မန်ယူနိုက်တက်

November 24, 2021

ဗီလာရီးယဲလ်နှင့်ပွဲ အနိုင်ရလဒ်က ဆိုးလ်ရှားအတွက်လို့ ခံစားရဟု နည်းပြကာရစ်ပြော

ဗီလာရီးယဲလ်အသင်းနဲ့ပွဲမှာ အနိုင်ရခဲ့တဲ့ ရလဒ်က အသင်းနဲ့ လမ်းခွဲသွားတဲ့ နည်းပြဆိုးလ်ရှား အတွက်လို့ ခံစားရကြောင်း နည်းပြ မိုက်ကယ်ကာရစ်ကပြောပါတယ်။

ကာရစ်ဟာ ဆိုးလ်ရှားထွက်ခွာသွားပြီးနောက် ယာယီနည်းပြအနေနဲ့ သူ့ရဲ့ပထမဆုံးပွဲစဉ်မှာ ဗီလာရီးယဲလ်ကို ၂ ဂိုး ဂိုးမရှိနဲ့အနိုင်ရခဲ့ တာပါ။

ဒီရလဒ်ကြောင့် မန်ယူအသင်းက ချန်ပီယံလိဂ်ရှုံးထွက်အဆင့်ကို တက်ရောက်နိုင်ခဲ့ပါတယ်။ ကာရစ် ကတော့ ဆိုးလ်ရှား ထုတ်ပယ်ခံခဲ့ရတဲ့အပေါ် အသင်းကလူတိုင်း ထိခိုက်ခံစားခဲ့ကြရတယ်လို့ ပြော ပါတယ်။

“အနိုင်ရခဲ့လို့ အလွန်ကျေနပ်ပျော်ရွှင်ရပေမဲ့ ပွဲရလဒ်က အိုလီအတွက်လို့ ခံစားရပါတယ်။ အိုလေထွက်ခွာခဲ့ရတဲ့အပေါ် မေ့လို့မရသေးပါဘူး။ ကျနော့်အတွက် သိပ်အရေးကြီးတဲ့ရလဒ်မဟုတ် ပေမဲ့အသင်းနဲ့ ကစားသမားတွေအတွက်တော့ အရေးကြီးပါတယ်” လို့ ပွဲအပြီးမှာ ကာရစ်က ပြော ပါတယ်။

ယူနိုက်တက်အတွက် ဆက်ပြီး လုပ်ဆောင်ပေးစရာတွေရှိပြီး အဲဒီအတွက် ဂုဏ်ယူကျေနပ် မိတယ်လို့ လည်း မိုက်ကယ်ကာရစ်က ပြောပါတယ်။

1 week Ago

September 23, 2021

လိဂ်ဖလားကထွက်ခဲ့ရတာမေ့ပစ်ပြီး လက်ကျန်ပြိုင်ပွဲများကို အာရုံစိုက်ရန် ဆိုးရှားတိုက်တွန်း

ကရာဘောင်လိဂ်ဖလားပြိုင်ပွဲက ထွက်ခဲ့ရတာကိုမေ့ထားပြီး လက်ကျန်ပြိုင်ပွဲတွေအပေါ် အာရုံစိုက်ဖို့လိုတယ်လို့ နည်းပြဆိုးရှားက ကစားသမားတွေကို တိုက်တွန်းလိုက်ပါတယ်။ 

မန်ယူနိုက်တက်အသင်းဟာ ဒီကနေ့ မနက်ပိုင်းက ယှဉ်ပြိုင်သွားတဲ့ ဝက်စ်ဟမ်းနဲ့ ကာရာဘောင်း ဖလားပွဲစဉ်မှာ ၁ ဂိုး ဂိုးမရှိနဲ့ရူံးနိမ့်ပြီး ပြိုင်ပွဲကနေ ထွက်ခွာခဲ့ရတာပါ။ 

တစ်ရာသီကာလကရှည်လျားပြီး ပြိုင်ပွဲတွေကလည်း များတာကြောင့် ကြိုးစားမှုကို ဆက်ထိန်းဖို့လိုကြောင်း၊ ကရောဘောင်းဖလားပြိုင်ပွဲကနေ ထွက်ခဲ့ရတာက စိတ်ပျက်စရာဖြစ်ပေမဲ့ ရှုံးပွဲကိုမေ့ထားပြီး လာမဲ့ပွဲစဉ်တွေအပေါ် အာရုံစိုက်ဖို့လိုကြောင်း နည်းပြဆိုးရှားက ပွဲအပြီးမှာ ပြောခဲ့တာပါ။ 

"ပွဲအစပိုင်းမှာ ကစားပုံနှေးကွေးခဲ့ပြီး ပြင်းပြတဲ့ စိတ်ဓာတ်လည်းမရှိခဲ့ကြပါဘူး။ သူတို့ဂိုးရပြီးနောက်ပိုင်းတော့ ပိုကောင်းအောင်ကစားနိုင်ခဲ့တယ်။ ၂၇ ကြိမ်အထိ ဂိုးပေါက်ကန်သွင်းခွင့်ရခဲ့ပေမဲ့ ဂိုးမရခဲ့တော့ အချက်အလက်က အလကားပါပဲ။ ဂျက်ဆီလင်ဂတ်ကို ဖျက်ထုတ်မူအပေါ် သိပ်မပြောချင်ပေမဲ့ အဲဒါက ပင်နယ်တီပေးရမှာပါ။"

မန်ယူအသင်းဟာ လာမယ့်စနေနေ့ အက်စ်တွန်ဗီလာနဲ့ ပရီးမီးယားလိဂ်ပွဲစဉ် ဆက်ကစားရမှာဖြစ်ပါတယ်။ 

2 months Ago
More News
Up