မန်ချက်စတာယူနိုက်တက်

September 18, 2021

ချန်ပီယံဖြစ်ရန် စိန်ခေါ်မှုများရှိနေသော်လည်း အသင်းစိတ်ဓာတ်ပိုင်းကို အားရကြောင်း ဗာရန်းပြော

မန်ချက်စတာယူနိုက်တက်အသင်းအနေနဲ့ ချန်ပီယံဆုဖလားရဖို့အတွက် စိန်ခေါ်မှုတွေရှိပေမဲ့ အသင်းသားတွေရဲ့ စိတ်ဓာတ်ပိုင်းကိုတော့အားရကြောင်း နောက်ခံလူသစ် ဗာရန်းက ပြောပါတယ်။

ဗာရန်းဟာ စပိန်ကလပ် ရီးရဲလ်မက်ဒရစ်မှာ အောင်မြင်မှုတွေရယူနိုင်ခဲ့ပြီးနောက် အခုနှစ်ရာသီမှာ မန်ယူအသင်းဆီပြောင်းရွှေ့လာခဲ့တာပါ။ သူ့အသက် ၁၈ နှစ်အရွယ် ၂၀၁၁ နှစ်ကတည်းက ယူနိုက်တက်ဆီ ပြောင်းရွှေ့ဖို့ နည်းပြဖာဂူဆန်နဲ့ တွေ့ဆုံဆွေးနွေးခဲ့ဖူးတယ်လို့လည်း ဗာရန်းက ပြောပါတယ်။

ယူနိုက်တက်အသင်းအနေနဲ့ အရင်ကလို အောင်မြင်မှုတွေရယူနိုင်ဖို့အတွက် စိန်ခေါ်မှုတွေရှိပေမဲ့ အသင်းသားတွေအားလုံးက အောင်မြင်မှုကိုဆာလောင်ကြပြီး အကောင်းဆုံးလုပ်ဆောင်ချင်တဲ့ ဆန္ဒတွေရှိကြတာကြောင့် အားရကျေနပ်စရာဖြစ်တယ်လို့ ဗာရန်းက ပြောပါတယ်။

မက်ဒရစ်မှာ အခြေကျနေပေမယ့် ယူနိုက်တက်ဆီ ပြောင်းရွှေ့ခဲ့တာက စိန်ခေါ်မှုတစ်ခုဖြစ်ပြီး အရာအားလုံးက အသစ်တွေလိုပဲဖြစ်နေပေမယ့် လက်ရှိအချိန်အထိတော့ ကျေနပ်ပျော်ရွှင်ရတယ်လို့လည်း ဗာရန်းက ပြောပါတယ်။

ဗာရန်းဟာ နယူးကာဆယ်နဲ့ ပရီးမီးယားလိဂ်မှာ ပွဲဦးထွက်ကစားခဲ့ပြီး ယန်းဘွိုင်းစ်နဲ့ ချန်ပီယံလိဂ်မှာ ဒုတိယအကြိမ်မြောက် ပါဝင်ကစားခဲ့ပါတယ်။

4 days Ago

September 15, 2021

ယန်းဘွိုင်းစ်ကို ရှုံးပြီးနောက် တစ်ဦးချင်းအမှားကို သင်ခန်းစာယူရန် မန်ယူနည်းပြဆိုးလ်ရှား ပြော

မန်ယူနိုက်တက်ကစားသမားတွေအနေနဲ့ တစ်ဦးချင်းအမှားတွေအပေါ် သင်ခန်းစာယူဖို့လိုအပ်ကြောင်း နည်းပြဆိုးလ်ရှားက သတိပေးလိုက်ပါတယ်။

ယူနိုက်တက်အသင်းဟာ ဆွစ်ဇာလန်ကလပ် ယန်းဘွိုင်းစ်နဲ့ ချန်ပီယံလိဂ်အဖွင့်ပွဲစဉ်မှာ တစ်ဦးချင်း အမှားတွေနဲ့အတူ ၂ ဂိုး ၁ ဂိုး နဲ့ ရှုံးနိမ့်ခဲ့ပါတယ်။

ပထမပိုင်းမှာကတည်းက ညာနောက်ခံလူ ဝမ်ဘစ်ဆာကာ အနီကတ်ပြခံခဲ့ရသလို ပွဲပြီးခါနီးမှာလည်း ဂျီဆီလင်ဂတ်ရဲ့ ဂိုးသမားကို ပြန်ပေးမှုကနေ ယန်းဘွိုင်းစ်က အနိုင်ဂိုး သွင်းသွားခဲ့တာပါ။

ယူနိုက်တက် အသင်းအနေနဲ့ မနှစ်က ချန်ပီယံလိဂ်မှာတုန်းကလည်း တစ်ဦးချင်းအမှားတွေ လုပ်ခဲ့တာကြောင့် အုပ်စုအဆင့်ကနေ ထွက်ခဲ့ရပြီး အမှားတွေအပေါ် သင်ခန်းစာယူနိုင်ဖို့လိုတယ်လို့ ဆိုးလ်ရှားက ပြောပါတယ်။

အာရုံစူးစိုက်မှုမရှိတဲ့အချိန်မှာ အမှားဖြစ်ပေါ်လာတက်ပြီး မနှစ်က တူရကီကလပ် ဘာဆက်ဆီဟာနဲ့ ပွဲမှာလည်း အလားတူသွင်းဂိုး ၂ ဂိုးခွင့်ပြုခဲ့ရကြောင်း ဆိုးလ်ရှားကပြောပါတယ်။

“ကျနော်တို့ ကိုယ်တိုင်ကနေ ပိုပြီးခက်ခဲတဲ့ အခြေအနေတွေဖြစ်သွားနိုင်တာကို သိရှိဖို့လိုပါတယ်။ မနှစ်ကလည်း  ၂ ပွဲကစားပြီးချိန်မှာ နောက်တဆင့်တက်မယ်လို့ အားလုံးက ထင်ခဲ့ကြပါတယ်။ နောက်တဆင့်အတွက်က ၁ဝ မှတ် ဒါမှ မဟုတ် ၁၂ မှတ် လိုပါတယ်။ အိမ်ကွင်းပွဲစဉ်အားလုံးကို အနိုင်ရပြီး အဝေးကွင်းတစ်ပွဲလောက် နိုင်ဖို့လည်းလိုပါတယ်။ ကျနော်  နောက်လာမယ့်ပွဲတွေမှာ အိမ်ကွင်း ၂ ပွဲဆက်ကစားရမှာဖြစ်ပြီး အဲဒီအပေါ် အာရုံစိုက်သွားရမှာဖြစ်တယ်”လို့ ဆိုးလ်ရှားက ပြောပါတယ်။

1 week Ago
More News
Up