မတရားအသင်း ဥပဒေဖြင့် တရားစွဲခံထားရသည့် ပလက်ဝမြို့နယ်က ရွာသားများ လွတ်မြောက်

March 22, 2021

တရားမဝင်အကြမ်းဖက်စစ်အုပ်စုက CRPH ကို မတရားအသင်းအဖြစ်ကြေညာ

ပြည်ထောင်စုလွှတ်တော်ကိုယ်စားပြုကော်မတီ (CRPH)ကို အကြမ်းဖက်စစ်အုပ်စုက မတရားသင်းအဖြစ် မတ်လ ၂၁ ရက်နေ့စွဲနဲ့ ကြေညာလိုက်ပါတယ်။

CRPH ကော်မတီနဲ့ အဖွဲ့ဝင်တွေ၊ ကော်မတီက ဖွဲ့စည်းထားတဲ့ အဖွဲ့အစည်းတွေ၊ ကော်မတီနဲ့ဆက်နွှယ်တဲ့ပုဂ္ဂိုလ်တွေရဲ့ ရည်ရွယ်ချက်နဲ့ လုပ်ရပ်တွေဟာ မြန်မာနိုင်ငံရဲ့ တရားဥပဒေစိုးမိုးရေးနဲ့ နိုင်ငံတော် တည်ငြိမ်အေးချမ်းရေး၊ အများပြည်သူတို့ရဲ့ အေးချမ်းသာယာရေးကို အနှောက်အယှက် အန္တရာယ်ဖြစ်စေတယ်လို့ အာဏာသိမ်း စစ်ခေါင်းဆောင်က ယုံကြည်ယူဆတယ်လို့ ဆိုပါတယ်။

ဒါကြောင့် မတရားအသင်းများ အက်ဥပဒေ ပုဒ်မ ၁၆ အရ CRPH ကော်မတီနဲ့ ကော်မတီက ဖွဲ့စည်းထားတဲ့ အဖွဲ့အစည်းတွေကို မတရားအသင်းများ အက်ဥပဒေ ပုဒ်မ ၁၅ ပုဒ်မခွဲ (၂) ပါ အဓိပ္ပါယ်ဖော်ပြချက်တွေနဲ့ အညီ မတရားအသင်းအဖြစ် ကြေညာလိုက် ကြောင်း  အာဏာသိမ်းစစ်အုပ်စုရဲ့ ပြည်ထဲရေးဝန်ကြီးဆိုသူ ဒုဗိုလ်ချုပ်ကြီး စိုးထွဋ်က အမိန့်ထုတ်ပြန်ပါတယ်။

ပြည်ထောင်စုလွှတ်တော်ကိုယ်စားပြုကော်မတီ (CRPH) ဟာ ၂၀၂၀ ရွေးကောက်ပွဲမှာ ပြည်သူလူထုက လုပ်ပိုင်ခွင့်အာဏာ အပြည့်အဝအပ်နှင်းခံထားရတဲ့ တရားဝင်အဖွဲ့အစည်း ဖြစ်ပါတယ်။ 

လက်နက်မဲ့ပြည်သူတွေကို နေ့စဉ်ပစ်ခတ်သတ်ဖြတ်နေတဲ့ ဗိုလ်ချုပ်မှူးကြီးမင်းအောင်လှိုင်ခေါင်းဆောင်တဲ့ အာဏာသိမ်းစစ်ကောင်စီကို အကြမ်းဖက်အဖွဲ့အစည်းအဖြစ်  (CRPH) ကလည်း ထုတ်ပြန်ကြေညာထားပါတယ်။

10 months Ago

January 24, 2020

မတရားအသင်း ဥပဒေဖြင့် တရားစွဲခံထားရသည့် ပလက်ဝမြို့နယ်က ရွာသားများ လွတ်မြောက်

တနှစ်နီးပါး ဖမ်းဆီးတရားစွဲဆိုခံခဲ့ရတဲ့ ချင်းပြည်နယ် ပလက်ဝမြို့နယ်က ကျေးရွာသား ၁၃ ဦးကို စွဲချက်မတင်မီ စစ်တွေမြို့နယ်တရားရုံးက  ဒီကနေ့ ပြန်လည်လွှတ်ပေးလိုက်ပါတယ်။ မတရားအသင်း ဥပဒေပုဒ်မ (၁၇) ၁၊ ၂ နဲ့ ဖမ်းဆီးတရားစွဲဆိုခံထားရတဲ့  ပလက်ဝမြို့နယ် ချင်းလက်ဝကျေးရွာသား ၁၃ ဦးဟာ အဆိုပါ ဥပဒေနဲ့ မငြိစွန်းတာကြောင့် တရားရုံးက ပြန်လွှတ်လိုက်တာ ဖြစ်ပါတယ်။ ရက္ခိုင့်တပ်တော်အေအေနဲ့ ဆက်စပ်မှုရှိတယ်(ရိက္ခာပို့တယ်)ဆိုပြီး ရွာသား ၁၃ ဦးကို ၂၀၁၉ ဖေဖော်ဝါရီ ၄ ရက်က ဖမ်းခဲ့တာဖြစ်ပြီး ဖမ်းဆီးခံရတဲ့အထဲမှာ အမျိုးသမီး ၁ ဦးနဲ့ အမျိုးသား ၁၂ ဦးပါဝင်ပါတယ်။ သူတို့ ၁၃ ဦးကို တပ်မတော်က ဗိုလ်မှူး နိုင်အောင်ဖြိုးက တရားလိုလုပ်ပြီး တရားလိုပြသက်သေ ၉ ဦး စုစုပေါင်း ၁၀ ဦးစစ်ဆေးပြီးနောက်မှာ  ပြန်လွှတ်ပေးလိုက်တာဖြစ်ပြီး အခုလိုမတရားဖမ်းဆီးခံရတာကြောင့် မိသားစုတွေ များစွာနစ်နာမှုရှိတယ်လို့ ရွာသားတွေ ဘက်က ပြောပါတယ်။ အဆိုပါရွာသား ၁၃ ဦးဟာ ပြီးခဲ့နှစ်က ပလက်ဝဘက်မှာ တပ်မတော်နဲ့ အေအေတို့တိုက်ပွဲ ပြင်းပြင်းထန်ထန်ဖြစ်ပွားပြီးနောက် ရွာနဲ့အနီးဆုံးဖြစ်တဲ့ ကျောက်တော်မြို့နယ်ဘက်ကို စစ်ဘေးရှောင်အနေနဲ့ ထွက်ပြေးတိမ်း ရှောင်လာတဲ့အချိန်မှာ ဖမ်းဆီးခံလိုက်ရတာလည်း ဖြစ်ပါတယ်။ အကြမ်းဖက်မှုဥပဒေနဲ့ ၁ဝ လလောက် အမှုရင်ဆိုင်ခဲ့ရပြီးနောက် ပြီးခဲ့တဲ့ ဇန်နဝါရီ ၃ ရက်ကလည်း မင်းပြားမြို့နယ်နဲ့ မြောက်ဦးမြို့နယ်တွေက ဖမ်းဆီး တရားစွဲခံထားရတဲ့ ကျေးရွာသား ၄ ဦးကို စစ်တွေခရိုင်တရားရုံးက သက်သေမခိုင်လုံလို့ ပြန်လွှတ်ပေးခဲ့ပါတယ်။ ဒါ့အပြင် ဇန်နဝါရီ ၈ ရက်နေ့ကလည်း အကြမ်းဖက်မှု ဥပဒေနဲ့ မတရားစွပ်စွဲဖမ်းဆီး ခံထားရသူ ၁၂ ဦးဟာ မှားယွင်းစွာတရားစွဲဆိုခဲ့တာဖြစ်လို့ တရားရှင်လွတ်မြောက်ခဲ့ပါတယ်။ ပြီးခဲ့တဲ့နှစ်ကစလို့ ရခိုင်ပြည်နယ်မှာ ရက္ခိုင့်တပ်တော်(အေအေ)နဲ့ပတ်သက်လို့ သံသယနဲ့ အမှုဖွင့်ဖမ်းဆီးခံရထားရသူပေါင်း ၅၀၀ ကျော်ရှိတယ်လို့ စစ်တွေမြို့အခြေစိုက် သဇင် ဥပဒေ အထောက်အကူပြုအဖွဲ့က ထုတ်ပြန်ထားပါတယ်။
2 years Ago
Up