မန်ယူနည်းပြ

October 12, 2020

မန်ယူနည်းပြအဖြစ် ရိုင်ရန်ဂစ်ကို မြင်တွေ့ရနိုင်ဟု ဝေးလ်နည်းပြဟောင်း ခန့်မှန်း

ကစားသမား ရိုင်ရန်ဂစ်အနေနဲ့မန်ချက်စတာယူနိုက်တက်အသင်းရဲ့ နည်းပြ ဖြစ်လာနိုင်တယ်လို့  ဝေးလ်လက်ရွေးစင်အသင်းနည်းပြဟောင်း မာ့ခ်ဟု့ချ်က ပြောဆိုပါတယ်။  အသက် ၄၆ နှစ်အရွယ် ရိုင်ရန်ဂစ်ဟာ လောလောဆယ်မှာ ဝေးလ်အသင်းကို နည်းပြအဖြစ် ကိုင်တွယ်နေပါတယ်။  မန်ယူနိုက်တက်နဲ့ ဝေးလ်ကစားသမားဟောင်း မာ့ခ်ဟု့ချ်ကတော့ လတ်တလောမှာ ဂစ်က မန်ယူနိုက်တက်နည်းပြဖြစ်ဖို့ အကောင်းဆုံးအနေအထားမှာ ရှိနေတယ်လို့ သုံးသပ်ပြောပါတယ်။  ရိုင်ရန်ဂစ်ဟာ ၂၀၁၆ ခုနှစ်က နည်းပြ ဗန်ဂါး ထွက်သွားတုန်းမှာ မန်ယူနိုက်တက်အသင်းကို နည်းပြအဖြစ် ခေတ္တ ကိုင်တွယ်ခဲ့ဖူးပါတယ်။
8 months Ago

October 3, 2020

လက်ရှိလူစာရင်းကို ကျေနပ်ဟု မန်ယူနည်းပြ ဆိုးလ်ရှားပြော

ကစားသမားသစ်ဝယ်ဖို့ အသင်းက ကြိုးပမ်းနေပေမယ့် လက်ရှိလူစာရင်းအပေါ်မှာလည်း ကျေနပ်မှုရှိကြောင်း မန်ယူနည်းပြ ဆိုးလ်ရှားက ပြောပါတယ်။  အောက်တိုဘာ ၄ ရက်နေ့ ကစားမယ့် စပါးအသင်းနဲ့ ပွဲစဉ်အကြို သတင်းစာရှင်းလင်းပွဲမှာ အပြောင်းအရွှေ့သတင်းတွေနဲ့ ပတ်သက်ပြီး နည်းပြဆိုးလ်ရှားကို မေးမြန်းခဲ့ကြတာပါ။  လက်ရှိအပြောင်းအရွှေ့မှာ လှုပ်ရှားနေတဲ့ကိစ္စတွေနဲ့ပတ်သက်ပြီး ပြောပြနိုင်တဲ့လူ မဟုတ်ပေမဲ့ ခေါ်ယူလိုတဲ့ ကစားသမားတွေကို အသင်းဘုတ်အဖွဲ့နဲ့ ဆွေးနွေးခဲ့ပြီးဖြစ်ကြောင်း၊ ကစားသမားသစ်ရောက်မလာခဲ့ရင်လည်း လက်ရှိအသင်းလူစာရင်းနဲ့ အလုပ်လုပ်နေရတာကို ကျေနပ်ပျော်ရွှင်ကြောင်း နည်းပြဆိုးလ်ရှားက ပြောခဲ့တာပါ။  ခေါ်ယူလိုတဲ့ ကစားသမား တဦးတယောက်ချင်းစီနဲ့ပတ်သက်ပြီး မပြောလိုကြောင်းနဲ့  အသင်းဘုတ်အဖွဲ့က အကောင်းဆုံးကြိုးပမ်းနေတဲ့အတွက် သတင်းထူးခြားတာရှိရင် သိရမယ်လို့ နည်းပြဆိုးလ်ရှားက မီဒီယာတွေကို ပြောပါတယ်။  ဘရိုက်တန်နဲ့ပွဲမှာ ခြေကျင်းဝတ်ဒဏ်ရာရခဲ့တဲ့ အသင်းခေါင်းဆောင် မက်ဂွိုင်းယားဟာ လိဂ်ဖလားပွဲစဉ်ကို လွဲချော်ခဲ့ပေမယ့် စပါးနဲ့ပွဲမှာ ပြန်ကစားနိုင်မယ်လို့ နည်းပြဆိုးလ်ရှားက အတည်ပြုခဲ့ပါတယ်။ 
9 months Ago
More News
Up