မန်းရွှေစက်တော်

January 23, 2021

မန်းရွှေစက်တော်ကန်တော်ကြီးကန်ကို တောရိုင်းတိရစ္ဆာန်များ သောက်သုံးနိုင်ရန် ရေဖြည့်ပေးမည်

မန်းရွှေစက်တော် ဘေးမဲ့တောက တောရိုင်းတိရစ္ဆာန်တွေ သောက်သုံးတဲ့ ကန်တော်ကြီးကန်ကို နွေရာသီ ရေရှားပါးမှု မရှိစေဖို့ တိုင်းအစိုးရရဲ့ ခွင့်ပြုရန်ပုံငွေ ၁၅၇ သိန်း အသုံးပြုကာ စက်ရေတွင်းတူးပြီး ဆိုလာစနစ်နဲ့ ရေဖြည့်ပေးမယ်လို့ တိုင်းဒေသကြီး ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန ညွှန်ကြားရေးမှူး ဦးမျိုးအောင်က ပြောပါတယ်။

ရွှေစက်တော်ဘေးမဲ့တောမှာ ရွှေသမင်တွေ ရှိတာကြောင့် အသံမထွက်အောင် အင်ဂျင်အသုံးမပြုဘဲ ဆိုလာစနစ်အသုံးပြုမှာဖြစ်ပြီး အဲဒီဆိုလာရေတင်ပန့်ကို ဆော့ဝဲအသုံးပြုပြီး မကွေးမြို့ကနေ အဖွင့်အပိတ် လုပ်လို့ရတယ်လို့ ဆိုပါတယ်။

ပွင့်ဖြူမြို့နယ် ကပစတပ် အနီးမှာရှိတဲ့ ရွှေသမင်တွေနဲ့ တောရိုင်းတိရစ္ဆာန်တွေ သောက်သုံးတဲ့ ရေကန် ၃ ကန်ကိုလည်း တစ်ပတ်တစ်ခါ သွားရောက်ကြည့်ရှုပြီး ရေဘောက်ဆာ ၄ စီးနဲ့ ရေဖြည့်ပေးဖို့ စီစဥ်ထားတယ်လို့ တိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးဌေးမောင်က ပြောပါတယ်။

အဲဒီကန်တော်ကြီးကန်ဟာ ဆည်မြောင်းဦးစီးဌာနက ပြုလုပ်ပေးထားတဲ့ တမံအသေးစားလေး ဖြစ်ပြီး ကွင်းဆင်းတိုင်းတာချက်တွေအရ အနက်ပေ ၃၀၀ လောက်မှာ မြေအောက်ရေရရှိပြီး တစ်နာရီကို ရေဂါလန် ၁၅၀၀ လောက် ထွက်ရှိမယ်လို့ တိုင်းဒေသကြီး ကျေးလက်ဒေသ ဖွံဖြိုးတိုးတက်ရေး ဦးစီးဌာနကနေ သိရပါတယ်။

မင်းထီး

4 months Ago

January 8, 2021

မန်းရွှေစက်တော်ဘေးမဲ့တောဥယျာဉ်တွင် ရှားပါး ရွှေသမင်အမ ၅ ကောင် ထပ်မံပေါက်ဖွား

မကွေးတိုင်းဒေသကြီး၊ မင်းဘူး စကုမြို့နယ် မန်းရွှေစက်တော်ဘေးမဲ့တောဥယျာဉ်ရှိ  ရွှေသမင်ခြံမှာ ရွှေသမင်အမ ၅ ကောင်ထပ်မံပေါက်ဖွားခဲ့တယ်လို့ တိုင်းဒေသကြီး သစ်တောဦးစီးဌာန ကနေ သိရပါတယ်။ မန်းရွှေစက်တော ဘေးမဲ့တောဥယျာဉ်က  ရွှေသမင်ခြံမှာ အရင်က ရွှေသမင် အထီး ၆ ကောင်နဲ့ အမ ၁၈ ရှိကောင်သာရှိခဲ့ပြီးတော့ ယခုနှစ်မှာ ရွှေသမင် အမ ၅ ကောင် ထပ်မံပေါက်ပွားခဲ့လို့ စုစုပေါင်း ၂၉ ကောင်ရှိပြီလို့ မကွေးတိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးဌေးမောင်က ပြောပါတယ်။ "အရင်က မန်းရွှေစက်တော် ဘေးမဲ့တောမှာ ရွှေသမင်တွေအများအပြားရှိခဲ့ပြီးတော့ မသမာသူတွေ ခိုးယူပစ်ခတ်သတ်ဖြတ်တာတွေကြောင့် ရွှေသမင်မျိုးစိတ်ပျောက်ကွယ်လာ နိုင်တာကြောင့် သစ်တောဥပဒေအရ အရေးယူသွားမှာဖြစ်ပြီး သတိပေးဆိုင်းဘုတ်ပိုစတာတွေလည်း စိုက်ထူထားတယ်” လို့ဦးဌေးမောင်က ပြောပါတယ်။ အဲဒီရွှေသမင်ခြံက ရှာပါးမျိုးစိတ်တစ်ခုဖြစ်တဲ့ ရွှေသမင်တွေကို မန်းရွှေစက်​တော်ဘုရားဖူး လာကြတဲ့ အများပြည်သူ လေ့လာကြည့်ရှုနိုင်အောင် ၂၀၁၀ ခုနှစ်က မန်းရွှေစက်တော်ဘုရား ၃ မိုင်လမ်း လှေတင်တံတားထိပ်မှာ ဆောက်လုပ်ခဲ့တာဖြစ်ပါတယ်။ ကမ္ဘာအနှံအပြားမှာ (Deer) သမင်မျိုးစိတ် ၄၃ မျိုးရှိပြီးတော့ မြန်မာနိုင်ငံမှာ သမင်မျိုးစိတ် ၈ မျိုးရှိတဲ့အနက် မန်းရွှေစက်တောဘေးမဲ့တောဥယျာဉ်မှာတော့ ရှားပါးမျိုးစိတ်တစ်ခုဖြစ်တဲ့ ရွှေသမင်တွေ မွေးမြူထားတာဖြစ်တယ်လို့ တိုင်းဒေသကြီး သစ်တောဦးစီးဌာနကနေ သိရပါတယ်။ သတင်း-မင်းထီး
4 months Ago
More News
Up