မာနေး

November 21, 2022

ကမ္ဘာ့ဖလားပြိုင်ပွဲ လွဲချော်ခဲ့သည့် မာနေးအတွက် ဝမ်းနည်းမိကြောင်း ဗန်ဒိုက်ဖွင့်ဟ

ကမ္ဘာ့ဖလားပြိုင်ပွဲနဲ့ လွဲချော်ခဲ့တဲ့ အသင်းဖော်ဟောင်း မာနေးအတွက် ဝမ်းနည်းမိကြောင်း ဟော်လန် နောက်ခံလူ ဗန်ဒိုက်က ပြောပါတယ်။

ဟော်လန်အသင်းဟာ ကမ္ဘာ့ဖလားအုပ်စုအဖွင့်ပွဲစဉ်အဖြစ် ဒီကနေ့ည ၁၀ နာရီခွဲမှာ ဆီနီဂေါအသင်းနဲ့ ယှဉ်ပြိုင်ကစားသွားရမှာပါ။

အဲဒီပွဲစဉ်မှာဆီနီဂေါတိုက်စစ်မှူး ဆာဒီယိုမာနေးက ဒဏ်ရာကြောင့် ပါဝင်ကစားနိုင်မှာမဟုတ်ဘဲ ပြိုင်ပွဲတစ်ခုလုံးနဲ့လည်း လွဲချော် တော့မှာပါ။

ဗန်ဒိုက်ကတော့ မာနေးရဲ့အလုပ်ကြိုးစားမှုနဲ့ မိခင်နိုင်ငံအတွက် ပေးဆပ်ကစားချင်တဲ့စိတ်ကို သိရှိသလို ဆီနီဂေါ အသင်းအတွက်လည်း မာနေးက အရေးပါတဲ့ကစားသမားဖြစ်တယ်လို့ ပြောပါတယ်။

ဒီအခြေအနေဟာ မာနေးအတွက် အလွန်ခက်ခဲမှာဖြစ်ပြီး သူ့အတွက် ဝမ်းနည်မိကြောင်း ဗန်ဒိုက်ကပြောပါတယ်။

ဆက်လက်ပြီးမာနေး မပါဝင်နိုင်တဲ့အတွက် ဟော်လန်အသင်း အတွက်လည်း အနည်းငယ် အကျိုးကျေးဇူးရှိနိုင်ကြောင်းလည်း ဗန်ဒိုက်က ဝန်ခံစကားဆိုခဲ့ပါတယ်။

ဗန်ဒိုက်နဲ့အတူ သတင်းစာရှင်းလင်းပွဲကို အတူတက်ခဲ့တဲ့ ဟော်လန်နည်းပြ ဗန်ဟားလ်ကတော့ သူ မန်ယူအသင်းမှာရှိစဉ်က မာနေးကို ခေါ်ယူဖို့ ကြိုးပမ်းခဲ့ဖူးကြောင်း ပြောသွားပါတယ်။

1 week Ago

November 13, 2022

ဆီနီဂေါအသင်း၏ကစားသမားစာရင်းတွင် ဒဏ်ရာရ မာနေးပါဝင်လာ

ဆီနီဂေါအသင်းက ထုတ်ပြန်လိုက်တဲ့ ကစားသမားစာရင်းမှာ ဒဏ်ရာရတဲ့ ဘိုင်ယန်မြူးနစ် တိုက်စစ်မှူး မာနေး ပါဝင်လာပါတယ်။ 

အသက် ၃၀ အရွယ် တိုက်စစ်မှူး မာနေးဟာ ဆီနီဂါအသင်းအတွက် အားထားရတဲ့ ကစားသမား ဖြစ်တာကြောင့် ဒဏ်ရာရှိပေမဲ့ ကမ္ဘာ့ဖလားပွဲကို ခေါ်ဆောင်သွားတာ ဖြစ်ပါတယ်။ 

ဘိုင်ယန်မြူးနစ် တိုက်စစ်မှူး မာနေးဟာ ဝါဒါဘရီမင်ကို ၆ ဂိုး ၁ ဂိုးနဲ့ အနိုင်ရတဲ့ပွဲမှာ ညာဘက်ခြေသလုံး အရိုးမှာ ဒဏ်ရာရခဲ့ပြီး သီတင်းပတ် အတော်ကြာ အနားယူရလိမ့်မယ်လို့ ခန့်မှန်းထားပါတယ်။ 

ကစားသမားရဲ့ဒဏ်ရာက ခွဲစိတ်ကုသစရာ မလိုတဲ့အတွက် သတင်းကောင်း ဖြစ်တယ်လို့ ဆီနီဂေါ ဘောလုံးအဖွဲ့ချုပ်ရဲ့ ဆရာဝန်က ပြောပါတယ်။ 

ဒါကြောင့် သူ့ဒဏ်ရာကို တိုးတက်ဖြစ်ထွန်းမှုတွေကို အနီးကပ် စောင့်ကြည်နေတယ်လို့ ဆီနီဂေါ အသင်းနည်းပြက ပြောပါတယ်။ 

ဆီနီဂေါအသင်းဟာ နိုဝင်ဘာ ၂၂ ရက်မှာ နယ်သာလန်အသင်းနဲ့ အုပ်စုပွဲစဉ်အဖြစ် စတင် ယှဉ်ပြိုင်မှာ ဖြစ်ပါတယ်။ 

3 weeks Ago
More News
Up