မိကျောင်းဆွဲခံရ

July 15, 2020

ဘိုကလေးမြို့နယ်တွင် အမျိုးသား ၁ ဦး မိကျောင်းဆွဲခံရ 

ဧရာဝတီတိုင်း၊ ဘိုကလေးမြို့နယ်၊ သရော်ချောင်းကြီးကျေးရွာအုပ်စု၊ သဲဖြူကျေးရွာမှာ ဇူလိုင် ၁၄ ရက် ညနေက အမျိုးသားတစ်ဦး မိကျောင်းဆွဲခံရပြီး ကဒုံကနိကျေးရွာ တိုက်‌နယ်ဆေးရုံမှာ ဆေးကုသမှုခံယူနေရပါတယ်။ အသက် ၃၃ နှစ်အရွယ် ကိုမျိုးဇော်ဟာ ညနေ ၆ နာရီလောက်က လယ်တောက‌နေ ပြန်လာ ပြီး အိမ်ရှေ့ချောင်းထဲမှာ ရေဆင်းချိုး‌နေစဉ် ဝဲဘက်ခြေသလုံးကို မိကျောင်း တ‌စ်ကောင်က စတင်ကိုက်ချီပြီး ဆွဲသွားတာလို့  ဆေးရုံမှာ တာဝန်ကျတဲ့ ဆရာ၀န် ဒေါက်တာဉာဏ်မင်းက သူ့ရဲ့ လူမှုကွန်ရက်မှာ ရေးသားပါတယ်။ အဲဒီလို မိ‌ကျောင်းကိုက်ချီခံရတဲ့အတွက် ကျန်ရှိနေတဲ့ ယာဘက်ခြေထောက်နဲ့ မိကျောင်းရဲ့ ဦးခေါင်းကို ကန်လိုက်တာ‌ကြောင့် ညာဘက်ခြေသလုံးကို ထပ်မံကိုက်ချီပြီး မိကျောင်းလည်း ရေထဲကို ဆင်းသွားတာပါ။ ကိုမျိုးဇော်ကို မိချောင်းကိုက်ချီခဲ့တာကြောင့် ဝဲဘက် ခြေဖနောင့်ကြော စုတ်ပြဲဒဏ်ရာနဲ့ ဖနောင့်ကြောပြတ်ထွက်သွားသပြီး ဝဲဘက်ခြေဖဝါးမှာလည်း ပေါက်ပြဲဒဏ်ရာ ၃ ခုရရှိခဲ့ကာ ယာဘက် ဒူးအောက်ပိုင်းမှာလည်း စုတ်ပြဲဒဏ်ရာတွေရရှိထားပြီး ကဒုံကနိတိုက်နယ်ဆေးရုံမှာ အတွင်းလူနာအဖြစ် ဆေးကုသမှု ခံယူနေရပါတယ်။ သတင်း - စိုးမိုးအောင် ၊ ဓာတ်ပုံ - ဒေါက်တာဉာဏ်မင်း
11 months Ago

June 30, 2020

ဘိုကလေးမြို့နယ်တွင် အသက် ၉ နှစ်အရွယ်သမီးငယ် မိကျောင်းဆွဲခံရ

ဧရာဝတီတိုင်း၊ ဖျာပုံခရိုင်၊ ဘိုကလေးမြို့နယ်၊ ဂရမ်းကျေးရွာအုပ်စု၊ ရွာသစ်ကျေးရွာမှာ ဇွန်လ ၂၉ ရက် မနက်အစောပိုင်းက အသက် ၉ နှစ်အရွယ် သမီးလေးကလေး တစ်ဦး မိကျောင်းဆွဲခံရတယ်လို့ မိသားစုဝင်တွေက ပြောပါတယ်။ အသက် ၉ နှစ်အရွယ်ရှိ မယမင်းမှာ အဘွားဖြစ်သူနဲ့ နေအိမ်နဲ့ ၉ ပေခန့်အကွာ ရေမြောင်း အတွင်း ရေချိုးနေစဉ် အလျား ၁၀ တောင်ခန့်ရှိ မိကျောင်းက ကလေးမလေးကို ကိုက်ဆွဲယူသွားတာလို့ သိရပါတယ်။ မိကျောင်းအဆွဲခံရနေချိန်မှာ အဖွားဖြစ်သူက ကလေးအားဆွဲပြီး အော်ဟစ်အကူညီတောင်းခံခဲ့ရာမှ မယမင်းရဲ့ အဖေနဲ့ အဘိုးတို့ လာရောက်ကူဆွဲခဲ့တာကြောင့် မိကျောင်းဆွဲခံရမှုမှ ကလေးငယ် လွတ်မြောက်ခဲ့တယ်လို့ သိရပါတယ်။ အဲဒီ မိချောင်းဆွဲခံရတာကြောင့် ကလေးမှာ ဘယ်လက်ဖျံရိုးကျိုး ပြတ်ရှဒဏ်ရာတွေ ရရှိပြီး ဘိုကလေးဆေးရုံမှာ တက်ရောက်ဆေးကုသခံနေရပါတယ်။ ဘိုကလေးမြို့နယ်အတွင်းရှိ မိုးရာသီရောက်လာရင် မိကျောင်းအကိုက်ခံရမှုတွေ၊ မိကျောင်းအဆွဲခံရမှုဖြစ်စဉ်တွေရှိခဲ့ပြီး ပြီးခဲ့တဲ့နှစ် အောက်တိုဘာ ၈ ရက် ညနေပိုင်းကလည်း ချောင်းဗြဲကြီးကျေးရွာအုပ်စု၊ လှေလုံးကွဲကျေးရွာမှာ အမျိုးသား တစ်ဦး  မိကျောင်းဆွဲခံရလို့ ဒဏ်ရာရသွားပါတယ်။ ၂၀၂၀ ခုနှစ်အတွင်း ဘိုကလေးမြို့နယ်အတွင်းမှာတော့ မိကျောင်းဆွဲခံရမှုဟာ ပထမဦးဆုံးဖြစ်တယ်လို့ ဘိုကလေးမြို့နယ် ဒေသခံတွေက ပြောပါတယ်။ သတင်း-ကျော်စိုးမိုး 
12 months Ago
Up