.မန္တလေး

A d v e r t i s e m e n t With Us

February 4, 2021

မန္တလေးတွင် စစ်အာဏာသိမ်းမှုဆန့်ကျင်ဆန္ဒပြပွဲမှ ၃ ဦးထက်မနည်း ဖမ်းဆီးခံရ

မြန်မာနိုင်ငံရဲ့ ဒုတိယအကြီးဆုံး မြို့တော်ဖြစ်တဲ့ မန္တလေးမြို့မှာ ဒီကနေ့ မနက်ပိုင်းက စစ်အာဏာသိမ်းမှုကို ဆန့်ကျင်ဆန္ဒပြသူတွေအနည်းဆုံး ၃ ဦးထက်မနည်း ဖမ်းဆီးခံခဲ့ရတယ်လို့ ရိုက်တာသတင်းတပုဒ်မှာ ဖော်ပြပါတယ်။

ဖေဖော်ဝါရီ ၁ ရက်မနက် အစောပိုင်းကစတင်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတ ဦးဝင်းမြင့်အပါအဝင် ထိပ်ပိုင်းအစိုးရခေါင်းဆောင်တွေကို ဖမ်းဆီးခဲ့ပြီး စစ်တပ်က ၁ နှစ် အာဏာလွှဲပြောင်းရယူကြောင်း ကြေညာခဲ့ချိန်မှာ ပြည်သူတွေက ဆန့်ကျင်လှုပ်ရှားမှုတွေ စတင်လာခဲ့ပြီး ဒါကတော့ ပထမဆုံးလမ်းပေါ်ထွက် ဆန္ဒပြမှု ဖြစ်လာခဲ့ပါတယ်။

ဖမ်းဆီးခံရမှုနဲ့ ပတ်သက်ပြီး ဆန္ဒပြပွဲမှာ ပါဝင်သူတွေထဲက ရန်ကုန်နဲ့ မန္တလေးမြို့ အခြေစိုက် ကျောင်းသားလှုပ်ရှားမှုအဖွဲ့ ၃ ဖွဲ့က အတည်ပြုခဲ့တယ်လို့ သတင်းမှာ ဖော်ပြ ထားပါတယ်။

       ဒီဆန္ဒပြပွဲကိုတော့ မန္တလေးမြို့၊ ဆေးတက္ကသိုလ်ရှေ့မှာ လုပ်ဆောင်ခဲ့ကြတာဖြစ် ပြီး စစ်တပ်ရဲ့အာဏာသိမ်းတာကို လုံးဝလက်မခံနိုင်တဲ့အတွက် ပြည်သူတွေရဲ့ မူလ ရပိုင်ခွင့်ဖြစ်တဲ့ ငြိမ်းချမ်းစွာ ဆန္ဒပြပိုင်ခွင့်နဲ့ အညီလုပ်ဆောင်တာလို့ ဆန္ဒပြပွဲမှာ ပါဝင်တဲ့ သူတစ်ဦးက ပြောပါတယ်။

ဆန္ဒပြတာကို စစ်အာဏာရှင်စနစ်အလိုမရှိသူတွေက လုပ်ဆောင်တာဖြစ်ပြီး ဒီမိုကရေစီကို ကာကွယ်ကြ၊ အကြမ်းဖက်မှုလူထုလက်မခံ၊ လက်နက်အားကိုးဝါဒ ဆန့်ကျင်ကြ စတဲ့ ဆိုင်းဘုတ်တွေ ကိုင်ဆောင်ထားခဲ့ကြပြီး ၁၅ မိနစ်လောက် ဆန္ဒပြအပြီးမှာတော့ ဆန္ဒပြတောင်းဆိုတာကို ရုပ်သိမ်းခဲ့ပါတယ်။

4 weeks Ago

January 28, 2021

ကိုဗစ်-၁၉ ကာကွယ်ဆေးရန်ပုံငွေ မန္တလေးတိုင်းက ကျပ်သိန်း ၁၆၀၀၀ ကျော်ရထား (ဓာတ်ပုံ)

ကိုဗစ်-၁၉ ကာကွယ်ဆေး ဝယ်ယူဖို့ရန်ပုံငွေအတွက် မန္တလေးတိုင်းဒေသကြီးကနေ အလှူငွေ ကျပ်သိန်းပေါင်း ၁၆၀၀၀ ကျော် ရရှိထားပြီလို့ မန္တလေးတိုင်းဒေသကြီး ဝန်ကြီးချုပ် ဒေါက်တာ ဇော်မြင့်မောင်က ပြောပါတယ်။

ကာကွယ်ဆေးဝယ်ယူဖို့ ရန်ပုံငွေ ထည့်ဝင်လှူဒါန်းနိုင်ကြောင်း ကိုဗစ်-၁၉ ကာကွယ်၊ ထိန်းချုပ်၊ ကုသရေး အမျိုးသားအဆင့် ဗဟိုကော်မတီက ဖိတ်ခေါ်ထားတာ ဖြစ်ပြီး မန္တလေးတိုင်းဒေသကြီးကနေ အလှူငွေ ကျပ်သိန်းပေါင်း ၂၀,၀၀၀ ကျော် ရနိုင်တယ်လို့ ဝန်ကြီးချုပ်ဒေါက်တာဇော်မြင့်မောင်က ခန့်မှန်းထားပါတယ်။

ဝန်ကြီးချုပ် ဒေါက်တာဇော်မြင့်မောင်က"အားလုံးပေါင်း လှူတာဆိုလို့ရှိရင် သိန်းပေါင်း တစ်သောင်းခြောက်ထောင်လောက် ရထားပြီးပါပြီ။ နောက်ထပ် ထပ်ပြီးတော့ လှူချင်တဲ့သူတွေရှိတယ်။ သူတို့ကလည်း ကျနော်တို့ တိုင်းဒေသကြီးအစိုးရကနေ တစ်ဆင့် လှူချင်တယ်ဆိုတော့ ကျနော်တို့က ရက် မပေးနိုင်သေးလို့ပါ။ ကျနော် တော်တော်လေး အလုပ်များနေတော့၊ သိန်းပေါင်းနှစ်သောင်းကျော်လောက်ရလိမ့်မယ်လို့ ကျနော်က တော့ ခန့်မှန်းထားပါတယ်။ ဘာပဲပြောပြော အထောက်အပံ့ဖြစ်တာပေါ့လေ" လို့ပြောပါတယ်။

ကိုဗစ်-၁၉ ကာကွယ်ဆေးတွေကို  ဇန်နဝါရီ ၂၇ ရက်ကစပြီး ကျန်းမာရေးဝန်ထမ်းတွေကို ဦးစားပေးထိုးပေးနေပြီ ဖြစ်ပါတယ်။ ဒါ့အပြင် ရရှိလာတဲ့ ကာကွယ်ဆေး အရေအတွက်ပေါ် မူတည်ပြီး ဦးစားပေးစနစ်နဲ့ ထိုးပေးသွားမှာဖြစ်ပြီး အားလုံး ထိုးနိုင်အောင် ‌ဆောင်ရွက်ပေးမယ်လို့ သိရပါတယ်။

လတ်တလောမှာကာကွယ်ဆေးထိုးပေးရမယ့် လူစာရင်းတွေကိုလည်း ရပ်ကွက်တွေမှာ စတင်ကောက်ယူနေပြီဖြစ်ပြီး အခြေခံလူထုအနေနဲ့ စိတ်ရှည်စွာ စောင့်ဆိုင်းစေလိုတယ်လို့ ဒေါက်တာဇော်မြင့်မောင်က မေတ္တာရပ်ခံပါတယ်။

မြန်မာနိုင်ငံတဝန်းမှာ ပြည်သူလူထုတွေအတွက် ကာကွယ်ဆေးထိုးတာကို  ဖေဖော်ဝါရီ ၅ ရက်မှာ စတင်မှာဖြစ်တယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။ 

ထိန်ထိန်လင်း

1 month Ago
Up