျိုးဆက် ဆယ်ဆက်လောက်ထိ စွမ်းရည်မြင့်အောင် ပျိုးထောင်ပေးနိုင်တယ်ဆိုတာ တွေ့ရပါတယ်။ ဒီဇိုင်းပိုင်းကို ကောင်းသည်ထက်ကောင်းအောင် ဆန်းသစ်ပေးတဲ့အတွက် လူသားဒီဇိုင်နာတွေအဖို့ ခေါင်းစားစရာ မလိုတော့ပါဘူး။ "ကျနော်တို့လုပ်ခဲ့သမျှထဲမှာ အကြီးဆုံးစမ်းသပ်မှုတခုပါ။ ကျနော်တို့က စက်ရုပ် ၅၀၀ တည်ဆောက်ခဲ့ပါတယ်။ ဒီမိခင်စက်ရုပ်က ဘယ်စက်ရုပ်က ကောင်းတယ်၊ မကောင်းဘူး သိရအောင် စက်ရုပ် ၅၀၀ ဖန်တီးခဲ့ပါတယ်။ အဲဒီနောက်တော့ စက်ရုပ်မျိုးဆက်သစ်လေးတွေရဲ့ စိတ်ဝင်စားစရာ ဒီဇိုင်းတွေကို တွေ့လိုက်ရပါတော့တယ်။ ဒါတွေက လူသားတွေအဖို့ သိပ်ခက်တဲ့ ဒီဇိုင်းတွေပါ။" ဒီအဖွဲ့ကတော့ တနေ့ကျရင် ဒီစက်ရုပ်ဟာ ကားထုတ်လုပ်ငန်းလို စက်မှုလုပ်ငန်းအတွက် အသုံးချလာနိုင်မယ်လို့ ယုံကြည်ထားပါတယ်။ "စက်ရုပ်မှာ ကင်မရာတွေ တပ်ဆင်ပြီး ကားတစီးစီရဲ့ ထုတ်လုပ်ပုံကို အကဲဖြတ်နိုင်မယ်ဆိုရင် ထုတ်လုပ်တုန်းမှာ အမှားအယွင်းရှိရင်တောင် နောက်ကားတွေကျတော့ အမှားမပါအောင် ပြုပြင်နိုင်တာပေါ့။ နောက်ဆုံးကျတော့ အကောင်းတကာ့ အကောင်းဆုံးကားတွေ ရလာမှာပါ။" သိပ္ပံပညာရှင်တွေရဲ့ အခုလက်ရှိစက်ရုပ်ရဲ့ စက်ရုပ်ငယ်တွေကို ဒီဇိုင်းဆွဲဖို့ တည်ဆောက်ဖို့နဲ့  စမ်းသပ်ဖို့ ၁၀ မိနစ် အချိန်ယူပါတယ်။ နောက်တဆင့်မှာတော့ ကွန်ပျူတာနဲ့တုပပြီး အကောင်းဆုံးစက်ရုပ်ပုံစံကို ရွေးချယ်ပြီး တကယ့်စက်ရုပ်တွေနဲ့ စမ်းသပ်မှုတွေ လုပ်သွားမှာပါ။ ချားလ်စ်ဒါဝင် ဆိုခဲ့သလိုပဲ အကြံ့ခိုင်ဆုံးစက်ရုပ်သာ ရှင်သန်ကျန်ရစ်ခဲ့ရမှာပဲ မဟုတ်ပါလား။
5 years Ago
Up