မာတီနက်ဇ်

June 11, 2019

ဟာဇက် ရီးရဲလ်တွင် အောင်မြင်နိုင်ဟု ဘယ်လ်ဂျီယံနည်းပြ ပြော

ရီးရဲလ်အသင်းမှာ ဟာဇက် အောင်မြင်မှုရနိုင်တယ်လို့ ဘယ်လ်ဂျီယံအသင်း နည်းပြ မာတီနက်ဇ်က သုံးသပ် ပြောကြားလိုက်ပါတယ်။ နည်းပြ မာတီနက်ဇ်အနေနဲ့ ဟာဇက်ရဲ့ အပြောင်းအရွှေ့နဲ့ ပတ်သက်ပြီး သုံးသပ်ခဲ့တာဖြစ်ပြီး ဟာဇက်အနေနဲ့ ရီးရဲလ်အသင်းနဲ့ အံဝင်နိုင်မယ့် ကစားသမား ဖြစ်တယ်လို့ ဆိုပါတယ်။ ဟာဇက်ဟာ အခုနှစ် နွေရာသီရဲ့ အထူးခြားဆုံး ခေါ်ယူမှုတခုဖြစ်ပြီး ရီးရဲလ်မက်ဒရစ်ကို သွားဖို့က ထူးခြားတဲ့ ကစားသမားတွေပဲ လုပ်ဆောင်နိုင်ကြောင်းနဲ့ ရီးရဲလ်ကို ပြောင်းလိုက်တာဟာ ပြီးပြည့်စုံတဲ့ အတွဲအဖက်ဖြစ်တယ်လို့ ဘယ်လ်ဂျီယံနည်းပြ မာတီနက်ဇ်က ပြောကြားလိုက်တာပါ။ ဟာဇက်ဟာ ပရော်ဖက်ရှင်နယ် ကစားသမားဘဝကို ပြင်သစ်ကလပ် လိုင်လီအသင်းနဲ့အတူ စတင်ခဲ့ပြီး ၂၀၁၃ ခုနှစ်မှာ ချဲလ်ဆီးအသင်းကို ပြောင်းရွှေ့ခဲ့ပါတယ်။ ချဲလ်ဆီးအသင်းမှာ ၇ နှစ်ကြာ ဖြတ်သန်းခဲ့ပြီးနောက် ပရီးမီးယားလိဂ်ဆုဖလား ၂ လုံး ရယူနိုင်ခဲ့ပြီး ယူရိုပါလိဂ်ဖလား ၂ လုံး၊ လိဂ်ဖလား ၁ လုံးနဲ့ အက်ဖ်အေဖလား ၁ လုံး ရယူနိုင်ခဲ့ပါတယ်။
3 years Ago

October 30, 2018

နည်းပြ လိုပက်တီဂူကို ရီးရဲလ် ထုတ်ပယ်၊ ကွန်တီနှင့် မာတီနက်ဇ်တို့ကို ချိတ်ဆက်နေ

ရီးရဲလ်မက်ဒရစ်အသင်းဟာ နည်းပြ လိုပက်တီဂူကို ထုတ်ပြီးနောက် ကွန်တီနဲ့ မာတီနက်ဇ်တို့ကို ခေါ်ယူဖို့ ချိတ်ဆက်နေပါတယ်။ ရီးရဲလ်အသင်းဟာ ဘာစီလိုနာနဲ့ အယ်ကလက်စီကို ဒါဘီပွဲစဉ်မှာ ၅ ဂိုး ၁ ဂိုးနဲ့ အရှက်တကွဲ ရှုံးနိမ့်ခဲ့တာကြောင့် နည်းပြ လိုပက်တီဂူကို ထုတ်ပယ်လိုက်တာပါ။ သူ့နေရာမှာ ရီးရဲလ်အရန်အသင်းနည်းပြ ဆိုလာရီက ယာယီနည်းပြအဖြစ် တာဝန်ယူမှာ ဖြစ်ပါတယ်။ ရီးရဲလ်အသင်းအနေနဲ့ လာမယ့် နိုင်ငံတကာရက်သတ္တပတ် ကစားတဲ့အချိန်အထိ ယာယီနည်းပြကိုပဲ တာဝန်ပေးထားတယ်လို့ သိရပါတယ်။ အမြဲတမ်းနည်းပြနေရာအတွက် ချဲလ်ဆီးနည်းပြဟောင်း ကွန်တီနဲ့ ကမ္ဘာ့ဖလားမှာ ဘယ်လ်ဂျီယံအသင်းကို တာဝန်ယူခဲ့တဲ့ မာတီနက်ဇ်ကိုလည်း ချိတ်ဆက်နေပါတယ်။ မာတီနက်ဇ်ဟာ အဲဗာတန်နဲ့ ဝီဂန်အသင်းတွေကို တာဝန်ယူခဲ့ဖူးပြီး စပိန်နည်းပြတဦးလည်း ဖြစ်တာကြောင့် ရီးရဲလ်အသင်းက ပိုပြီး ကြိုးပမ်းဖွယ် ရှိနေပါတယ်။
3 years Ago
More News
Up