မာဆေး

March 4, 2019

နောက်ပြန်ကန်ချက်ဖြင့် ဂိုးသွင်းယူပြီးနောက် ဗွီဒီယိုရိုက် အောင်ပွဲခံခဲ့သည့် ဘာလော့တယ်လီ

မာဆေးတိုက်စစ်မှူး ဘာလော့တယ်လီဟာ နောက်ပြန်ကန်ချက်နဲ့ ဂိုးသွင်းယူပြီးနောက် ကင်မရာသမားဆီက ဖုန်းယူပြီး အောင်ပွဲခံတဲ့ ဗွီဒီယိုကို အင်စတာဂရမ်ပေါ်မှာ တခါတည်းတင်ခဲ့ပါတယ်။ အီတလီတိုက်စစ်မှူး ဘာလော့တယ်လီဟာ ပွဲချိန် ၁၂ မိနစ်မှာပဲ သအူဗင်ရဲ့ ထောင့်ကန်ဘောကနေ နောက်ပြန်ကန်ချက်နဲ့ ဂိုးသွင်းနိုင်ခဲ့တာပါ။ ဂိုးသွင်းယူအပြီးမှာ ဂိုးတိုင်အနောက်က ကင်မရာသမားဆီ ချက်ချင်းပြေးသွားပြီး သူ့ရဲ့ဖုန်းကိုယူကာ အောင်ပွဲခံတာတွေကို ဗွီဒီယိုရိုက်ပြီး အင်စတာဂရမ်ပေါ် တင်ခဲ့တာဖြစ်ပါတယ်။ အဲဒီပွဲစဉ်မှာ မာဆေးအသင်းက စိန့်အက်တီယန်အသင်းကို ၂ ဂိုး ဂိုးမရှိနဲ့ အနိုင်ရခဲ့ပါတယ်။ ဘာလော့တယ်လီအနေနဲ့ ဂိုးသွင်းယူနိုင်ခဲ့ရင် ဗွီဒီယိုရိုက်ပြီး အင်စတာဂရမ်ပေါ်တင်ကာ အောင်ပွဲခံဖို့ ကြိုတင်ပြင်ဆင်ထားခဲ့တာလည်း ဖြစ်ပါတယ်။ သူဟာ အင်စတာဂရမ်အကောင့်မှာ ပရိသတ် ၈ ဒသမ ၃ သန်းရှိပြီး သူ့ရဲ့ ထူးခြားတဲ့ အောင်ပွဲခံမှုကို ပရိသတ်တွေက သဘောကျခဲ့ကြပါတယ်။ ဂိုးသွင်းယူအပြီးမှာ ကွင်းဘေးက ဖုန်းယူပြီး ဓာတ်ပုံနဲ့ ဗွီဒီယိုရိုက်ပြီး အောက်ပွဲခံခဲ့တဲ့ပုံစံကို ဘာလော့တယ်လီ ပထမဆုံးလုပ်ဆောင်တာတော့ မဟုတ်ပါဘူး။ အီတလီနဲ့ ရိုးမားတိုက်စစ်မှူးဟောင်း တော့တီလည်း ဂိုးသွင်းယူအပြီးမှာ အလားတူ အောင်ပွဲခံခဲ့ဖူးပါတယ်။
2 years Ago

February 8, 2018

မာဆေးနောက်ခံလူ အီဗရာကို ဝက်စ်ဟမ်း ခေါ်ယူရန် ဆွေးနွေး

ဝက်စ်ဟမ်းအသင်းဟာ ပရိသတ်ကိုတိုက်ခိုက်ခဲ့လို့ ပွဲကစားခွင့် ပိတ်ပင်ခံထားရတဲ့ မာဆေးနောက်ခံလူ အီဗရာကို ခေါ်ယူဖို့ ဆွေးနွေးနေပါတယ်။ အသက် ၃၆ နှစ်ရှိ မန်ယူနဲ့ ဂျူဗင်တပ် ကစားသမားဟောင်း အီဗရာဟာ မာဆေးအသင်းနဲ့ အတူ ယူရိုပါလိဂ်ပွဲ မကန်ခင် လေ့ကျင့်ခန်းပြုလုပ်ချိန်မှာ အသင်းပရိသတ်တဦးကို ကန်ကျောက်ခဲ့တာပါ။ ဒါကြောင့် မာဆေးအသင်းက သူ့ကို ထုတ်ပယ်လိုက်သလို ဥရောပ ဘောလုံးအဖွဲ့ချုပ်ကလည်း အီဗရာကို ဇွန်လကုန်အထိ ပွဲကစားခွင့် ပိတ်ပင်ခဲ့ပြီး ဒဏ်ငွေ ပေါင် ၉၀၀၀ ပေးဆောင်စေဖို့ ပြစ်ဒဏ်ချမှတ်ခဲ့ပါတယ်။ အီဗရာဟာ ပြီးခဲ့တဲ့အင်္ဂါနေ့က ဝက်စ်ဟမ်းအသင်းရဲ့ လေ့ကျင့်ရေးကွင်းကို ရောက်လာခဲ့ပြီး အသင်းနဲ့ ကာလတိုစာချုပ် ချုပ်ဖို့ နီးစပ်နေပါတယ်။ ပြင်သစ်နောက်ခံလူ အီဗရာဟာ မန်ချက်စတာယူနိုက်တက်အသင်းမှာ ပွဲပေါင်းသုံးရာကျော် ကစားခဲ့ပြီး ဂျူဗင်တပ်အသင်းမှာ ကစားပြီးနောက် မာဆေးအသင်းဆီ ပြောင်းရွှေ့ခဲ့တာ ဖြစ်ပါတယ်။
3 years Ago
Up