ဖိလစ်ပိုင်နိုင်ငံ မနီလာမြို့တော်ရှိ ဆင်းရဲသားရပ်ကွက်ကြီးတခု မီးလောင်ကျွမ်းခဲ့လို့ လူ ၁၅၀၀၀ ကျော် အိုးမဲ့အိမ်မဲ့ ဖြစ်ခဲ့တယ်လို့ မနီလာမြို့တော်အာဏာပိုင်တွေက ပြောပါတယ်။ မနီလာ သင်္ဘောဆိပ်ကမ်းတွေနားက ကျူးကျော်ဆင်းရဲသားရပ်ကွက်ကြီးဖြစ်ပြီး ဖေဖော်ဝါရီ ၇ ရက် ညက စတင် လောင်ကျွမ်းခဲ့တာပါ။ အိမ်တွေပိတ်ကြပ်နေလို့ မီးငြှိမ်းသတ်ရေး အခက်အခဲဖြစ်ခဲ့ပြီး ၁၀ နာရီကြာမှ မီးငြှိမ်းသတ်နိုင်ခဲ့တယ်လို့ မီးသတ်တပ်ဖွဲ့ အရာရှိတဦးက ပြောပါတယ်။ ထိခိုက်ဒဏ်ရာရသူတွေ ရှိခဲ့ပေမယ့် လူသေဆုံးမှုတော့ မရှိခဲ့ပါဘူး။ အိုးအိမ်တွေ မီးလောင်ကျွမ်းသွားတဲ့ လူ ၁၅၀၀၀ လောက်ကိုတော့ အရေးပေါ် ကယ်ဆယ်နေရာချထားရေးမှာ ယာယီထောက်ပံ့ ကူညီထားပါတယ်။ သူတို့ အရေးပေါ်ပြောင်းရွှေ့ထားတဲ့ တီဗွီတွေ၊ အ၀တ်လျှော်စက်တွေနဲ့ အဝတ်သေတ္တာတွေကို ဆိပ်ကမ်းနဲ့ ဆက်သွယ်တဲ့ လမ်းမကြီးပေါ် ချထားကြတာကြောင့် ကွန်တိန်နာတင်ယာဉ်တွေ သွားလာလို့မရဘဲ ပိတ်ဆို့နေတယ်လို့ ဆိုပါတယ်။ ပြီးခဲ့တဲ့တပတ်ကလည်း မနီလာမြို့တော်တောင်ပိုင်းမှာ စက်ရုံကြီးတခု မီးလောင်ကျွမ်းခဲ့လို့ အလုပ်သမားတဦး သေဆုံးပြီး လူ ၁၀၀ ကျော် ဒဏ်ရာရခဲ့ကြပါသေးတယ်။ မနီလာမြို့တော်ဟာ လူဦးရေအထူထပ်ဆုံး ကမ္ဘာ့မြို့ကြီးတမြို့ဖြစ်ပြီး အခုလို ဆင်းရဲသားရပ်ကွက် မီးလောင်ကျွမ်းမှုတွေ၊ စက်ရုံနဲ့ အလုပ်ရုံ မီးလောင်ကျွမ်းမှုတွေဟာ မကြာခဏ ဖြစ်ပွားလေ့ရှိပါတယ်။ ၂၀၁၅ ခုနှစ်ကစပြီး မြို့တော်မြောက်ပိုင်းက ဖိနပ်စက်ရုံတရုံ မီးလောင်ကျွမ်းခဲ့ပြီး အလုပ်သမား ၇၄ ဦး သေဆုံးခဲ့ပါတယ်။

ဖိလစ်ပိုင်နိုင်ငံ မနီလာမြို့တော်က ဆင်းရဲသားရပ်ကွက်မှာ မီးအကြီးအကျယ်လောင်ခဲ့လို့ ထောင်နဲ့ချီတဲ့ မိသားစုတွေ အိုးအိမ်မဲ့ ဖြစ်ခဲ့ရပါတယ်။ ဒီဇင်ဘာ ၂၈ ရက် ညကတည်းက စလောင်တဲ့မီးဟာ အမြန်ကူးစက်ခဲ့တာဖြစ်ပြီး မီးကြောင့် အသက်ကြီးအမျိုးသမီး ၁ ဦး သေဆုံးပြီး တခြားလူ ၃ ဦး ဒဏ်ရာရတယ်လို့ အာဏာပိုင်တွေက ပြောပါတယ်။ တချို့ဒေသခံတွေက ဒီဇင်ဘာ ၂၈ ရက်မှာ သူတို့ရဲ့ မီးလောင်ခံအိမ်တွေဆီ ပြန်လာပြီး ကျန်ခဲ့တဲ့ ပစ္စည်းတချို့ကို လာယူကြပါတယ်။ မီးဘေးဒုက္ခသည် တဦးကတော့ အကူအညီပေးဖို့ မေတ္တာရပ်ခံပြီး လာမယ့်နှစ်သစ်ကျရင် လမ်းဘေးမှာ သားသမီး ၄ ဦးနဲ့အတူ နေရနိုင်တယ်လို့ ပြောပါတယ်။ ဒေသခံအစိုးရကတော့ မီးဘေးသင့် မိသားစုတွေကို ကယ်ဆယ်ရေးစခန်းဆီ ရွှေ့ပြောင်း နေရာချပြီး အကူအညီပေးမယ်လို့ ပြောပါတယ်။ မီးဖိုချောင် ဓာတ်ငွေ့ယိုစိမ့်မှုကြောင့် မီးလောင်တာဖြစ်ပြီး မီးဘေးကြောင့် အနည်းဆုံး အမေရိကန်ဒေါ်လာ တသောင်းကျော်ဖိုး ပျက်စီးတယ်လို့ မီးသတ်အရာရှိ ရီကိုကွမ်တျူက ပြောပါတယ်။ “မနီလာမြို့တော်က ဆင်းရဲသားရပ်ကွက်တွေမှာ မီးလောင်တာ ဖြစ်နေကျပါ။ အပေါစား ပစ္စည်းတွေနဲ့ အိမ်ဆောက်ထားပြီး တရားမဝင် မီးခိုးသွယ်ရာက လျှပ်စစ်ဝါယာ ရှော့ခ်ဖြစ်ပြီး လောင်တာ အများဆုံးပဲ” လို့ မီးဘေးကာကွယ်ရေးဗျူရိုက ပြောပါတယ်။