မန်ချကစတာယူနိုက်တက်

March 2, 2020

အမှားများခဲ့သည့် ဒီဂီယာနှင့် ပစ်ဖို့ဒ်တို့ နှစ်ဦးကို ရွိုင်ကိန်း အပြင်းအထန် ဝေဖန်

မန်ချက်စတာ ယူနိုက်တက်အသင်းနဲ့ အဲဗာတန်အသင်းတို့ရဲ့ပွဲစဉ်မှာ ကိုယ်စီအမှားများခဲ့တဲ့ ဒးဗစ်ဒီဂီယာနဲ့ ဂျော်ဒန်ပစ်ဖို့ဒ်တို့နှစ်ဦးကို ရွိုင်ကိန်းက ပြင်းပြင်းထန်ထန်ဝေဖန်ခဲ့ပါတယ်။  ဒီပွဲမှာ အဲဗာတန်အသင်းရဲ့ ဦးဆောင်ဂိုးဟာ ဒီဂီယာရဲ့ အားနည်းချက်ကြောင့် ရရှိသွားခဲ့တာဖြစ်ပြီး သူ့ရဲ့ရှင်းလင်းမှုကနေတဆင့် အဲဗာတန်တိုက်စစ်မှူး ဒါမနစ် ကယ်ဗတ်လီဝိန်းနဲ့ ထိကာ ဂိုးထဲကို ရောက်ရှိသွားခဲ့တာ ဖြစ်ပါတယ်။  တဖက်မှာလည်း မန်ချက်စတာယူနိုက်တက်ရဲ့ချေပဂိုးမှာ အဲဗာတန်ဂိုးသမား ပစ်ဖို့ဒ်က အမှားကျူးလွန်ခဲ့ပြီး ဖာနန်ဒက်ရဲ့ အဝေးကန်ချက်ကို တားဆီးရမှာ ဘောလုံးဟာ ပစ်ဖို့ဒ်ရဲ့လက်ကနေ လွတ်ကာ ဂိုးထဲကို ရောက်ရှိသွားခဲ့တာပါ။ ဒီဖြစ်ရပ်တွေနဲ့ပတ်သက်ပြီး ရွိုင်ကိန်းက “ကျနော်သာ ကစားသမား ဒါမှမဟုတ် နည်းပြအဖြစ် ကွင်းထဲမှာရှိနေမယ်ဆိုရင် သူ (ဒီဂီယာ) ကိုသတ်ပစ်လိုက်ပါတယ်၊ ဒီအချိန်မှာ ယူနိုက်တက်အသင်းဟာ အဆင့်လေးနေရာကို ဝင်ရောက်နိုင်ဖို့ ကြိုးပမ်းနေတဲ့ အရေးပါတဲ့အနေအထားပါ။ သူဟာ အတွေ့အကြုံရင့်ဂိုးသမားပါ။ ဒါပေမဲ့ ဘာလို့စောင့်နေခဲ့တာလဲ။ ဒါဟာ စိတ်ကြီးဝင်မှုပါ။ ဒီကိစ္စအတွက် ဘာအကြောင်းပြချက်မှပေးလို့ မရပါဘူး။ သူ့လို အတွေ့အကြုံရင်တဲ့ နိုင်ငံ့လက်ရွေးစင် ဂိုးသမားတယောက်အတွက် ဒါဟာ တကယ့်ကို ရူးနှမ်းမှုပါပဲ” လို့ ဝေဖန်ခဲ့ပါတယ်။ ပစ်ဖို့ဒ်နဲ့ပတ်သက်ပြီးတော့လည်း ကိန်းက “ သူက ဂိုးသမားကောင်းတယောက် မဟုတ်ဘူး ဆိုတာ ကျနော် သိနေပြီးသားပဲ” လို့ ပြောပါတယ်။ မန်ယူနိုက်တက် ကစားသမားဟောင်း ရွိုင်ကိန်းလိုပဲ  လီဗာပူး ကစားသမားဟောင်း ဂျမီကာရေဂါကလည်း ဒီဂီယာရဲ့အမှားကို ဝေဖန်ပြောဆိုခဲ့ပါတယ်။
2 years Ago
Up