မယ်ပြိုင်ပွဲ

July 27, 2015

နိုင်ငံတကာ ကလေးအလှမယ်ပြိုင်ပွဲတွင် မြန်မာဆု ၉ ခု ဆွတ်ခူးရရှိ

စင်ကာပူနိုင်ငံမှာ ကျင်းပပြီးစီးသွားတဲ့ နိုင်ငံတကာ ဆယ်ကျော်သက်နဲ့ ကလေး အလှမောင်မယ်ပြိုင်ပွဲမှာ မြန်မာနိုင်ငံ ကိုယ်စားပြုဝင်ပြိုင်ခဲ့ကြတဲ့ ကလေးငယ်တွေလည်း ဆု ၉ ဆု ဆွတ်ခူးရရှိ သွားပါတယ်။ ဇူလိုင် ၂၅ ရက် စနေနေ့ နောက်ဆုံးနေ့ပြိုင်ပွဲမှာ  အသက် ၁၃ နှစ်ကနေ ၁၉ နှစ်ကြားယှဉ်ပြိုင်တဲ့ ဆယ်ကျော်သက်မယ်ပြိုင်ပွဲမှာ Miss Teen International 2015 ဆုကို ထိုင်းအလှမယ်က ရရှိ သွားပြီး    Mister Teen International 2015  ဆုကိုတော့ အင်ဒိုနီးရှားနိုင်ငံက ရပါတယ်။ အသက် ၈ နှစ်က ၁၂ နှစ်ကြားယှဉ်ပြိုင်တဲ့  Li'l Miss International 2015  ဆုကိုလည်း  ထိုင်းအလှမယ်က ရရှိသွားပြီး  Li'l Mister International 2015  ဆုကိုလည်း အင်ဒိုနီးရှားက ရပါတယ်။ မြန်မာနိုင်ငံက ဇွဲသူရိန်ကတော့ အသက် ၄ နှစ်ကနေ ၇ နှစ်အကြားယှဉ်ြ့ပိုင်တဲ့  Jr. Mister Interantional 2015  ဆုကြီးတဆုရသွားပြီး  ဖိလစ်ပိုင်ကလေး အလှမယ်  အန်နာရို့စ်က Mini Miss Internationa 2015   ဆုရရှိပါတယ်။ အလားတူ Royalty Princess & Prince ပြိုင်ပွဲဆုရရှိသူ ၅ ဦးမှာတော့   မြန်မာက  မေနန္ဒာကျော် က Royality Teen Princess  သရဖူဆု တခုရပြီး  ဟိန်းမင်းသူကလည်း  Royality  Teen Prince ဆု ရရှိသွားပါတယ်။ နိုင်ငံတကာ PRINCE & PRINCESS 2015  ပြိုင်ပွဲကို စင်ကာပူနိုင်ငံ အော့ချတ်ဒ်လမ်းမှာရှိတဲ့ အော့ချတ်ဒ်ကမ်းထရီးကလပ်မှာ ဇူလိုင် ၂၄ ရက်ကနေ ၂၅ အထိကျင်းပရာမှာ အာဆီယံဒေသ တွင်းနိုင်ငံတွေသာမက သြစတေးလျနဲ့ နယူးဇီလန်က ဆယ်ကျော်သက်နဲ့ ကလေး အလှမောင်မယ်တွေ ၀င်ရောက်ယှဉ်ပြိုင်ခဲ့ကြတာပါ။ 11811453_1678702069020360_3246852100648573057_n (1)မြန်မာနိုင်ငံက အသက်အရွယ်မတူတဲ့ ကလေးအလှမယ်နဲ့ မောင် စုစုပေါင်း ခြောက်ဦး ပါဝင်ခဲ့ရာမှာ မစ္စမီနီမြန်မာအလှမယ်ဆုရ ချစ်ချစ်တုံက ပင်လယ်ကမ်းခြေစိတ်ကြိုက် ရေ ကူးဝတ်စုံဆုနဲ့   Best Dance  အကောင်းဆုံးအကကျွမ်းကျင်ဆု ပေါင်း ဆု ၂ ဆု ရရှိပါတယ်။ ဒ့ါပြင် ဒီပြိုင်ပွဲအတွင်း ညနေခင်းဝတ်စုံဆုကို  မေနန္ဒာကျော်၊   ညဝတ်အင်္ကျီပြိုင်ပွဲ ဆုကို လရောင်လင်း၊ Best Portfolio ဆုကို ရှင်းသန့်ဖြူစင်နဲ့   Best Self Introduction အကောင်းဆုံး မိတ်ဆက်ဆုကို   ဟိန်းမင်းသူ တို့က ရယူပေးနိုင်ခဲ့ပါတယ်။
6 years Ago
Up