မန်ချက်စတာမြို့

September 4, 2021

မန်ယူတိုက်စစ်မှူး စီရော်နယ်ဒို မန်ချက်စတာမြို့ကို ကိုယ်ပိုင်ဂျက်လေယာဉ်ဖြင့် ရောက်ရှိ

မန်ယူနိုက်တက်တိုက်စစ်မှူး စီရော်နယ်ဒိုဟာ မန်ချက်စတာမြို့ဆီကို စင်တာဘာ ၃ ရက်နေ့က  သူ့ရဲ့ကိုယ်ပိုင်ဂျက်လေယာဉ်နဲ့ ရောက်ရှိလာပါတယ်။

ရော်နယ်ဒိုဟာ ပေါ်တူဂီအသင်းနဲ့ ကမ္ဘာ့ဖလားခြေစစ်ပွဲကစားခဲ့ပြီးနောက် နည်းပြဆန်းတို့စ်က စောစောစီးစီးပြန်လည်စေလွှတ်ခဲ့တာဖြစ်ပြီး ရော်နယ်ဒိုကလည်း ယူနိုက်တက်ဆီကို အမြန်ဆုံးပြန်လာခဲ့တာဖြစ်ပါတယ်။

The Sun သတင်းစာရဲ့ဖော်ပြချက်အရ ရော်နယ်ဒိုဟာ အတူနေချစ်သူဖြစ်သူ ဂျော်ဂျီနာ အပါအဝင် ကိုယ်ပိုင်ဂျက်လေယာဉ်နဲ့အတူ မန်ချက်စတာကို စက်တင်ဘာ ၃ ရက် ညနေ ၅ နာရီ မိနစ် ၄၀ အချိန်မှာ ဆိုက်ရောက်ခဲ့တယ်လို့ ဖော်ပြပါတယ်။

ရော်နယ်ဒိုဟာ သူ့ရဲ့ အိပ်ခန်း ၇ ခန်းပါ အဆင့်မြင့်အိမ်မှာ ကွာရင်တင်း ၅ ရက် ဝင်ရမှာဖြစ်ပြီး အဲဒီနောက်ပိုင်းမှာ အသင်းနဲ့ စတင်ပူးပေါင်းလေ့ကျင့်မှာ ဖြစ်ပါတယ်။

ရော်နယ်ဒိုဟာ အိုင်ယာလန်နဲ့ ကမ္ဘာ့ဖလား  ခြေစစ်ပွဲမှာပွဲပြီးခါနီးမှာ ချေပဂိုးနဲ့ အနိုင်ဂိုးတွေ သွင်းယူနိုင်ခဲ့ကာ ဂျာစီအင်္ကျီချွတ်ပြီး အောင်ပွဲခံရာမှာ အဝါကတ်ပြခံရလို့  ပေါ်တူဂီနဲ့ အဇာဘိုင်ဂျန်တို့ ပွဲစဉ်လွဲချော်မှာ ဖြစ်ပါတယ်။

5 months Ago

November 27, 2019

မန်ချက်စတာမြို့တွင် မဟတ္တမဂန္ဒီ နှစ် ၁၅၀ ပြည့် အထိမ်းအမှတ် ကြေးရုပ်တုဖွင့်လှစ်

မဟတ္တမဂန္ဒီရဲ့ နှစ် ၁၅၀ ပြည့် မွေးနေ့အထိမ်းအမှတ်အဖြစ် ဗြိတိန်နိုင်ငံ မန်ချက်စတာမြို့မှာ  ဂန္ဒီကြေးရုပ်တုကို နိုဝင်ဘာလ ၂၅ ရက်နေ့က ဖွင့်လှစ်ခဲ့ပါတယ်။    အိန္ဒိယရှေ့နေနဲ့ နိုင်ငံရေး နီတိဆရာတဦး ဖြစ်တဲ့ ဂန္ဒီရဲ့ ပုံတူကြေးရုပ်တုကို မန်ချက်စတာဘုရားရှိခိုးကျောင်း အပြင်ဘက်မှာ စိုက်ထူပြီး နိုင်ငံရေးနဲ့ ဘာသာရေး ခေါင်းဆောင်တွေ ရှေ့မှောက် ဖွင့်လှစ်ခဲ့တာပါ။ ရမ်ဗွီဆူထာ ဆိုသူ ပန်းပုပညာရှင် ဖန်တီးတဲ့ ၉ ပေ အမြင့်ရှိ ကြေးရုပ်တုဟာ မန်ချက်စတာမြို့ရဲ့ ယဉ်ကျေးမှုပေါင်းစုံ လူ့အဖွဲ့အစည်းကို ဂုဏ်ပြုဖို့ ရည်ရွယ်ပါတယ်။    ၁၉၃၁ ခုနှစ်တုန်းက ဂန္ဒီဟာ လန်ကတ်ရှိုင်းယားနယ်က စက်ရုံလုပ်သားတွေကို လာတွေ့ရင်း မန်ချက်စတာမြို့ကို ရောက်ရှိတဲ့ အထိမ်းအမှတ်အဖြစ် ဒီကြေးရုပ်တုကို ဂုဏ်ပြု သွန်းလုပ်တာလည်း ဖြစ်ပါတယ်။ မဟတ္တမဂန္ဒီဟာ ငြိမ်းချမ်းခြင်းတရား၊ မေတ္တာတရားနဲ့ ကရုဏာတရား ၃ ခုစလုံးကို  ကိုယ်စားပြုတယ်။ အခု လူ့အဖွဲ့အစည်းအတွင်း အဲဒီတန်ဖိုးတွေ ပျက်စီးဆုံးရှုံးနေချိန်ဖြစ်လို့ စိတ်ငြိမ်းချမ်းဖို့ ဖြစ်ဖြစ်၊ ကမ္ဘာကြီး ငြိမ်းချမ်းဖို့ဖြစ်ဖြစ် ဒီကိုလာပြီး သမိုင်းဝင် အခမ်းအနားလေးမှာ အတူဆင်နွှဲပါလို့  ဒေသခံတဦးက ဖိတ်ခေါ်ခဲ့ပါတယ်။
2 years Ago
Up