မန်စီးတီးက

November 10, 2018

မန်စီးတီးက စတားလင်းကို တပတ် ပေါင် ၃ သိန်းဖြင့် ၃ နှစ် သက်တမ်းတိုး

မန်ချက်စတာ စီးတီးအသင်းဟာ အသင်းရဲ့ အင်္ဂလန်တိုက်စစ်ကစားသမား စတားလင်းကို ၃ နှစ်သက်တမ်းတိုး စာအချုပ်ချုပ်ဆိုခဲ့တယ်လို့ BBC သတင်းမှာဖော်ပြပါတယ်။ စာချုပ်သစ်အရ စတားလင်းဟာ တပတ်ကို ပေါင် ၃ဝဝ,ဝဝဝ ရရှိမှာဖြစ်ပါတယ်။ စတားလင်းနဲ့ မန်စီးတီးအသင်းတို့ရဲ့ စာချုပ်ဟောင်းဟာ လာမယ့်ရာသီ ကုန်ဆုံးမှာဖြစ်ပါတယ်။ ဒါ့ကြောင့် အသင်းက စတားလင်းကို စာချုပ်အသစ် ကမ်းလှမ်းချုပ်ဆိုခဲ့တာဖြစ်ပြီး ဒီစာချုပ်ကြောင့် သူဟာ လာမယ့် ၂ဝ၂၃  ခုနှစ်အထိ မန်စီးတီးအသင်းမှာ ကစားရတော့မှာဖြစ်ပါတယ်။ ဒါ့အပြင် စတားလင်းဟာ စာချုပ်အသစ်မှာရရှိမယ့် တပတ် ပေါင် ၃ဝဝ,ဝဝဝ ဆိုတဲ့ လစာငွေကြောင့်လည်း ပရီးမီးယားလိဂ်ရဲ့ ဝင်ငွေအကောင်းဆုံး အင်္ဂလိပ်ကစားသမားတွေထဲက တဦး အပါအဝင် ဖြစ်လာတော့မှာပါ။ “စာချုပ်အသစ် ချုပ်ဆိုနိုင်ခဲ့တာကြောင့် ဝမ်းသာမိပါတယ်၊ ဒီအသင်းနဲ့အတူ ဖြစ်ပေါ်လာတဲ့ ကျနော့်ရဲ့ တိုးတက်မှုတွေက အံ့မခန်းပါပဲ။ ကျနော် ဒီအသင်းကို စရောက်တဲ့ အချိန်ကတည်းက စပြီးတော့ မန်စီးတီးကို ပြောင်းရွှေ့လာတာ ကျနော့်အတွက် မှန်ကန်တဲ့ ရွေးချယ်မှုဖြစ်တယ်လို့ ခံစားရတယ်။” စတာလင်းဟာ ပြီးခဲ့တဲ့ ၂ဝ၁၅ ခုနှစ်က လီဗာပူးလ်အသင်းကနေ မန်စီးတီးအသင်းကို ပြောင်းရွှေ့လာခဲ့သူဖြစ်ပြီး အသင်းအတွက် ဒီရာသီမှာ ၇ ဂိုး သွင်းယူပေးထားပါတယ်။ စတားလင်းဟာ ပြီးခဲ့တဲ့ ရာသီတုန်းကလည်း ကလပ်အသင်းအတွက် ၂၃ ဂိုးသွင်းယူပေးနိုင်ခဲ့ပြီးတော့ ပရီးမီးယားလိဂ်နဲ့ ကာရာဘောင်းဖလား ဆွတ်ခူးခဲ့တဲ့ မန်စီးတီးအသင်းအတွက် အဓိကကစားသမားအဖြစ် အသုံးတော်ခံခဲ့သူပဲဖြစ်ပါတယ်။ စတား လင်းဟာ အင်္ဂလန်လက်ရွေးစင်အသင်းကြီးအတွက်လည်း ၄၆ ပွဲပွဲထွက်ခဲ့သူဖြစ်ပါတယ်။ “စတားလင်းဟာ ပရီးမီးယားလိဂ်ရဲ့ ထိပ်တန်းတိုက်စစ်မှူးတွေထဲက နံပါတ် ၁ ပါ။ သူ့ကို သက်တမ်းတိုး စာချုပ်ချုပ်ဆိုနိုင်ခဲ့တာက အသင်းအတွက် သိသာထင်ရှားတဲ့ အခိုက်အတန့်တခုပါပဲ” လို့ မန်စီးတီးအသင်းရဲ့ ဒါရိုက်တာကပြောပါတယ်။
3 years Ago

October 22, 2017

မန်စီးတီးက ဘန်လေကို ၃ ဂိုးပြတ် အနိုင်ရ (ရုပ်သံဟိုက်လိုက်)

မနေ့ညက ယှဉ်ပြိုင်သွားတဲ့ ပရီးမီးယားလိဂ် ပွဲစဉ်မှာ မန်စီးတီးက ဘန်လေကို ၃ ဂိုးပြတ်နဲ့ အနိုင်ရသွားပါတယ်။ ဒီပွဲမှာ တိုက်စစ်မှူး အဂူရို ပြန်ပါလာပြီး ဦးဆောင်ဂိုးကို မိနစ် ၃၀မှာ အငြင်းပွားဖွယ်ရာ ပင်နယ်တီကနေတဆင့် သွင်းယူပါတယ်။ ဒီဂိုးဟာ အသက် ၂၉ နှစ်အရွယ် တိုက်စစ်မှူး အဂူရိုအတွက် ကားမတော်တဆမှုကြောင့် ရတဲ့ ဒဏ်ရာကနေ ပြန်လာပြီးမှာ ပထမဆုံး ဂိုးသွင်းယူနိုင်တာ ဖြစ်ပါတယ်။ မန်စီးတီးအတွက် ဒုတိယဂိုးကို ၇၃ မိနစ်မှာ အိုတမန်ဒီက သွင်းယူပြီး တတိယဂိုးကို ၇၅ မိနစ်မှာ ဆာနေက သွင်းယူပါတယ်။ ဒီပွဲမှာ စီးတီးကပဲ တဖက်သတ် ဘောလုံးပိုင်ဆိုင်မှု အသာစီးယူ ကစားနိုင်ခဲ့ပြီး ထိုးဖောက် ကန်သွင်းခွင့် ၁၀ ကြိမ်အထိ ရခဲ့ပါတယ်။ ဘန်လေကတော့ ဒီပွဲမှာ မန်စီးတီး တိုစစ်ကို မယှဉ်နိုင်ဖြစ်ခဲ့ပြီး ဂိုးပေါက်ကို ထိထိရောက်ရောက် မခြိမ်းခြောက်နိုင်ခဲ့ပါဘူး။ နိုင်ပွဲဆက်တဲ့ မန်စီးတီးဟာ ၂၅ မှတ်နဲ့ အမှတ်ပေးဇယားကို ဦးဆောင်နေပြီး ဘန်လေကတော့ ၁၃ မှတ်နဲ့ အဆင့် ၉ နေရာမှာ ရပ်တည်နေပါတယ်။
4 years Ago
More News
Up