မန်တုံမြို့အနီး တိုက်ပွဲဖြစ်၊ စာသင်ကျောင်း နှင့် ဈေးဆိုင်များ အရေးပေါ်ပိတ်ထား

August 4, 2017

မန်တုံမြို့အနီး တိုက်ပွဲဖြစ်၊ စာသင်ကျောင်း နှင့် ဈေးဆိုင်များ အရေးပေါ်ပိတ်ထား

ရှမ်းပြည်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ မန်တုံမြို့အနီးမှာ မြန်မာ့တပ်မတော်စစ်ကြောင်းနဲ့ တီအန်အယ်လ်အေ ပလောင်တပ်ဖွဲ့တို့ လက်နက်ကြီးတွေနဲ့ အပြန်အလှန်ပစ်ခတ်တာကြောင့်  မန်တုံမြို့ပေါ်က အစိုးရအထက်တန်းကျောင်း နဲ့ ဈေးဆိုင်တွေ အရေးပေါ်ပိတ်လိုက်ရပါတယ်။ ဒီကနေ့မနက်က ၁၁ နာရီလောက်က မန်တုံမြို့ပြင် ၄ မိုင်လောက်အကွာမှာ အစိုးရရိက္ခာ တင်ယာဉ်တန်းကို တီအန်အယ်လ်အေဘက်က စောင့်ပြီးပစ်ခတ်တဲ့အတွက် နှစ်ဘက်တိုက်ပွဲဖြစ်ပြီး ပြည်သူတွေထိတ်လန့်ကာ ကျောင်းနဲ့ဈေးဆိုင်တွေ ပိတ်ရတာလို့ မန်တုံမြို့နယ် တအာင်းအမျိုးသားပါတီ ပြည်သူ့လွှတ်တော်ကိုယ်စားလှယ် ဒေါ်နန်းမိုးက ဒီဗွီဘီကို ပြောပါတယ်။ “ကျမကတော့ နေပြည်တော်မှာပေါ့။ ဒါပေမယ့် ဟိုက လှမ်းပြီးအကြောင်းကြားလာတယ်။ လားရှိုးကနေလာလို့ရှိရင် မန်တုံမြို့အ၀င် ၄ မိုင်အလိုပေါ့နော်၊ အဲဒီမှာ တပ်မတော် ရိက္ခာတင်လာတဲ့ကားကို သူတို့စောင့်ပြီးမှ ပစ်ကြတယ်ပေါ့။ လက်နက်ကြီးတွေနဲ့ ပစ်ကြတယ်၊ တပ်မတော်ဘက်ကရော၊ ဟိုဘက်ကရော။ အဲဒီနေရာက စာသင်ကျောင်းနဲ့လည်း သိပ်မဝေးတဲ့ အခါကျတော့ လူတွေ အထိတ်တလန့်ဖြစ်ပြီးတော့မှ ကျောင်းသားတွေကို မြန်မြန်ပြန်ခိုင်း လိုက်ရတယ်၊ အထက်တန်းကျောင်းပါ၊ ခါတိုင်းလည်း မန်တုံအနီးပတ်ဝန်းကျင်မှာ တိုက်ပွဲဖြစ်ပေ မယ့် ခုလို မြို့နဲ့ သိပ်မနီးဘူးလေ။ ဒီတခါတော့ အသံတွေလည်း အကျယ်ကြီးကြားတော့ ပြည်သူလူထုတွေ အကုန်ကြောက်လန့်တာပေါ့၊ အဆောက်အအုံတွေ လူတွေထိတာတို့တော့ မရှိဘူး၊  ဈေးတွေလည်း တရားဝင်ပိတ်တာမရှိပေမယ့် လူတွေက အလန့်တကြား ကိုယ့်အိမ်ကိုယ် ပြန်ကုန်ကြတာပေါ့။” ညနေပိုင်းမှာ ပစ်ခတ်သံတွေ ငြိမ်သက်သွားပေမယ့် ဒေသခံတွေ ထိတ်လန့်နေဆဲဖြစ်ကြောင်း၊ ခုလို ပစ်ခတ်မှုကြောင့် ကလေးတွေ ပညာရေးနစ်နာသလို ပြည်သူတွေ စိတ်ဒဏ်ရာဖြစ်စေကြောင်း၊ နောက်ဆက်တွဲ ကျန်းမာရေး စီးပွားရေး အခက်အခဲတွေ ဖြစ်ပေါ်စေတဲ့အတွက် နှစ်ဘက်လုံးက ပြည်သူ့အတွက်အလုပ်လုပ်တယ်လို့ ခံယူထားတယ်ဆိုရင် ပြည်သူကိုထိ ခိုက်အောင် မလုပ်ဖို့ မေတ္တာရပ်ခံလိုကြောင်း ဒေါ်နန်းမိုးက ပြောသွားပါတယ်။ 20525689_1889585467973609_6394218846049624020_n“နှစ်ဘက်တပ်ကိုတောင်းဆိုချင်တာကတော့ အကောင်းဆုံးကတော့ နှစ်ဦးနှစ်ဘက် မပစ်နဲ့၊ နိုင်ငံရေးပြဿနာကို စစ်ရေးနဲ့ ဖြေရှင်းလို့မရဘူး။ ဥပမာ အဖွဲ့တဖွဲ့က လမ်းသွားနေတယ်၊ နောက်တဖွဲ့က စောင့်ပြီး ပစ်ခတ်တယ်ဆိုတာ ဒါက နိုင်ငံရေးလို့မခေါ်ဘူးလေ။ ဒီလိုမျိုးဖြစ်တယ်ဆိုတာ ကောင်းမွန်တဲ့ အဖြေရလဒ်လည်း ထွက်လာမှာမဟုတ်ဘူး၊ ဘယ်လိုပဲဖြစ်ဖြစ် နှစ်ဦး နှစ်ဘက်က လျှော့ရမယ်၊ ဘယ်လိုပဲဖြစ်ဖြစ် နှစ်ဘက်လုံး ပြည်သူ့အ တွက် အလုပ်လုပ်တယ်လို့ ကိုယ့်ကိုယ်ကိုယ် ခံယူထားကြတယ်ဆိုလို့ရှိရင် မဖြစ်တာက အကောင်းဆုံးပဲ။” နှစ်ဖက် တိုက်ပွဲဖြစ်ပွားရတဲ့အခြေနေတွေနဲ့ ပတ်သက်လို့ မြန်မာ့တပ်မတော်နဲ့ တီအန်အယ်လ်အေအဖွဲ့ကို ဆက်သွယ်မေးမြန်းခဲ့ဖို့ အကြိမ်ကြိမ်ကြိုးစားခဲ့ပေမယ့် မရခဲ့ပါဘူး။ ဓာတ်ပုံ - Mia Moeset
4 years Ago
Up