မာရာဒိုနာ၏အလောင်

November 27, 2020

မာရာဒိုနာ၏အလောင်းကို သီးသန့်အခမ်းအနားဖြင့် မြေမြှုပ်သင်္ဂြိုဟ်

ဂန္တဝင်ဘောလုံးသမားကြီး ဒီယေဂို-မာရာဒိုနာရဲ့ ရုပ်အလောင်းကို နိုဝင်ဘာ ၂၇ ရက သီးသန့်အခမ်းအနားနဲ့ မြေမြှုပ်သင်္ဂြိုဟ်ခဲ့ပါတယ်။  နိုဝင်ဘာ ၂၆ ရက်ကပြုလုပ်တဲ့  မာရာဒိုနာရဲ့ နောက်ဆုံးဈာပနအခမ်းအနားကို မိသားစု၊ ဆွေးမျိုး မိသင်္ဂဟ နှစ်ဒါဇင်လောက်သာ တက်ရောက်ခဲ့ပါတယ်။  ဒါပေမဲ့ အစောပိုင်းမှာတော့ ဧရာမလူအုပ်ကြီးက တန်းစီပြီး မာရာဒိုနာရဲ့ ခေါင်းတလားကို နောက်ဆုံးအကြိမ် ဂါရ၀ပြုခဲ့ကြပါတယ်။  အာဂျင်တီးနား ဘောလုံးလက်ရွေးစင်ဟောင်း မာရာဒိုနာဟာ နိုဝင်ဘာ ၂၅ ရက်က အသက် ၆၀ အရွယ်မှာ နှလုံးရောဂါနဲ့ ကွယ်လွန်ခဲ့ပါတယ်။  မာရာဒိုနာသေဆုံးမှုကြောင့် ကမ္ဘာနဲ့အဝှမ်း ဝမ်းနည်းပူဆွေးခဲ့ကြပေမဲ့ သူ့ကို အမျိုးသား သူရဲကောင်းအဖြစ် ရှုမြင်တဲ့ မိခင်နိုင်ငံမှာတော့ ကြေကွဲဝမ်းနည်းမှု အမြင့်ဆုံးဖြစ်ခဲ့ပါတယ်။   ဘောလုံးသူရဲကောင်း မာရာဒိုနာကို လာရောက်ဂါရဝပြုတဲ့ လူတန်းကြီးဟာ မွန်းလွဲပိုင်းမှာ တော့ တစ်ကီလိုမီတာကျော်အထိ ရှည်ခဲ့ပါတယ်။   နောက်ပြီး သတ်မှတ်ချိန်ထက်စောပြီး မြေမြှုပ်ဖို့  ပရိသတ်ဂါရဝပြုချိန်ကို လျှော့ချခဲ့တာကို အကြောင်းပြုလို့ ပရိသတ်တွေနဲ့ ရဲတပ်ဖွဲ့အကြား  ပဋိပက္ခပေါ်ပေါက်ခဲ့ပါတယ်။  ဒီပဋိပက္ခမှာ မျက်ရည်ယိုဓာတ်ငွေ့နဲ့ ရာဘာကျည် အသုံးပြုခဲ့တာကိုလည်း မြင်တွေ့ခဲ့ရ ပါတယ်။ 
5 months Ago
Up