မတ္တရာတွင် စက်ကိရိယာတပ်ထားသည့်

February 2, 2018

မတ္တရာတွင် စက်ကိရိယာတပ်ထားသည့် လင်းယုန်ငှက် ၁ ကောင် တွေ့ရှိ

မတ္တရာမြို့နယ်မှာ စက်ကိရိယာတပ်ဆင်ထားတဲ့ လင်းယုန်ငှက် ၁ ကောင် တွေ့ရှိခဲ့တယ်လို့ ပြည်ထဲရေးက သတင်းထုတ်ပြန်ပါတယ်။ ဖေဖော်ဝါရီ ၁ ရက်မနက်က ကျော်ခိုင်ဝင်းဟာ မတ္တရာမြို့နယ် တောင်ယာကြီးကွင်း ရှားပြန့်တောမှာ ထင်းခုတ်ဖို့သွားရာ ဦးခေါင်းမှ အမြီးဖျားထိ ၂ ပေခန့်၊ အမြင့် ၁ ပေခွဲခန့်၊ တောင်ပံ ဝဲမှယာထိ ၄ ပေခန့်ရှိ ဝဲပေါင်ကျိုးနေတဲ့ ဖြူ/ညိုရောင် လင်းယုန်ငှက် ၁ ကောင်အားတွေ့ရှိဖမ်းမိခဲ့တာပါ။ လင်းယုန်ငှက်ရဲ့ ကျောမှာ သိုင်းကြိုးနဲ့ MWB-1605 စာတန်းပါ စက် ၁ လုံး (စိစစ်ဆဲ) နဲ့ ဝဲခြေထောက်မှာ 272 ORNITH-LABINISTBIOL MONGLIA စာတန်းပါ သတ္တုကွင်း ၁ ကွင်း တပ်ထားတယ်လို့ဆိုပါတယ်။ ဒီလင်းယုန်ငှက်ကို ကျော်ခိုင်ဝင်းက ရက်ကန်းစင်တောင်ပေါ် ဘုန်းကြီးကျောင်း ဆရာတော်ကို လှူဒါန်းခဲ့ကြောင်း သတင်းအရ ရေနံ့သာနယ်မြေရဲစခန်း တာဝန်ရှိသူတွေက သွားရောက်ကြည့်ရှု စစ်ဆေးခဲ့ကြပါတယ်။ ဒီနောက် ဥက္ကံသစ်တောဘိနယ် တောခေါင်းနဲ့အဖွဲ့က လင်းယုန်ငှက်ကို လွှဲပြောင်းလက်ခံခဲ့ပြီး မတ္တရာမြို့နယ် သစ်တောဦးစီးဌာနရုံးကို သယ်ဆောင်သွားခဲ့တယ်လို့ သိရပါတယ်။ ဓာတ်ပုံ - ပြည်ထဲရေး
4 years Ago
Up