မသန်းစွမ်းနှင့်သက်ကြီးရွယ်အိုစောင့်ရှောက်ရေး တာဟန်းစင်တာ နေရာအခက်ကြုံ

July 8, 2018

မသန်စွမ်းနှင့်သက်ကြီးရွယ်အိုစောင့်ရှောက်ရေး တာဟန်းစင်တာ နေရာအခက်ကြုံ

မသန်စွမ်းတွေ၊ မိဘမဲ့ကလေးတွေ၊ သက်ကြီးရွယ်အိုတွေနဲ့ မူးယစ်ဆေးဖြတ်သူတွေကို ကူညီစောင့်ရှောက်ပေးနေတဲ့ ကလေးမြို့နယ်က တာဟန်းစင်တာမှာ နေစရာ အခက်အခဲတွေ ရှိနေပါတယ်။ သတ်မှတ်လူဦးရေထက် ပိုမိုများလာတာကြောင့် နေထိုင်စရာ အခက်အခဲနဲ့ ကြုံတွေ့နေရတာပါ။ တာဟန်းစင်တာမှာ လူမျိုးဘာသာ မခွဲခြားဘဲ တိုင်းရင်းသားပေါင်းစုံကို လက်သင့်ခံ စောင့်ရှောက်ပေးနေတယ်လို့ သိရပါတယ်။ ကလေးမြို့နယ် ဒိုးဝိုင်းချောင်းကျေးရွာမှာ ၂ဝ၁၈ ခုနှစ် မတ်လ ၃ ရက်နေ့က ဖွင့်လှစ်ခဲ့တာ ဖြစ်ပြီး လူ ၁၅ဝ လောက်သာ လက်သင့်ခံနိုင်တာ ဖြစ်ပေမယ့် လက်ရှိအချိန်မှာ လူ ၂၄ဝ လောက်အထိ စောင့်ရှောက်ပေးနေရပါတယ်။ အထူးသဖြင့် မူးယစ်ဆေးဝါးဖြတ်တဲ့သူတွေ ပြန်လည်ကျန်းမာရေးအတွက် ကူညီစောင့်ရှောက်ပေးရတာ ပိုများလာတယ်လို့ အသင်းက ပြောပါတယ်။ မူးယစ်ဆေးဖြတ်ချင်သူတွေကို နီးစပ်ရာဆေးရုံတွေကို ပို့ဆောင်ပေးနေသလို ကျွေးမွေးပြုစု စောင့်ရှောက်ပေးတယ်လို့ သိရပါတယ်။ စေတနာ့ဝန်ထမ်းတွေအပြင် လူနာဟောင်းတွေကလည်း ပူးပေါင်း စောင့်ရှောက်ပေးနေသလို စေတနာရှင်ပြည်သူတွေက စုပေါင်းလှူဒါန်းမှုတွေနဲ့ ရပ်တည်နေတယ်လို့ ဆိုပါတယ်။ လယ်ယာတွေငှားရမ်းပြီး ၁ ဧကသတ်မှတ်သွင်းနှုန်းကို ပုံမှန်သွင်းနေကာ ပိုလျှံတဲ့ စိုက်ပျိုးသီးနှံတွေနဲ့ စုပေါင်းချက်ပြုတ် စားသောက်ကြတယ်လို့ သိရပါတယ်။
3 years Ago
Up