မလေးရှာ

A d v e r t i s e m e n t With Us

November 9, 2020

မလေးရှားတွင် အခက်အခဲဖြစ်နေသည့် မြန်မာ ၁၇၆ ဦး ပြန်ရောက်၊ ပြစ်ဒဏ်ကျခံပြီး ၄၅ ဦးပါဝင်

မလေးရှားနိုင်ငံမှာ ပြစ်ဒဏ်ကျခံပြီးတဲ့ ၄၅ ဦးအပါအဝင် အခက်အခဲ ကြုံနေတဲ့ မြန်မာနိုင်ငံသား ၁၇၆ ယောက်ကို ဒီနေ့ညနေ ကယ်ဆယ်ရေးလေယာဉ်နဲ့ ပြန်လည်ခေါ်ဆောင်ခဲ့ တယ်လို့ နိုင်ငံခြားရေးဝန်ကြီးဌာနက ထုတ်ပြန်ပါတယ်။

နိုင်ငံတကာခရီးသည်တင် လေယာဉ်များပျံသန်းမှု ယာယီရပ်ဆိုင်းထားခြင်းကြောင့် မလေးရှားနိုင်ငံ၊ထိန်းသိမ်းရေးစခန်းတွေမှာ ပြစ်ဒဏ်ကျခံပြီးတဲ့ ၄၅ ဦးအပါအဝင် အခက်အခဲ ကြုံတွေ့နေတဲ့ မြန်မာနိုင်ငံသားစုစုပေါင်း ၁၇၆ ဦးကို MAI ကယ်ဆယ်ရေးလေယာဉ်နဲ့ ပြန်လည်ခေါ်ဆောင်ခဲ့ပြီး ဒီနေ့ညနေ ၅ နာရီတွင် ရန်ကုန်လေဆိပ်ကို ပြန်ရောက်ခဲ့ကြပါတယ်။

ပြန်ရောက်လာသူတွေကို ကျန်းမာရေး စိစစ်ပြီး သီးသန့်စီစဉ်ပေးတဲ့နေရာတွေမှာ  ၇ ရက်နဲ့ နေအိမ်တွေမှာ ၇ ရက် အသွားအလာ ကန့်သတ်သွားမယ်လို့ ဆိုပါတယ်။

မလေးရှားနိုင်ငံရောက် အထောက်ထားမဲ့နေထိုင်သူတွေနဲ့ အကြောင်းအမျိုးမျိုးကြောင့် ထိန်းသိမ်းရေးစခန်းတွေမှာ ဖမ်းဆီးထိန်းသိမ်းခံခဲ့ရထားရတဲ့  မြန်မာနိုင်ငံသားတွေကို ပြန်လည်ခေါ်ဆောင်နိုင်ရွက်ရေး မလေးရှားတာဝန်ရှိသူတွေနဲ့ ညှိနှိုင်းဆောင်ရွက်နေတယ်လို့ ထုတ်ပြန်ထားပါတယ်။ 

မလေးရှားနိုင်ငံကနေ မြန်မာနိုင်ငံသားတွေကို ကယ်ဆယ်ရေးလေယာဉ်နဲ့ ပြန်ခေါ်ခဲ့တာ အကြိမ် ၃၀ ရှိပြီလို့ ဆိုပါတယ်။

4 months Ago

May 1, 2020

မလေးရှားစီးပွားရေးလုပ်ငန်းအများစု မေ ၄ ရက် ပြန်လည်စတင် လည်ပတ်မည်

        မလေးရှားနိုင်ငံရဲ့ စီးပွားရေးလုပ်ငန်းတွေ အများစုကို လာမယ့် မေလ ၄ ရက်နေ့မှာ ပြန်လည်စတင်လည်ပတ်ခွင့်ပြုမယ်လို့ ဝန်ကြီးချုပ် မူယစ်ဒင်ယာဆင်က ဒီကနေ့ ပြောလိုက်ပါတယ်။ လတ်တလော ကမ္ဘာ့နိုင်ငံတွေအနှံ့ ကပ်ရောဂါအသွင်ဆောင် COVID-19 ဗိုင်းရပ်စ် ကူးစက်ပျံ့နှံ့လာမှုအခြေအနေကြောင့် လုပ်ငန်းတွေအများစုကို ကန့်သတ်ထိန်းချုပ်မှု တွေလုပ်ဆောင်ထားခဲ့ရတာဖြစ်ပြီး ခုလိုပြန်လည်လည်ပတ်ချိန်မှာတော့ လူအစုလိုက်အပြုံလိုက် စုဝေးတာမျိုးတွေကိုတော့ ခွင့်ပြုဦးမှာ မဟုတ်ဘူးလို့ ဆိုပါတယ်။ မလေးရှားနိုင်ငံမှာ COVID-19 ဗိုင်းရပ်စ်ကြောင့် မရှိမဖြစ်အခြေအနေမဟုတ်တဲ့ စီးပွားရေးလုပ်ငန်းတွေ၊ ကျောင်းတွေအပါအဝင် အများပြည်သူနဲ့ဆိုင်တဲ့ နေရာတွေကို ပြီးခဲ့တဲ့ မတ်လ ၁၈ ရက်နေ့ကတည်းက ပိတ်ထားခဲ့ရတာပါ။ လတ်တလောအချိန်ထိ မလေးရှားနိုင်ငံဟာ COVID-19 ဗိုင်းရပ်စ်ကူးစက်ခံရသူ ၆၀၀၂ ယောက်ထိ ရှိခဲ့ပြီး ခုရက်ပိုင်းမှာတော့ ဗိုင်းရပ်စ်ကူးစက်ခံရမှုနှုန်းဟာ နှေးလာနေခဲ့ပြီလို့ သိရပါတယ်။
10 months Ago
Up