မာစီဒီးကား

September 21, 2021

မာစီဒီးကားဖြင့် တရားမဝင်မြန်မာလုပ်သားများကို ဘန်ကောက်ပို့သည့် ထိုင်းဇနီးမောင်နှံ ဖမ်းဆီးခံရ

မာစီဒီးကားထဲမှာ ဌာနဆိုင်ရာအင်္ကျီအမျိုးစုံချိတ်ဆွဲပြီး  မြန်မာ-ထိုင်းနယ်စပ်မှတဆင့်  ဘန်ကောက်မြို့ကို  မြန်မာရွှေ့ပြောင်း အလုပ်သမားတွေ တရားမဝင်ပို့ဆောင်တဲ့ ထိုင်းဇနီးမောင်နှံ မဲဆောက်မြို့အရှေ့ပိုင်း အဖွဲ့စုံဂိတ်မှာ စက်တင်ဘာ  ၂၁ ရက်က ဖမ်းဆီးခံခဲ့ရတယ်လို့ ထိုင်းအာဏာပိုင်တွေထံက သိရပါတယ်။ 

မဲဆောက်မြို့မှတစ်ဆင့် ဘန်ကောက်မြို့ကို ဦးတည် မောင်းနှင်လာတဲ့ မာစီဒီးကားအမည်းရောက်တစ်စီးကို မဲဆောက်အဖွဲ့စုံဂိတ်မှာ ဌာနဆိုင်ရာ၊ ထိုင်းစစ်တပ်၊ ထိုင်းရဲတပ်ဖွဲ့တို့ ပူးပေါင်း စစ်ဆေးရာ ယာဉ်မောင်းသူ နိုင်းဖုန်းစပ်နဲ့ ဇနီးဖြစ်သူတို့မှာ အရှေ့ခန်းထိုင်ပြီး ရခိုင်ပြည်နယ်မှ လာသူ မြန်မာနိုင်ငံသား ၃ ဦးကိုတော့ ယာဉ်အနောက်ခန်းမှာ ထိုင်ခိုင်းထားတယ်လို့ ဆိုပါတယ်။

တာဝန်ရှိသူတွေ စစ်ဆေးမေးမြန်းရာမှာ ထိုင်းနိုင်ငံပြည်ဝင်ခွင့်စာရွက်စာတမ်းမရှိသလို ထိုင်းနိုင်ငံ ဌာန ဆိုင်ရာတချို့လက်မှတ်နဲ့ ဆင်တူအင်္ကျီတွေ တွေ့ရှိခဲ့တယ်လို့ သိရပါတယ်။

သူတို့ကို တရားမဝင်လူ မှောင်ခိုသယ်ဆောင်မှုနဲ့ တရားဥပဒေ အတိုင်းအရေးယူနိုင်ဖို့ မဲဆောက် မြို့မရဲစခန်းကို အပ်နှံသွားမယ်လို့ ထိုင်းအာဏာပိုင်တွေက ပြောပါတယ်။

မြန်မာ-ထိုင်းနယ်စပ်မှာ ကိုဗစ်ကူးစက်မှုနောက်ပိုင်း နယ်စပ်ဖြတ်ကျော်မှုတွေကို နှစ်နိုင်ငံစလုံး တင်းကျပ်ထားပြီး ထိုင်းရောက်ရွှေ့ပြောင်းလုပ်သားတွေဟာ မြန်မာနိုင်ငံဘက်ကို တစ်ရက်ကို အယောက် ၂၀၀ အထက် တစ်ရက်ခြား နေရပ်ပြန်နေကြပါတယ်။

မြန်မာနိုင်ငံမှာ စစ်အာဏာသိမ်းပြီးနောက်ပိုင်း အလုပ်လက်မဲ့ဖြစ်သူတွေများနေပြီး  မိသားစု  စားဝတ်နေရေးအတွက် နယ်စပ်ဖြတ်ကျော်ကာ ထိုင်းနိုင်ငံကို တစ်ရက် အယောက် ၅၀ လောက် တရားမဝင် သွားရောက်နေကြပြီး   အဖမ်းခံရသူရှိနေသလို  လွတ်မြောက်ပြီး ထိုင်းနိုင်ငံအတွင်း အလုပ် လုပ်ရသူတွေလည်း ရှိပါတယ်။

2 months Ago

May 4, 2020

အမေများနေ့တွင် မိခင်အတွက် ရော်နယ်ဒို မာစီဒီးကား လက်ဆောင်ပေး 

ဂျူဗင်တပ်စ် တိုက်စစ်မှူးစီရော်နယ်ဒိုဟာ  အမေများနေ့အထိမ်းအမှတ်အဖြစ် မိခင်ဖြစ်သူကို မာစီဒီး ကားသစ်တစ်စီး လက်ဆောင်ပေးခဲ့ပါတယ်။  နိုင်ငံအများစုမှာတော့ အမေများနေ့ကို မေ ၁၀ ရက်နေ့အဖြစ် သတ်မှတ်ထားပေမယ့် ပေါ်တူဂီနိုင်ငံမှာတော့ မေလပထမပတ်ရဲ့ တနင်္ဂနွေနေ့ဖြစ်တဲ့ မေ ၃ ရက်နေ့ကို အမေများနေ့အဖြစ် သတ်မှတ်ခဲ့တာပါ။  ရော်နယ်ဒိုဟာ ပေါ်တူဂီနိုင်ငံရဲ့ အမေများနေ့မှာ အသက် ၆၅ နှစ်အရွယ်မိခင်ဖြစ်သူ မာရီယာဒိုလော်ရက်စ်ကို ကားသစ်တစ်စီးနဲ့ ပန်းစည်း လက်ဆောင်ပေးခဲ့ပါတယ်။  ရော်နယ်ဒိုရဲ့မိခင် မာရီယာဟာ ပြီးခဲ့တဲ့မတ်လတုန်းက လေဖြတ်ဝေဒနာ ခံစားခဲ့ရတာကြောင့် ဆေးရုံတက်ပြီး ကုသခဲ့ရဖူးပါတယ်။  မာရီယာကတော့ သားဖြစ်သူ ရော်နယ်ဒိုက မားစီးဒီးကားသစ်တစ်စီး လက်ဆောင်ပေးခဲ့ပုံကို သူ့ရဲ့အင်စတာဂရမ်အကောင့်မှာလည်း တင်ခဲ့ပြီး ကျေးဇူးတင်ကြောင်းလည်း ရေးခဲ့ပါတယ်။ ရော်နယ်ဒိုကတော့ သူ့ရဲ့ချစ်သူ ဂျော့ဂျီနာရိုဒရီဂွက်ဇ်နဲ့ မိခင်ဖြစ်သူမာရီယာတို့ဟာ ထူးခြားတဲ့ မိခင် ၂ ဦး ဖြစ်ပြီး ပျော်ရွှင်စရာကောင်းတဲ့ အမေများနေ့ဖြစ်ပါစေလို့ သူ့ရဲ့ ဆိုရှယ်မီဒီယာကနေ ဆုတောင်းပေးခဲ့ပါတယ်။  စီရော်နယ်ဒိုဟာ ဂျူဗင်တပ်စ်အသင်း ဆုဖလားရယူစဉ်ကလည်း သူ့ရဲ့ မိခင်ဖြစ်သူ မာရီယာကို ကွင်းထဲအထိခေါ်ပြီး အတူအောင်ပွဲခံခဲ့ပါတယ်။ 
2 years Ago
Up