စစ်တမ်းကို အသက် ၁၆ နှစ်ပြည့်ပြီးသူ ကျား ၅၁ ရာခိုင်နှုန်းနဲ့ မ ၄၉ ရာခိုင်နှုန်းတို့က ဖြေဆိုခဲ့ကြပြီး လူကြီး လူငယ် ထက်ဝက် အချိုးတူပါဝင်ခဲ့တယ်လို့ ဆိုပါတယ်။
မေးခွန်းပေါင်း ၁၈ ခုပါဝင်ပြီး မှတ်ပုံတင်၊ အိမ်ထောင်စု၊ မွေးစာရင်း စတာတွေကို အခြေခံမေးမြန်းခဲ့တာပါ။ ဒါ့အပြင် အကြံပြုချက်အနေနဲ့ လဝကလုပ်ငန်းစဉ်တွေကို ပြည်သူတွေကျယ်ကျယ်ပြန့်ပြန့်သိရှိဖို့ အသိပညာပေးတာတွေ များများလုပ်ဖို့ လိုအပ်နေသလို လဝက ဝန်ထမ်းအင်အားပိုမိုဖြည့်တင်းပေးဖို့ လိုအပ်နေတဲ့အကြောင်းကိုလည်း အကြံပြုချက်မှာ ဖော်ပြထားပါတယ်။
တိုင်းလူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ ဦးစီးဌာနကရရှိတဲ့ စာရင်းတွေအရ စစ်ကိုင်းတိုင်းမှာ ၂၀၁၉ ခုနှစ် ဇန်နဝါရီလ ၁ ရက်နေ့ကနေ နိုဝင်ဘာလကုန်ထိ နိုင်ငံသားအရည်အချင်းကိုက်ညီတဲ့ အသက် ၁၀ နှစ်ပြည့်ပြီးသူ ၇၃၇၈၃ ဦး၊ အသက် ၁၈ နှစ်ပြည့်ပြီးသူ ၄၉၃၆၇ ဦး၊ အသစ်လဲလှယ် ၄၃၃၁၄ ဦးနဲ့ ပျောက်ဆုံး ပျက်စီးလို့ မိတ္တူလျှောက်သူ ၅၀၇၁၅ ဦး စုစုပေါင်း ၂၁၇၁၇၈ ဦးကို နိုင်ငံသားစိစစ်ရေးကတ်တွေ ထုတ်ပေးထားပြီး ဖြစ်တယ်လို့ သိရပါတယ်။
