မန်ယူနိုက်တက်နည်းပြ

A d v e r t i s e m e n t With Us

January 18, 2020

လီဗာပူးနှင့်ပွဲ လုံခြုံရေးအတွက် မစိုးရိမ်ဟု မန်ယူနိုက်တက်နည်းပြ ပြော

လီဗာပူးအသင်းရဲ့ အန်ဖီးလ်ကွင်းကို ဇန်နဝါရီ ၁၉ ရက်နေ့‌ သွားရောက်ရင်ဆိုင်ရမှာဖြစ်ပေမယ့် လုံခြုံရေးနဲ့ပတ်သက်ပြီး မစိုးရိမ်ဘူးလို့ မန်ချက်စတာယူနိုက်တက် အသင်းနည်းပြ အိုလီဂန်နာ  ဆိုးလ်ရှားက သတင်းစာရှင်းလင်းပွဲမှာ ပြောပါတယ်။  ဒီပွဲကစားဖို့ ယူနိုက်တက်ကစားသမားတွေ အန်ဖီးလ်ကွင်းကို ရောက်ရှိလာချိန်မှာ လီဗာပူးပရိသတ်တွေက အသင်းရဲ့ဘတ်စ်ကားကို ဝိုင်းဝန်းသြဘာပေးကြဖို့ စီစဉ်နေတယ်လို့ သတင်းတွေ ထွက်ပေါ်ခဲ့ပါတယ်။  ဒီလိုအခြေအနေမှာ အသင်းလုံခြုံရေးအတွက် စိုးရိမ်မှုရှိသလားကို သတင်းထောက်တွေက ဆိုးလ်ရှားကို မေးမြန်းရာမှာ “လုံခြုံရေးအတွက်တော့ လုံးဝစိုးရိမ်မှုရှိမနေပါဘူး။ သေချာတာပေါ့ အသင်းနှစ်သင်းရဲ့ပြိုင်ဆိုင်မှုအရ သူတို့ပရိသတ်တွေက ကျနော်တို့အသင်းကို အနှောင့်အယှက်ပေးနိုင်ဖို့ ကြိုးစားကြပါလိမ့်မယ်။ ဒါပေမဲ့ ဒီကိစ္စတွေက စည်းဘောင်အတွင်းမှာပဲဆိုရင် ကျနော်အတွက် ဘာပြသနာမှမရှိပါဘူး” လို့ ပြန်လည်ဖြေကြားခဲ့ပါတယ်။  “ကျနော်နည်းပြအဖြစ်နဲ့ ဥရောပကွင်းတွေထဲ ဒါမှမဟုတ် လီဗာပူးအသင်းရဲ့ကွင်းထဲမှာ ထိုင်ခဲ့ဖူးပါတယ်။ ဒါပေမဲ့ ပြိုင်ဘက်ပရိသတ်တွေက ခင်ဗျားကို ဘာပဲပြောနေနေ၊ အော်နေနေ ခင်ဗျား ဒါကို လုံးဝ သတိပြုမိမှ ာမဟုတ်ပါဘူး။ ဒါဟာ  ပွဲကြီးတွေထဲမှာပဲ တွေ့ရလေ့ရှိတဲ့ အစိတ်အပိုင်းတခုပဲ ဖြစ်ပါတယ်” လို့ သူကဆက်လက်ပြောဆိုခဲ့ပါတယ်။   လီဗာပူးပရိသတ်တွေဟာ အိမ်ရှင်အသင်းကို ကောင်းကောင်းမွန်မွန် ကြိုဆို ဂုဏ်ပြုလေ့ရှိကြပေမယ့် အသင်းတာဝန်ရှိသူတွေနဲ့ မာဆေးဆိုဒ်ရဲတပ်ဖွဲ့ကတော့ ၂၀၁၈ ခုနှစ် မန်စီတီးအသင်းနဲ့ ချန်ပီယံလိဂ်ကွာတား  ဖိုင်နယ်ပွဲမှာ ဖြစ်ပွားခဲ့တဲ့ ပြဿနာမျိုးထပ်ဖြစ်မှာကို ရှောင်ရှားလိုနေကြပါတယ်။  အဲဒီပွဲစဉ်မှာ မန်စီးတီးနည်းပြ ဘတ်စ်ကားပေါ်က ဆင်းလာချိန်မှာ လီဗာပူးပရိသတ်တွေက အရာဝတ္ထုတွေနဲ့ ပစ်ပေါက်တိုက်ခိုက်ခဲတာကြောင့်ပဲ ဖြစ်ပါတယ်။  ဒီလိုစိုးရိမ်မှုတွေ ရှိနေတာကြောင့် မာဆေးဆိုဒ်ရဲတပ်ဖွဲ့က ဇန်နဝါရီ ၁၇ ရက်နေ့က ကြေညာ ချက်တစောင်ထုတ်ပြန်ထားပြီးတော့ “ရဲတပ်ဖွဲ့ဟာ လီဗာပူးအသင်း၊ ယူနိုကတက်အသင်း တာဝန်ရှိ သူတွေနဲ့ အတူပူးပေါင်းပြီးတော့ ဇန်နဝါရီ ၁၉ ရက်နေ့မှာကစားမယ့်ပွဲစဉ်အတွက် နှစ်ဖက်ပရိသတ်တွေ လုံခြုံပြီး ပျော်ရွှင်စရာကောင်းတဲ့ နေ့လည်ခင်းလေးဖြစ်အောင် ဆောင်ရွက်သွားပါ့မယ်” လို့ ရေးသားထားပါတယ်။  အင်္ဂလန် ဒါဘီလို့ တင်စားခေါ်ဝေါ်ခြင်းခံထားရတဲ့ ပရီမီးယားလိဂ်မှာ အအောင်မြင်ဆုံး အသင်း နှစ်ခုရဲ့ ပွဲစဉ်ဟာ ဇန်နဝါရီ ၁၉ ရက်နေ့ မြန်မာစံတော်ချိန် ည ၁၁ နာရီ ယှဉ်ပြိုင်ကစားသွားမှာ ဖြစ်ပါတယ်။
1 year Ago

December 25, 2019

နေရာစုံ ကစားနိုင်သည့် ကစားသမားအဖြစ် ပေါ့ဘာကို မန်ယူနိုက်တက်နည်းပြ ချီးကျူး 

တကွင်းလုံး နေရာစုံ ကစားနိုင်တဲ့ ကမ္ဘာ့အကောင်းဆုံး ကွင်းလယ်ကစားသမားဟာ  ပေါ့ဘာသာ ဖြစ်တယ်လို့ မန်ယူနိုက်တက်နည်းပြ ဆိုးလ်ရှားက ချီးကျူးလိုက်ပါတယ်။  ဒဏ်ရာကြောင့် ကာလရှည်ကြာ အနားယူနေခဲ့ရတဲ့ ပေါ့ဘာဟာ ပြီးခဲ့တဲ့ ဝက်ဖို့ဒ်နဲ့ပွဲမှာ ပြန်လည်ပါဝင်လာပေမယ့် ခြေစွမ်းမပြသနိုင်သေးတာကို တွေ့ရပါတယ်။  ပေါ့ဘာဟာ ၆၄ မိနစ်အရောက်မှာ လူစားဝင်ကစားခဲ့ပေမယ့် သူ့အနေနဲ့တော့ ၂ ဂိုးပြတ် ရှုံးနိမ့်နေတဲ့ရလဒ်ကို ပြောင်းလဲပေးနိုင်ခြင်း မရှိတဲ့အပြင် ပုံမှန်ခြေစွမ်းကို မြင်တွေ့ရခြင်း မရှိလို့ သုံးသပ်သူတချို့က ဝေဖန်ပါတယ်။ ဒါပေမဲ့ နည်းပြ ဆိုးလ်ရှားကတော့ ပေါ့ဘာနဲ့ပတ်သက်လို့ အခုလို ကာကွယ် ပြောဆိုခဲ့တာဖြစ်ပြီး ကွင်းလယ်ပိုင်းမှာကောင်းမွန်စွာ ကစားနိုင်သလို တကွင်းလုံး နေရာစုံ ကစားနိုင်တယ်လို့ ဆိုပါတယ်။‌  ပေါ့ဘာဟာ မကြာခဏဆိုသလို အသင်းကြီးတချို့ရဲ့ စိတ်ဝင်စားမှုခံနေရသူ ဖြစ်ပြီး အိုးထရက်ဖိုဒ့်ကနေ ထွက်ခွာဖို့ စဉ်စားခဲ့ပေမယ့် သူ့ရဲ့အေးဂျင့် ရွိုင်းအိုလာကတော့ ယူနိုက်တက်မှာပဲ ဆက်နေဖို့ရှိတယ်လို့ ဆိုထားပါတယ်။
1 year Ago
Up