မာလီ

December 6, 2021

မာလီတွင် ခရီးသည်တင် ဘတ်စ်ကားပစ်ခတ်ခံရပြီး ၃၁ ဦး ထက်မနည်းသေဆုံး

မာလီနိုင်ငံအလယ်ပိုင်းမှာ စစ်သွေးကြွတွေက စျေးသွားတဲ့ လူတွေကို တင်လာတဲ့ ဘတ်စ်ကားတစီးကို ဒီဇင်ဘာ ၃ ရက်က ပစ်ခတ်ခဲ့လို့ လူ ၃၁ယောက်ထက် မနည်း သေဆုံးတယ်လို့ ဒေသန္တရ အာဏာပိုင်တွေကို ကိုးကားပြီး ရိုက်တာသတင်းဌာနက ဒီဇင်ဘာ ၅ ရက်မှာ ဖော်ပြပါတယ်။

ကားထဲမှာ မီးလောင်ထားတဲ့ အလောင်း ၂၅ လောင်းကို တွေ့ရတယ်လို့ အမည်မဖော်တဲ့ လုံခြုံရေး အတွင်းသတင်း ရင်းမြစ်တယောက်ကို ကိုးကားပြီး ရိုက်တာသတင်းဌာနက ဖော်ပြပါတယ်။  ဒါဟာ အကြမ်းဖက် သူပုန်တွေ လွှမ်းမိုးနေတဲ့ ဒေသအတွင်း နောက်ဆုံး တိုက်ခိုက်မှုပါ။

ဆောင်ဟိုရွာကနေ ၆ မိုင်ဝေးတဲ့ ဘန်ဒီယာဂါရာ မြို့က စျေးဆီ တပတ် နှစ်ခါသွားတဲ့ ဘတ်စ်ကားကို ဘယ်သူဘယ်ဝါ မသိရတဲ့ သေနတ်သမားတွေက တိုက်ခိုက်ခဲ့တာလို့ အနားက ဘန်းကက်စ်မြို့ က မြို့တော်ဝန်က ပြောပါတယ်။ 

တိုက်ခိုက်ခံရတဲ့ နေရာကို ဘန်ဒီယာဂါရာ ဒေသန္တရအုပ်ချုပ်ရေးမှူးနဲ့ တခြား အရာရှိတွေ လာရောက်စစ်ဆေးခဲ့ပါတယ်။

အစိုးရက သူတို့ကို မေးထားမှာ မဟုတ်ဘဲ ဒီဖြစ်ရပ်ကို ကန့်သတ်ဖို့ အစိုးရက ဆောင်ရွက်ချက် အားလုံးကို လုပ်ဆောင်နေတယ်လို့ အုပ်ချုပ်ရေးမှူးက ဒေသခံ တွေကို ပြောပါတယ်။

ဘာသာ​ရေး စစ်ဝါဒီတွေရဲ့ တိုက်ခိုက်မှုတွေဟာ အာဖရိကရဲ့ ဆာဟယ်ဒေတလွှား ပိုတိုးလာနေလို့ မာလီ၊ ဘာကီနာဖှာဆိုနဲ့ နိုက်ဂျာ နိုင်ငံတွေတလွှားမှာ ထောင်ချီတဲ့ လူတွေ အသတ်ခံရပြီး သန်းချီတဲ့ လူတွေ အိုးပစ် အိမ်ပစ် ထွက်ပြေးနေရပါတယ်။

အယ်လ်ကေဒါတွေနဲ့ အစ္စလာမစ်နိုင်ငံ အမည်ခံ အိုင်အဲ့စ် စစ်သွေးကြွတွေနဲ့ ချိတ်ဆက်ထားတဲ့ သူပုန်တွေကြောင့် မာလီနိုင်ငံအတွင်း အကြမ်းဖက်မှုတွေရဲ့ ဗဟိုချက်ဖြစ်ရာ မော့တီဒေသ အလယ်မှာ တိုက်ခိုက်ခံ ရွာက တည်ရှိပါတယ်။  

13 hours Ago

November 27, 2021

ရုရှား ရဟတ်ယာဉ် ၄ စီးကို မာလီနိုင်ငံက ဝယ်ယူ

မာလီနိုင်ငံရဲ့အသွင်ကူးပြောင်းရေးသမ္မတ အက်စ်ဆီမီဂိုတာဟာ နိုင်ငံပိုင်ဘဏ္ဍာငွေနဲ့ဝယ်ယူခဲ့တဲ့ အမေရိကန်ဒေါ်လာ ၆၂ ဒသမ ၄ သန်းတန် ရုရှားရဟတ်ယာဉ်လေးစင်းကို နိုဝင်ဘာ ၂၆ ရက်က တရားဝင်လက်ခံရယူခဲ့ပါတယ်။ 

ရုရှားနိုင်ငံဟာ မာလီနိုင်ငံကို ရဟတ်ယာဉ်လေးစင်းအပြင် လက်နက်ခဲယမ်းမီးကျောက်တွေ ကိုလည်း စက်တင်ဘာ ၃၀ ရက်နှောင်းပိုင်းက ပို့ဆောင်ခဲ့ပါသေးတယ်။ 

ပြင်သစ်အစိုးရက ဒေသတွင်း အကြမ်းဖက်မှုတန်ပြန်ရေးစစ်ဆင်မှုကို အင်အား ၅၀၀၀ နဲ့ ပြန်လည်စတင်ဖို့ ပြင်ဆင်နေချိန်မှာ မာလီအစိုးရက ရုရှားကြေးစားစစ်သားတွေကို စုဆောင်းနေတယ်ဆိုတဲ့ သတင်းကြောင့်  မာလီနဲ့ သူ့ရဲ့အဓိက စစ်ရေးမိတ်ဖက် ပြင်သစ်တို့ကြား ဆက်ဆံရေးတင်းမာနေချိန်မှာ  ခုလို ရုရှားက စစ်လက်နက်တွေ ပေးပို့လာတာပါ။ 

မာလီရဲ့တစ်နှစ်သက်တမ်းရှိ စစ်အာဏာရှင်တွေဟာ ရုရှားကာကွယ်ရေးဝန်ကြီးဌာနရဲ့ ကြားခံ အင်အားဖြစ်တဲ့ Wagner အုပ်စုကို စုဆောင်းဖို့ နီးစပ်နေပြီလို့ သံတမန်ရေးရာနဲ့လုံခြုံရေးသတင်းရင်းမြစ်တွေက ရိုက်တာသတင်းဌာနကို ပြောပါတယ်။

ပြင်သစ်ကလည်း ဒါကိုဟန့်တားဖို့ သံတမန်ရေးအရ တွန်းအားပေးဖို့ စတင်လုပ်ဆောင်နေတာ ကြောင့် ပြင်သစ် ဆက်လက်တည်ရှိနေမှုဟာ ဒီအစီအစဉ်နဲ့ သဟဇာတ ဖြစ်မှာမဟုတ်ဘူးလို့လည်း ပြောဆိုကြပါတယ်။  

1 week Ago
More News
Up